Monday, November 16, 2026||
MultiKhabarMultiKhabar

नेपाल माइक्रो इन्स्योरेन्सको खुद बीमाशुल्क आर्जन २५.६६ प्रतिशतले बढ्यो,नवीकरण बीमालेख दोब्बर

Share:WhatsAppFacebookX (Twitter)Telegram
नेपाल माइक्रो इन्स्योरेन्सको खुद बीमाशुल्क आर्जन २५.६६ प्रतिशतले बढ्यो,नवीकरण बीमालेख दोब्बर
Photo / Coverage: टक्सार

काठमाडौँ । नेपाल माइक्रो इन्स्योरेन्स कम्पनी लिमिटेडले चालु आर्थिक वर्ष २०८३÷८४ को पहिलो त्रैमासमा आफ्नो मुख्य व्यावसायिक कारोबारमा उत्साहजनक वृद्धि हासिल गरेको छ । कम्पनीले सार्वजनिक गरेको असोज मसान्तसम्मको अपरिष्कृत वित्तीय विवरणअनुसार समीक्षा अवधिमा कम्पनीको खुद बीमाशुल्क आर्जन अघिल्लो वर्षको तुलनामा २५.६६ प्रतिशतले बढेको हो । गत आर्थिक वर्षको पहिलो त्रैमासमा २ करोड ६२ लाख ५९ हजार रुपैयाँ रहेको खुद बीमाशुल्क आर्जन चालु आवको सोही अवधिमा बढेर ३ करोड २९ लाख ९८ हजार रुपैयाँ पुगेको छ । त्यस्तै, कम्पनीको कुल बीमाशुल्क आर्जन पनि १९.७० प्रतिशतले वृद्धि भई ६ करोड ८२ लाख ९९ हजार रुपैयाँबाट ८ करोड १७ लाख ५५ हजार रुपैयाँ कायम भएको छ । कम्पनीको व्यावसायिक स्थायित्वको अर्को बलियो सकारात्मक पक्ष बीमालेख नवीकरणमा देखिएको उल्लेख्य वृद्धि हो । अघिल्लो वर्षको पहिलो त्रैमासमा ४९३ वटा बीमालेख नवीकरण भएकोमा चालु आवको सोही अवधिमा ११०.५४ प्रतिशतले बढेर १ हजार ३८ वटा बीमालेख नवीकरण भएका छन् । यसले ग्राहकहरूमाझ कम्पनीप्रतिको विश्वास बढ्दै गएको देखाउँछ। यस्तै, बैंक तथा वित्तीय संस्थाको ब्याजदर घटेको अवस्थामा पनि कम्पनीले आफ्नो लगानी पोर्टफोलियो व्यवस्थापन गर्दै लगानी तथा कर्जाबाट हुने आम्दानी १९.१५ प्रतिशतले बढाएको छ । अघिल्लो वर्ष ७३ लाख ८५ हजार रुपैयाँ रहेको यस्तो आम्दानी चालु आवको पहिलो त्रैमासमा ८७ लाख ९९ हजार रुपैयाँ पुगेको छ । सञ्चालन खर्चमा मितव्ययिता र बलियो कोष कम्पनीले व्यवसाय विस्तारसँगै अनावश्यक सञ्चालन खर्चमा नियन्त्रण गरेको देखिएको छ । अघिल्लो वर्षको पहिलो त्रैमासमा १ करोड ३४ लाख ६९ हजार रुपैयाँ रहेको अन्य सञ्चालन खर्चलाई कम्पनीले ३२ प्रतिशतले घटाएर ९१ लाख ६४ हजार रुपैयाँमा झारेको छ । दाबी भुक्तानी र कर्मचारी खर्च बढेका कारण खुद नाफा ५८ लाख ८९ हजार रुपैयाँ र वार्षिक प्रतिसेयर आम्दानी (इपिएस) ३ रुपैयाँ १४ पैसा कायम रहे पनि कम्पनीको जगेडा तथा कोषहरू भने थप मजबुत बनेका छन् । ७५ करोड रुपैयाँ चुक्ता पुँजी रहेको यस कम्पनीको विशेष जगेडा १२.१७ प्रतिशतले बढेर २ करोड ६६ लाख ८३ हजार रुपैयाँ, महाविपत्ति कोष २६ लाख ६८ हजार रुपैयाँ र रिटेन्ड अर्निङ २ करोड ३२ लाख ५१ हजार रुपैयाँ संचित छ । कम्पनीको कुल लगानी ६८ करोड २७ लाख ५९ हजार रुपैयाँ रहेको छ भने तरलता अनुपात १३८ प्रतिशत र सोल्भेन्सी मार्जिन अनुपात २.०३ कायम छ, जसले कम्पनीको वित्तीय आधार निकै सबल रहेको पुष्टि गर्छ। आगामी रणनीतिः डिजिटल सेवा र जनचेतना विस्तारआगामी दिनमा लघुबीमाको पहुँच विस्तार गर्न डिजिटल सेवाको प्रवर्धन, जनचेतना अभिवृद्धि र मानव संसाधनको क्षमता विकासलाई प्राथमिकतामा राखेको कम्पनीले जनाएको छ । समीक्षा अवधिमा दोस्रो बजारमा कम्पनीको सेयर मूल्य अधिकतम ९९० रुपैयाँ र न्यूनतम ७६५ रुपैयाँ ३० पैसामा कारोबार भई असोज मसान्तमा ७९६ रुपैयाँ ५० पैसा कायम भएको छ ।

