नेपाली क्रिकेटका लागि व्यस्त तालिका
काठमाडौं । नेपाली क्रिकेट टोलीका लागि आगामी दिनहरू अत्यन्तै व्यस्त र रोमाञ्चक बन्ने भएका छन् । एसिया कप राइजिङ स्टार्सदेखि काठमाडौंमा हुने विश्वकप छनोटको प्लेअफ र यू-१९ एसिया कपको बन्द प्रशिक्षणसम्मका महत्त्वपूर्ण खेल तालिका तथा घोषणाहरू सार्वजनिक भएका हुन् । कतारमा आयोजना हुने एसियन क्रिकेट काउन्सिल (एसिसी) को ‘पुरुष एसिया कप राइजिङ स्टार्स’ क्रिकेट प्रतियोगितामा नेपालले आफ्नो पहिलो खेल भारत ‘ए’ सँग खेल्ने पक्का भएको छ । एसिसीले सार्वजनिक गरेको खेल तालिकाअनुसार नेपाल आगामी नोभेम्बर २० (मंसिर ४ गते) भारत ‘ए’ विरुद्ध मैदान उत्रिनेछ । दोहास्थित वेष्ट इण्ड इन्टरनेसनल क्रिकेट स्टेडियममा हुने यो खेल नेपाली समयअनुसार दिउँसो ३ः४५ बजे सुरु हुनेछ । आगामी नोभेम्बर १९ (मंसिर ३) देखि सुरु हुने प्रतियोगितामा कुल आठ टोलीको सहभागिता रहनेछ । प्रतियोगिताको समूह ‘बी’ मा रहेको नेपालले भारत ‘ए’ सँगै पाकिस्तान ‘ए’ र संयुक्त अरब इमिरेट्स (युएई) सँग प्रतिस्पर्धा गर्नेछ । नेपालले समूह चरणको आफ्नो दोस्रो खेल मंसिर ६ गते युएईसँग खेल्नेछ भने समूह चरणको अन्तिम खेल मंसिर २४ गते पाकिस्तान ‘ए’ सँग खेल्ने तालिका रहेको छ । आइसिसी पुरुष एकदिवसीय क्रिकेट विश्वकप छनोटको प्लेअफ नेपालमै आयोजना हुने भएको छ । नेपाल क्रिकेट संघ (क्यान) ले दिएको जानकारीअनुसार आगामी डिसेम्बर ४ देखि २१ सम्म काठमाडौंमा उक्त प्रतियोगिता सञ्चालन हुनेछ । प्रतियोगितामा आइसिसी पुरुष क्रिकेट विश्वकप लिग-२ को अन्तिम स्थानमा रहने चार टोली र च्यालेन्ज लिग ‘ए’ तथा ‘बी’ का शीर्ष स्थान हासिल गर्ने दुई-दुई टोली गरी कुल आठ टोलीले प्रतिस्पर्धा गर्नेछन् । प्लेअफमा शीर्ष चार स्थान हासिल गर्न सफल हुने टोलीहरू सन् २०२७ मा दक्षिण अफ्रिका र नामिबियामा आयोजना हुने ५० ओभरको ‘आइसिसी पुरुष क्रिकेट विश्वकप क्वालिफायर्स’ का लागि छनोट हुनेछन् । आगामी यू-१९ एसिया कपलाई लक्षित गर्दै नेपाल क्रिकेट संघ (क्यान) ले २८ सदस्यीय प्रारम्भिक टोली घोषणा गरेको छ । प्रतियोगिताको विशेष तयारीस्वरूप नेपाली युवा टोलीको बन्द प्रशिक्षण सोमबारदेखि पोखरामा सुरु हुनेछ । प्रशिक्षणका क्रममा खेलाडीहरूको खेल प्रदर्शन र क्षमताको मूल्यांकन गरेर अन्तिम टोली छनोट गरिने क्यानले जनाएको छ ।
Read Complete Original Article
Published originally on हिमालय टाइम्स
Related News
एनपीएल आजदेखि सुरु हुँदै, उद्घाटन खेलमा लुम्बिनी र सुदूरपश्चिम भिड्दै
काठमाडाैं । नेपाली क्रिकेटको चर्चित प्रतियोगिता नेपाल प्रिमियर लिग (एनपीएल) को तेस्रो संस्करण आजदेखि सुरु हुँदैछ। प्रतियोगिताको सम्पूर्ण तयारी पूरा भएको नेपाल क्रिकेट संघ (क्यान) ले जनाएको छ । प्रतियोगिताको उद्घाटन खेलमा आज साँझ ५ बजे लुम्बिनी लायन्स र सुदूरपश्चिम रोयल्सबीच प्रतिस्पर्धा हुनेछ। कीर्तिपुरस्थित त्रिवि क्रिकेट मैदानमा हुने खेलमा दुवै टोली जितसहित प्रतियोगिताको सुरुवात गर्ने लक्ष्यमा हुनेछन् । यी दुई टोली अघिल्लो ...
दुई पटकको अभागी सुदूरपश्चिमको लक्ष्य पहिलो उपाधि
काठमाडौँ । नेपाल प्रिमियर लिग (एनपीएल) का अघिल्ला दुई संस्करणमा फाइनलसम्म पुगेर पनि उपाधि जित्न नसकेको सुदूरपश्चिम रोयल्स यसपटक पहिलो उपाधिको खोजीमा छ । लगातार दुई पटक उपविजेतामा सीमित बनेको... ...
जलवायु न्यायको सुरुवात
हजारौँ माइल यात्रा पहिलो पाइलाबाटै आरम्भ हुन्छ भनिन्छ । पहिलो पाइला सजिलो हुँदैन । त्यसका निम्ति ठुलो तयारी चाहिन्छ । उद्देश्य र गन्तव्य स्पष्ट हुनु पर्छ । आँट र अठोट पनि चाहिन्छ ।... ...
झापाका किसानलाई हात्तीबाट धानबाली जोगाउने चिन्ता
• झापाका किसानहरू धान पाक्ने समयमा जङ्गली हात्तीबाट बाली जोगाउन चिन्तित छन्, जसका लागि सशस्त्र प्रहरीले सुरक्षा निगरानी र जनचेतना अभियान चलाइरहेको छ। • हात्तीको जोखिमबाट बच्न किसान र स्थानीय बासिन्दालाई विशेष सावधानी अपनाउन र रातको समयमा घरबाहिर ननिस्कन आग्रह गरिएको छ। • हात्तीको आवतजावत हुने क्षेत्रका बासिन्दालाई सुरक्षित स्थानमा जान र हात्तीलाई नजिक जान्न वा लखेट्न प्रयास नगर्न सशस्त्र ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
