Tuesday, November 17, 2026||
MultiKhabarMultiKhabar

तिहार मनाउन घर फर्किएका बाबु–छोरा एकै चितामा

Share:WhatsAppFacebookX (Twitter)Telegram
तिहार मनाउन घर फर्किएका बाबु–छोरा एकै चितामा
Photo / Coverage: केन्द्रबिन्दु

बाँके । एकै घरका बाबु–छोराको सडक दुर्घटनामा निधन भएपछि बाँकेको राप्ती सोनारी–५ स्थित चिलहरिया गाउँ शोकमग्न भएको छ। बर्दियाको गुलरियामा आफन्तलाई भेट्न जाँदै गरेका ३४ वर्षीय हुकुमबहादुर खत्री र उनका बुवा ६६ वर्षीय दलबहादुर खत्री सवार मोटरसाइकल गुलरिया–११ लालपुरमा मिनीफोर्स बससँग ठोक्किँदा उनीहरूको निधन भएको थियो। बाबु–छोराको एकसाथ निधन भएपछि सिङ्गो चिलहरिया गाउँ शोकमग्न भएको स्थानीय जुद्ध पुनले बताए। भारतमा रोजगारी गर्दै आएका उनीहरू तिहार मनाउन नेपाल फर्किएका थिए। बर्दियाको गुलरियामा छोरी भेट्न जाने क्रममा उक्त घटना भएको थियो। गुलरियाबाट नेपालगञ्ज जाँदै गरेको बा ५ ख ५६०५ नं को मिनि फोर्स गाडी र नेपालगञ्जबाट गुलरियातर्फ गइरहेको भारतीय मोटरसाइकल एकआपसमा ठोकिएको थियो। त्यस सडक दुर्घटनामा बाबु–छोराको ज्यान गएपछि आफन्त र छिमेकी गाउँवासीले दोषीलाई कारबाहीको माग गर्दै नेपालगञ्ज–राजापुर सडक अवरुद्ध पारे पनि सवारीधनी सम्पर्कमा नआएपछि जिल्ला प्रहरी कार्यालयमा जोहरी दर्ता गरेर फर्किएको राप्ती सोनारी गाउँपालिका–५ का वडाध्यक्ष झगरु थारुले बताए। मृत्यु भएको तीन दिन बित्दासम्म निकाश ननिस्केपछि मुद्दा दर्ता गर्ने सहमतिमा बाबु–छोराको शव आफन्तजनले बुझेका छन्। मृतक बाबु–छोराको आज स्थानीय अगैयाघाटमा दाहसंस्कार गरिएको वडाध्यक्ष थारुले बताए। स्थानीय अगुवा तारा ओलीले चाडपर्वको बेला परदेशबाट घर फर्किएका बाबु–छोरालाई सडकमै गुमाउनुपर्दा सिङ्गो बिनौनावासी नै स्तब्ध र शोकमग्न रहेको प्रतिक्रिया दिए। उनले भने, “चाडपर्व मनाउन घर फर्किएका बाबु–छोराको अकाल मृत्युले खत्री परिवारको सहारा खोसिएको छ भने असुरक्षित सडक यात्राले फेरि एकपटक ग्रामीण बस्तीमा कहिल्यै निको नहुने घाउ छाडेको छ।”

Share:WhatsAppFacebookX (Twitter)Telegram

Read Complete Original Article

Published originally on केन्द्रबिन्दु

Visit Publisher Site →

Related News

🇳🇵 Nepal
चाडपर्वको महिनामा कर्णाली सरकारको खर्च ३२ करोड ३६ लाख !
Latest NewsJust now

चाडपर्वको महिनामा कर्णाली सरकारको खर्च ३२ करोड ३६ लाख !

सुर्खेत। कर्णाली प्रदेश सरकारले कात्तिक महिनाभर ३२ करोड बराबर रुपैयाँ खर्च गरेको छ। असोज मसान्तसम्म २ अर्ब ५४ करोड ८६ लाख ३४ हजार बराबर बजेट खर्च गरेको सरकारले कात्तिकमा ३२... ...

रातोपाटी
गोरखाकाे धार्चेमा विद्युत् र सञ्चार सेवा सुचारु
Latest NewsJust now

गोरखाकाे धार्चेमा विद्युत् र सञ्चार सेवा सुचारु

गोरखा । धार्चेका ६०० घरधुरीमा झण्डै डेढ महिनापछि विद्युत् र सञ्चार सेवा सुचारु भएको छ । धार्चे गाउँपालिका– १ र ३ करिब ६०० घरधुरीमा सोमबारदेखि विद्युत् सेवा सुचारु भएको हो । बुढीगण्डकीमा आएको बाढीका कारण विद्युत् र सञ्चार सेवा अवरुद्ध भएको थियो । नेपाल टेलिकमको टावरमा विद्युत् सेवा जडान भएपछि सञ्चार सेवा पनि सुचारु भएको त्यहाँका वडाध्यक्ष सरोज गुरुङले जानकारी दिए । ...

केन्द्रबिन्दु
अधिवक्ता परीक्षाको परीक्षा केन्द्रसम्बन्धी निर्णयविरुद्ध सर्वोच्चमा रिट
Latest NewsJust now

अधिवक्ता परीक्षाको परीक्षा केन्द्रसम्बन्धी निर्णयविरुद्ध सर्वोच्चमा रिट

काठमाडौँ। नेपाल कानून व्यवसायी परिषद्ले ३५औँ अधिवक्ता परीक्षाका लागि प्रदेशगत परीक्षा केन्द्र निर्धारण गर्न न्यूनतम ५०० जना परीक्षार्थी हुनुपर्ने मापदण्ड राखेको निर्णयविरुद्ध ६ प्रदेशका १० जना परीक्षार्थीले सर्वोच्च अदालतमा रिट... ...

रातोपाटी
लायन्स क्लब रोल्पाद्वारा बाढी पीडितलाई १६ लाख सहयोग
Latest NewsJust now

लायन्स क्लब रोल्पाद्वारा बाढी पीडितलाई १६ लाख सहयोग

भरत विकरोल्पा, मंसिर १ गते । लायन्स क्लब अफ रोल्पाले बाढीपहिरोबाट प्रभावित रोल्पाका विभिन्न क्षेत्रका पीडित परिवारलाई करिब १६ लाख रुपियाँ बराबरको राहत सामग्री वितरण गरेको छ।क्लबले... ...

गोरखापत्र
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play