Thursday, November 19, 2026||
MultiKhabarMultiKhabar

गैरदलीय स्थानीय सरकारको माग गर्दै निर्वाचन आयोगमा ज्ञापनपत्र

Share:WhatsAppFacebookX (Twitter)Telegram
गैरदलीय स्थानीय सरकारको माग गर्दै निर्वाचन आयोगमा ज्ञापनपत्र
Photo / Coverage: पर्दाफास

गैरदलीय स्थानीय सरकार निर्माण अभियानले स्थानीय तहको निर्वाचन गैरदलीय र स्वतन्त्र रूपमा गराउन माग गर्दै निर्वाचन आयोगमा ज्ञापनपत्र बुझाएको छ । अभियानले बिहीबार प्रमुख निर्वाचन आयुक्त मानबहादुर कार्कीसमक्ष ज्ञापनपत्र बुझाउँदै आगामी स्थानीय तहको निर्वाचन दलीय आधारमा नभई गैरदलीय र स्वतन्त्र रूपमा हुनुपर्ने माग गरेको हो । ज्ञापनपत्र बुझ्दै प्रमुख निर्वाचन आयुक्त कार्कीले अभियानले संविधान, कानुन, निर्वाचन प्रणाली र अभ्यासलाई आधार बनाएर विषय उठाएको भन्दै आयोगले यसबारे अध्ययन तथा छलफल गर्ने बताए । उनले भने, ‘तपाईंहरूले संविधान, कानुन, हाम्रो व्यवस्था, अभ्यास सबै हेरेर यहाँ विषयहरू उठान गर्नुभएको छ । हामी पनि हेर्छौं, बुझ्छौं, पढ्छौं । मुख्य कुरा विषय उठान भएपछि के गर्दा उपयुक्त हुन्छ भनी अगाडि जाने कुरा हुन्छ । हामीलाई बल्ल विषयको बारेमा जानकारी भएको छ । हामी आउने दिनमा छलफल गर्नेछौं । तपाईंसँग फेरि छलफल गर्नुपरे फेरि बोलाउँछौं ।’ गैरदलीय स्थानीय सरकार निर्माण अभियानका संयोजक दिनेश सुवेदीले नेपालको संविधानले स्थानीय तहको निर्वाचन दलीय आधारमा हुनुपर्ने परिकल्पना नगरेको दाबी गरे । उनले केही ऐन तथा कानुनी व्यवस्थाका कारण स्थानीय तहको निर्वाचन दलीय आधारमा हुँदै आएको भन्दै त्यसमा संशोधन गरेर गैरदलीय निर्वाचन प्रणाली लागू गर्नुपर्ने बताए । उनले भने, ‘गैरदलीय स्थानीय सरकार नेपाली जनताको अधिकार एउटा मूल मर्म र मान्यता बोकेर हामीसँग थुप्रै अभियानका साथी पनि हुनुहुन्छ । देशमा छिट्टै स्थानीय निर्वाचन हुँदैछ । स्थानीय चुनाव गैरदलीय र स्वतन्त्र हुनुपर्छ भन्ने मान्यताका साथ अधिकांश नेपाली जनताको माग छ, स्थानीय तह स्वतन्त्र हुनुपर्दछ भन्ने छ । स्थानीय तह गैरदलीय स्वतन्त्र गर्नका लागि नेपालको संविधान स्पष्ट छ । संविधानले दलीय आधारमा स्थानीय तहको चुनावको परिकल्पना गरेको छैन । केही ऐन, कानुनको व्यवस्था गरी नेपालमा यो निर्वाचनको व्यवस्था गरियो । यसलाई संशोधन पनि गर्न मिल्छ । त्यसकारण संशोधन गरेर अब गैरदलीय स्थानीय तहको चुनाव हुनुपर्छ भन्ने मर्मका साथ हामीले प्रमुख निर्वाचन आयुक्तसमक्ष ज्ञापनपत्र बुझाउन चाहन्छौं ।’

Share:WhatsAppFacebookX (Twitter)Telegram

Read Complete Original Article

Published originally on पर्दाफास

Visit Publisher Site →

Related News

🇳🇵 Nepal
महेशको दाबी : अबको ४ वर्ष ओलीलाई एमालेको नेतृत्वबाट कसैले हल्लाउन सक्दैन
PoliticsJust now

