बजाज वेगोमा अफर

काठमाडौं । बजाजको आधिकारिक बिक्रेता हंसराज हुलासचन्द एण्ड कम्पनी प्रालिले नेपाली ग्राहकका लागि नयाँ बजाज वेगो विद्युतीय तीनपांग्रे सवारीसाधनमा आकर्षक चाडपर्व विशेष योजना सार्वजनिक गरेको छ । ‘चाडपर्वको बहार, वेगोमा ५० हजार’ नारासहित ल्याइएको योजनाअन्तर्गत ग्राहकले बजाज वेगो खरिदमा ५० हजार रुपैयाँ छुट पाउन सक्ने बताइएको छ । कम्पनीले योजनालाई थप आकर्षक बनाउँदै पुरानो सवारीसाधन साटेर नयाँ बजाज वेगो खरिद गर्ने ग्राहकका लागि ३० हजार रुपैयाँसम्मको थप मूल्यांकन सुविधा पनि उपलब्ध गराएको छ । ग्राहकको दीर्घकालीन विश्वास र सन्तुष्टिलाई प्राथमिकता दिँदै बजाज वेगोमा छ वर्ष वा एक लाख ५० हजार किलोमिटरसम्मको वारेन्टी सुविधा प्रदान गरिएको छ । खरिद प्रक्रिया सहज र पहुँचयोग्य बनाउन कम्पनीले हुलास फिनसर्भ हायर पर्चेजलाई वित्तीय साझेदारका रूपमा प्रस्तुत गरेको छ । सहज वित्तीय सुविधासँगै ३६ महिनासम्म किस्ताबन्दीमा भुक्तानी गर्न सकिने व्यवस्थाले ग्राहकलाई थप सहजता प्रदान गर्ने कम्पनीले जनाएको छ । कम्पनीका अनुसार नयाँ बजाज वेगो विद्युतीय तीनपांग्रे सवारीसाधनमा आधुनिक डिजाइन, शक्तिशाली विद्युतीय मोटर, लिथियम आयन फस्फेट ब्याट्री प्रविधि, आरामदायी यात्रा तथा कम सञ्चालन खर्च प्रमुख विशेषताका रूपमा रहेका छन् । पूर्ण चार्जमा एक सय ३० देखि एक सय ४० किलोमिटरसम्मको यात्रा दूरी प्रदान गर्ने कम्पनीको दाबी छ । इको तथा पावर राइडिङ मोड, पुनः ऊर्जा सञ्चय गर्ने ब्रेकिङ प्रणाली र उकालोमा सवारीसाधन रोकिराख्न सहयोग गर्ने प्रविधिसमेत रहेको बताइएको छ ।