काठमाडौं । सुनको मूल्य उच्च बिन्दुमा पुगे पनि यस वर्षको तिहारमा सुन किन्ने ग्राहकको उत्साहमा कमी आएन । मूल्यवृद्धिका कारण कारोबार घट्ने अनुमान गरिरहेका सुनचाँदी व्यवसायीले तिहारमा अपेक्षाभन्दा बढी ३० किलो सुन बिक्री गरेका छन् । नेपाल सुनचाँदी व्यवसायी महासंघका अनुसार यस वर्ष धनतेरस र त्यसपछिका दुई दिनमा मात्रै करिब ३० किलो सुन बिक्री भएको हो । सुनको मूल्य बढिरहेको अवस्थामा पनि ग्राहकको आकर्षण कायम रहनुले बजारमा अपेक्षाभन्दा राम्रो कारोबार भएको व्यवसायीले बताएका छन् । हिन्दू धर्मावलम्बीहरूको महत्वपूर्ण पर्व धनतेरसमा सुनचाँदी तथा धातुका सामग्री खरिद गर्ने धार्मिक परम्परा छ। धनतेरसका दिन सुनचाँदी खरिद गर्दा घरमा सुख, समृद्धि र धनधान्य वृद्धि हुने धार्मिक विश्वासका कारण यस अवसरमा सुनचाँदी बजारमा ग्राहकको चहलपहल बढ्ने गर्छ । यस वर्ष पनि धनतेरसको अघिल्लो दिनदेखि नै सुन पसलमा ग्राहकको भीड लागेको थियो । धनतेरसको दिन सुनको मूल्य प्रतितोला ५ हजार ९०० रुपैयाँले घटेर २ लाख ८३ हजार रुपैयाँमा झरेको थियो । त्यसको अघिल्लो दिन भने सुनको मूल्य प्रतितोला १३ हजार ३०० रुपैयाँले बढेको थियो।
तिहारमा मूल्य बढेपनि व्यवसायीले बेचे ३० किलो सुन
Read Complete Original Article
Published originally on केन्द्रबिन्दु
