भद्रकाली दर्शनमा पुगेका भक्तजनहरु भन्छन् : शान्ति र देश कल्याणको कामना गरेका छौं
<p>काठमाडौं । बडादशैँको नवरात्रसँगै देशभरका शक्तिपीठहरुमा दर्शन गर्नेहरुको भीड लाग्ने गर्छ । विशेषगरी काठमाडौं उपत्यकाभित्रका शक्तिपीठहरुमा पनि दर्शन गर्नेहरुको उत्तिक घुइँचो छ ।<p>काठमाडौंस्थित मुख्य शक्तिपीठमध्ये भद्रकाली मन्दिरमा पूजाआजा तथा देवीको दर्शन गर्न आउने भक्तजनको चहलपहल बढेको छ ।</p><p>नवरात्रका अवसरमा देवीको आराधना गर्न मन्दिर पुग्ने भक्तजनमध्ये कोही वर्षौंदेखिको परम्परालाई निरन्तरता दिन आएका छन् भने कोही परिवारको सुख, शान्ति र देशको कल्याणको कामना गर्दै पूजाआजामा सहभागी भइरहेका छन् ।</p><p>बडादशैँमा विशेष पूजाआजा हुने प्रमुख शक्तिपीठमध्ये भद्रकाली मन्दिर पनि एक हो । नवरात्रका नौं दिन फरक–फरक शक्तिपीठमा पुगेर देवीको दर्शन गर्ने धार्मिक मान्यताअनुसार कतिपय भक्तजनले दैनिक नयाँ मन्दिर पुग्ने योजना बनाएका छन् ।</p><p>भद्रकाली मन्दिरमा पूजाआजा गर्न आएका सानु थापा उमेरले पाका छन् । उनी विगतमा नवरात्रभरि नुहाउने, देवीको दर्शन गर्ने र विभिन्न मन्दिर घुम्ने गरेको सम्झन्छिन् । अहिले भने उमेर बढ्दै जाँदा हिँडडुल गर्न कठिन भएको उनी बताउँछिन् ।</p><p>‘पहिला त नवरात्रभरि नुहाइन्थ्यो, दर्शन गरिन्थ्यो, मन्दिरतिर घुमिन्थ्यो । अहिले बुढेसकालमा हिँड्न सकिँदैन,’ थापा भन्छिन् ।</p><p>उमेरका कारण पहिलेझैँ मन्दिरहरू घुम्न नसके पनि दसैँप्रतिको उनको सद्भाव उस्तै छ । सबैले दसैँ राम्रोसँग मनाउन पाऊन् र खुसी रहून् भन्ने कामना गर्दै उनी भन्छिन्, ‘दसैँमा सबै जनाले राम्रोसित मानून्, धेरै खुसी होऊन्, त्यही हो ।’</p><p>त्यस्तै, भद्रकाली मन्दिरमा पूजाआजा गर्न आएकी सीता ढुंगाना नवरात्रमा देवीको आराधना गर्नुको विशेष महत्त्व रहेको बताउँछिन् । हिन्दू धर्मावलम्बीको प्रमुख चाड दसैँमा भद्रकालीलगायत शक्तिपीठमा पुगेर पूजा गर्ने परम्पराले आफूलाई पनि मन्दिरसम्म ल्याएको उनको भनाइ छ ।</p><p>‘हिन्दूहरूको सबैभन्दा महत्त्वपूर्ण चाड दसैँ हो । नवरात्रमा भद्रकालीको विशेष महत्त्व भएकाले यहाँ आएका हौँ। सम्पूर्ण देवीदेवताको महत्त्व छ, तर काली माताको मन्दिरमा विशेष रूपमा आउने चलन छ,’ ढुंगाना भन्छिन् ।</p><p>पूजाआजा र देवीको दर्शन गर्न मन्दिर पुगेकी ढुंगानाको मनमा भने यस वर्ष देशको परिस्थितिलाई लिएर चिन्ता पनि छ । विगतमा दसैँका बेला गाउँघर जाने, आफन्तसँग भेटघाट गर्ने र रमाइलो गर्ने चलन सम्झँदै उनी अहिलेको वातावरण केही शान्त र निराशाजनक बनेको सुनाउँछिन् ।</p><p>‘पहिला–पहिला गाउँघर गइन्थ्यो, यताउति रमाइलो हुन्थ्यो । अहिले चाहिँ अलि सन्नाटा छाएको छ । देशमा पनि नराम्रो भएको छ, दुःख छ । तैपनि दुःखलाई थाती राखेरै भगवानलाई प्रार्थना गर्न आएको हुँ,’ उनी भन्छिन् ।