महेशको दाबी : अबको ४ वर्ष ओलीलाई एमालेको नेतृत्वबाट कसैले हल्लाउन सक्दैन

काठमाण्डु – नेकपा एमालेका सचिव महेश बस्नेतले आगामी ४ वर्षसम्मकै लागि केपी ओली एमालेको नेतृत्वमा रहने स्पष्ट पारेका छन् । एमालेमा ओलीको विकल्प खोज्नुपर्ने आवाज उठिरहँदा ओली निकट नेता मानिने बस्नेतले यस्तो प्रष्टीकरण दिएका हुन् । एमालेको राष्ट्रिय भेलामा सरिक रहेकै अवस्थामा काठमाण्डुपाटीसँग छोटो कुरा गर्दै बस्नेतले मध्यावधि निर्वाचन हुनसक्ने र पुन: केपी ओली प्रधानमन्त्री […] ...

काठमाण्डुपाटी
पञ्चेश्वर परियोजनालाई निष्कर्षमा पुर्‍याउन प्रधानमन्त्रीलाई प्रचण्डको सुझाव
PoliticsJust now

पञ्चेश्वर परियोजनालाई निष्कर्षमा पुर्‍याउन प्रधानमन्त्रीलाई प्रचण्डको सुझाव

  पूर्वप्रधानमन्त्री तथा नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’ले प्रधानमन्त्री बालेन्द्र शाह (बालेन) लाई भारत भ्रमणका क्रममा पञ्चेश्वर बहुउद्देश्यीय परियोजनालाई निष्कर्षमा पुर्‍याउन सुझाव दिएका छन् । आफू प्रधानमन्त्री हुँदा परियोजनासम्बन्धी सम्झौता हस्ताक्षरको नजिक पुगेको उल्लेख गर्दै उनले त्यसलाई टुंगोमा पुर्‍याउन सके नेपाल र भारत दुवैका लागि ऐतिहासिक उपलब्धि हुने बताएका हुन् । रुसको राजधानी मस्कोमा आयोजित ‘फ्रिडम अफ नेसन्स’ अन्तर्राष्ट्रिय सम्मेलनमा सहभागी ...

फरकधार
भारत भ्रमणमा जानलागेका प्रधानमन्त्री बालेनलाई के छ बाबुराम भट्टराई र प्रकाशशरण महतको सुझाव ?
PoliticsJust now

भारत भ्रमणमा जानलागेका प्रधानमन्त्री बालेनलाई के छ बाबुराम भट्टराई र प्रकाशशरण महतको सुझाव ?

प्रधानमन्त्री बालेन्द्र शाह (बालेन) को आसन्न भारत भ्रमणमा आर्थिक एजेन्डालाई प्राथमिकताका साथ उठाउन पूर्वअर्थमन्त्रीहरूले सुझाव दिएका छन् । उनीहरूले नेपाल–भारतबीचको व्यापार घाटा न्यूनीकरण, नेपाली उत्पादनको भारतीय बजारमा सहज पहुँच, विद्युत् व्यापार र लगानी विस्तारलाई भ्रमणको महत्वपूर्ण विषय बनाउनुपर्ने बताएका हुन् । नेपाल र भारतबीचको आर्थिक सम्बन्ध लामो समयदेखि असन्तुलित रहेको उल्लेख गर्दै पूर्वअर्थमन्त्रीहरूले त्यसलाई सुधार्न तत्कालीन व्यापारिक समस्या समाधानसँगै संरचनात्मक परिवर्तनको ...

फरकधार
नेपालको पानीलाई साझा समृद्धिको आधार बनाउन बालेनलाई पूर्वकूटनतीज्ञहरूको सुझाब
PoliticsJust now

नेपालको पानीलाई साझा समृद्धिको आधार बनाउन बालेनलाई पूर्वकूटनतीज्ञहरूको सुझाब

प्रधानमन्त्री बालेन्द्र शाह (बालेन) को आसन्न भारत भ्रमणमा नेपालको जलस्रोतलाई दुई देशको साझा समृद्धिको आधार बनाउने प्रस्ताव अघि सार्न पूर्वकूटनीतिज्ञहरूले सुझाव दिएका छन् । उनीहरूले जलविद्युत् उत्पादन र व्यापारसँगै सिँचाइ, खानेपानी तथा बाढी नियन्त्रणमा सहकार्य विस्तार गरेर दुवै देशले लाभ लिन सक्ने बताएका हुन् । प्रधानमन्त्री शाह यही मंसिर ६ र ७ गते दुईदिने भारत भ्रमणमा जाँदै छन् । भ्रमणका क्रममा ...

फरकधार
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play