काठमाडौं । प्रधानमन्त्री बालेन्द्र शाह (बालेन)को पछिल्लो चेतावनीपूर्ण अभिव्यक्तिलक्षित नेपाली कांग्रेसका सभापति गगन थापाले व्यंग्यात्मक प्रतिक्रिया दिएका छन् । प्रधानमन्त्री बालेनले सामाजिक सञ्जाल फेसबुकमा ‘सही समय आएपछि सबैको गलत समय आउँछ। एक–दुई जना उम्किन्छु भनेर सपना नदेखे हुन्छ’ भन्दै लेखेका थिए । प्रधानमन्त्रीको उक्त अभिव्यक्ति कुन विषयलाई लक्षित गरेर आएको हो भन्ने स्पष्ट नभए पनि त्यसलाई लिएर राजनीतिक वृत्तमा चर्चा भइरहेको छ । यसैबीच, कांग्रेस सभापति थापाले भने अहिले ठीक १८ः०० बजेको उल्लेख गर्दै सामाजिक सञ्जालमार्फत कटाक्ष गरेका छन् । उनले लेखेका छन्, ‘तर्साउने धेरै आए, तर्सिने बानी परेन।’ सरकारले थापालाई जोडेर १८ करोड रुपैयाँको सेटिङ भएको भन्दै भ्रम फैलाएको आरोपसमेत सार्वजनिक भइरहेका बेला उनको यो अभिव्यक्ति आएकाे हाे । यद्यपि, थापाले आफ्नो अभिव्यक्तिमा प्रधानमन्त्रीको नाम उल्लेख गरेका छैनन् ।
गगन थापाको चुनौती- तर्साउने धेरै आए, तर्सिने बानी परेन
Read Complete Original Article
Published originally on केन्द्रबिन्दु