</p><p>देशमा देखिएका समस्या र आपत्विपत् कम होऊन् तथा सबै मिलेर अघि बढ्दा राम्रो परिस्थिति निर्माण होस् भन्ने उनको कामना छ । धार्मिक आस्थासँगै सामाजिक एकता र आपसी सद्भावको आवश्यकता औँल्याउँदै उनी सबैलाई मिलेर सकारात्मक प्रयास गर्न आग्रह गर्छिन् ।</p><p>भद्रकाली मन्दिरमा पूजाआजा गर्न आएका यी भक्तजनका अनुभवले दशैँको धार्मिक र भावनात्मक पक्षलाई उजागर गर्छन् । कसैका लागि नवरात्र पुराना दिनको सम्झना हो भने कसैका लागि वर्तमानका दुःख बिर्सेर मनलाई शान्त बनाउने अवसर । देवीको दर्शन र पूजाआजामार्फत उनीहरू आफ्नो जीवन, परिवार र देशका लागि सुख, शान्ति तथा समृद्धिको कामना गरिरहेका छन् ।</p> </p>
Read Complete Original Article
Published originally on ओएसनेपाल
Related News
पश्चिम एसिया तनावबीच कतारद्वारा नयाँ क्षेत्रीय रक्षा साझेदारीको घोषणा गर्ने तयारी
२ असोज, काठमाडौं । कतारले आफ्नो सैन्य क्षमता सुदृढ गर्ने उद्देश्यले चाँडै नै एउटा नयाँ क्षेत्रीय रक्षा साझेदारीको घोषणा गर्ने तयारी गरेको छ। कतारका उपप्रधानमन्त्री तथा रक्षा राज्यमन्त्री शेख साउद बिन अब्दुलरहमान अलथानीले दोहामा आयोजित ग्लोबल सेक्युरिटी फोरममा यसबारे जानकारी दिएका हुन्। उनका अनुसार, कतारले भर्खरै आफ्नो रक्षा क्षमताको समीक्षा गर्दै वायु रक्षा, एन्टी-ड्रोन प्रविधि,… ...
कञ्चनपुरमा दिसाबाट निकालियो हेरोइन, एक जना पक्राउ
२ कात्तिक, कञ्चनपुर । कञ्चनपुरमा निलेर पेटभित्र लागूऔषध लुकाएका एक जनाको दिसाबाट १० ग्राम ४२० मिलिग्राम खैरो हेरोइन बरामद गरिएको छ। जिल्ला प्रहरी कार्यालय कञ्चनपुरका अनुसार पक्राउ पर्नेमा भीमदत्त नगरपालिका–१८ का ३३ वर्षीय राज चौधरी छन् । कार्यालयका सूचना अधिकारी प्रहरी नायब उपरीक्षक (डीएसपी) टेकबहादुर रावतका अनुसार लागूऔषध सेवन तथा ओसारपसार भइरहेको सूचनाका आधारमा चौधरीलाई… ...
आरुघाटस्थित बूढीगण्डकीमा सञ्चालनमा आयो बेलीब्रिज
२ कात्तिक, काठमाडौं । गोरखाको आरुघाटस्थित बूढीगण्डकी नदीमा बेलीब्रिज निर्माण गरी सञ्चालनमा ल्याइएको छ। नेपाली सेनाले सोमबार नै पुल निर्माण सम्पन्न गरी सडक विभागलाई हस्तान्तरण गरेको छ । नेपाली सेना र सडक विभागको सहकार्यमा पुल निर्माण भएपछि बाढीका कारण प्रभावित बनेको आवतजावत सहज भएको छ। २७.४३ मिटर लम्बाइको उक्त बेलीब्रिजको अधिकतम भारवहन क्षमता २५ टन रहेको… ...
जुम्लामा पाइप बम विस्फोट, २ जना घाइते
जुम्लाको हिमा गाउँपालिका २, ओदीमा पाइपजस्तो वस्तु काट्ने क्रममा विस्फोट हुँदा १४ वर्षीय बालक गम्भीर घाइते भएका छन् भने अर्का एकजना सामान्य घाइते भएका छन् । हिमा गाउँपालिका २ का वडाध्यक्ष हरिबहादुर रोकायाका अनुसार स्थानीय कमल थापाको घरमा पानीको धारा निर्माण गर्ने क्रममा पुरानो जीआई पाइपजस्तो वस्तु ग्राइन्डरले काट्दा विस्फोट भएको हो । विस्फोटमा परी स्थानीय बल रोकाया गम्भीर घाईते भएका छन् ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
