स्टारलिंकको अवरोधका बीच फिनल्याण्डका टेक कम्पनीहरूले युक्रेनलाई आफ्नै स्याटेलाइट प्रणाली निर्माण गर्न सघाउने

फिनल्याण्डका प्राविधिक कम्पनीहरू आईसीआई र नोकियाले अक्टोबर २२ मा युक्रेनको रक्षा मन्त्रालयसँग एक आशय पत्रमा हस्ताक्षर गरेका छन्। यस सम्झौताले युक्रेनको आफ्नै स्याटेलाइट सञ्चार प्रणाली विकास गर्ने उद्देश्यसहितको साझेदारीलाई औपचारिक रूप दिएको छ। राष्ट्रपति भोलोदिमिर जेलेन्स्कीले सोही दिन फिनल्याण्डका प्रधानमन्त्री पेटेरी ओर्पोको किएभ भ्रमणका क्रममा यस सम्झौताको घोषणा गरेका थिए। उनले यस स्याटेलाइट सम्झौतालाई “हाम्रो रक्षा र युक्रेनको लचिलोपनका लागि महत्त्वपूर्ण” भनी बताए। नोकिया र आईसीआईले “सरकारहरूका लागि ब्रोडब्यान्ड लो अर्थ अर्बिट स्याटेलाइट सञ्चार प्रणाली” निर्माण गर्न सहकार्य गर्ने योजना घोषणा गरेको केही हप्तापछि नै किएभसँग यो सम्झौता भएको हो। यी प्रणालीहरूले राष्ट्रिय रक्षा, आपतकालीन प्रतिक्रिया सेवाहरू र सीमा सुरक्षा लगायतका विभिन्न क्षेत्रमा सहयोग पुर्याउने किभ इन्डिपेन्डेन्टले रिपोर्ट गरेको छ। हाल युक्रेन अर्को एक ब्रोडब्यान्ड लिओ स्याटेलाइट सञ्चार प्रणाली- अमेरिकी कम्पनी स्पेसएक्सद्वारा सञ्चालित ‘स्टारलिंक’ मा निर्भर रहँदै आएको छ। युद्धभूमिमा सञ्चार कायम राख्न, मध्यम दूरीका ड्रोन आक्रमणहरू गर्न र हवाई रक्षाका लागि स्टारलिंक अत्यन्त महत्त्वपूर्ण साबित भएको छ। तर यो प्रणाली कमजोर पनि साबित भएको छ; र युक्रेनले आफ्ना ‘स्टारलिंक’ सेवाहरूमा एक हप्तासम्म लगातार अवरोध आएपछि यो कुरा थाहा पाएको थियो। अमेरिकी राष्ट्रपति डोनाल्ड ट्रम्पले युक्रेनको स्टारलिंक सेवा पूर्ण गति र कार्यक्षमतामा फर्किसकेको दाबी गरे पनि, युक्रेनका एक अधिकारीले त्यहाँ प्रतिबन्धहरू कायमै रहेको उल्लेख गरेका छन्। आईसीआई (ICEYE) र नोकियाले संयुक्त रूपमा विकास गर्न चाहेका प्रणालीहरूले विभिन्न राष्ट्रहरूलाई आफ्ना भूउपग्रहहरू, ग्राउन्ड सेगमेन्ट र टर्मिनलहरूमा स्वामित्व प्रदान गर्ने कम्पनीहरूले बताएका छन्। The post स्टारलिंकको अवरोधका बीच फिनल्याण्डका टेक कम्पनीहरूले युक्रेनलाई आफ्नै स्याटेलाइट प्रणाली निर्माण गर्न सघाउने appeared first on Technology Khabar.