Share:WhatsAppFacebookX (Twitter)Telegram

Read Complete Original Article

Published originally on टक्सार

Visit Publisher Site →

Related News

🇳🇵 Nepal
अमेरिकाको मियामी विमानस्थलमा दुई विमान ठोकिए
Latest NewsJust now

अमेरिकाको मियामी विमानस्थलमा दुई विमान ठोकिए

मियामी । संयुक्त राज्य अमेरिकाको मियामी विमानस्थलमा दुई विमान आपसमा ठोकिएका छन्। शनिबार राति पानामा सिटीबाट आएको कोपा एयरलाइन्सको यात्रुवाहक विमान विमानस्थलतर्फ अघि बढ्दै गर्दा यसको पखेटा यूपीएस कार्गो विमानको अगाडिको भागमा ठोकिएको हो। मियामी-डेड फायर रेस्क्युका अनुसार यूपीएस बोइङ ७६७ र कोपा एयरलाइन्सको बोइङ ७३७ आपसमा ठक्कर खाएका हुन्। दुर्घटनामा यात्रुवाहक विमानमा सवार दुई जना सामान्य घाइते भएका छन्। विमानमा १६६ ...

केन्द्रबिन्दु
प्रधानमन्त्री शाहको भारत भ्रमण: मोदीसँगको फेसटुफेस वार्ता कर्मकाण्डी कि क्रमभङ्गता ? कूटनीतिक अग्निपरीक्षा !
Latest NewsJust now

प्रधानमन्त्री शाहको भारत भ्रमण: मोदीसँगको फेसटुफेस वार्ता कर्मकाण्डी कि क्रमभङ्गता ? कूटनीतिक अग्निपरीक्षा !

काठमाडौं । प्रधानमन्त्री बालेन्द्र शाह (बालेन) को सम्भावित भारत भ्रमणलाई लिएर कूटनीतिक तथा राजनीतिक वृत्तमा बहस सुरु भएको छ । प्रधानमन्त्री शाह, उनको सचिवालय र परराष्ट्र मन्त्रालयले भ्रमणको तयारी गरिरहेका बेला राजनीतिक तथा कूटनीतिक क्षेत्रका जानकारहरूले पनि स्पष्ट एजेन्डा र ठोस तयारीसहित दिल्ली जानुपर्ने सुझाव दिएका छन् । भारतका लागि नेपालका पूर्वराजदूत डा. दुर्गेशमान सिंहले प्रधानमन्त्री साहलाई असम्भव मागभन्दा पनि सम्भव र ...

कर्पोरट खबर
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play