खुल्यो एन्फा कार्यालयको ताला
काठमाडौं । अखिल नेपाल फुटबल संघ (एन्फा) मुख्यालयको ताला खुलेको छ । फरार रहेका अध्यक्ष पंकजविक्रम नेम्बाङले २१ दिनसम्म कार्यसमितिको बैठक नडाकेपछि बुधबार एन्फाका बहुमत सदस्यहरुले सादोबाटोमा रहेको मुख्यालयको ताला खोलेका हुन् । तेस्रो पक्षको हस्तक्षेप भएको भन्दै फिफाबाट २४ जुन यता एन्फा निलम्बनमा छ । खेल मिलेमतो तथा ठगी सम्बन्धी कसुरमा एन्फा अध्यक्ष पंकजविक्रम नेम्वाङ, महासचिव किरण राईविरुद्ध पक्राउ पूर्जी जारी भएको छ । तर हालसम्म उनीहरु पक्राउ परेका भने छैनन् । कोषाध्यक्ष रविन्द्र जोशी र लेखापाल सन्जीव पाण्डे भने धरौटीमा छुटेका छन् । ठप्प रहेको फुटबल क्षेत्रलाई पुनः चलायनमान बनाउन भन्दै एन्फाका वरिष्ठ उपाध्यक्ष वीरबहादुर खड्काको नेतृत्वमा बहुमत सदस्यहरुले आज ताला खोलेका हुन् । साथै उनीहरुले आगामी कार्तिक १३ गते एन्फा कार्यसमितिको बैठक बस्ने समेत जनाएका छन् । एन्फाको विधान अनुसार २१ दिन अघि एकतिहाइ बढी सदस्यहरुले एन्फा कार्यसमितिको बैठक आह्वान गर्न माग गर्दा पनि बैठक आह्वान नभएपछि २२ औं दिनमा एन्फा कार्यालयको ताला खोल्दै बैठक बस्ने बिषयमा छलफल भएको एन्फाका वरिष्ठ उपाध्यक्ष वीरबहादुर खड्काले जानकारी दिए । एन्फामाथि लागेको प्रतिबन्ध र नेपालमा फुटबल क्षेत्रमा भइरहेको विवादको निकास दिनुपर्ने आवश्यकता रहेकाले फिफाबाट भएको प्रतिबन्ध, सरकारसँगको सहकार्य, र तहगत निर्वाचनको अवरोधलाई कसरी हटाउने भन्ने विषयमा छलफल गर्ने उद्देश्यका साथै कार्तिक १३ गते बैठक बस्ने उनले बताए ।
Read Complete Original Article
Published originally on केन्द्रबिन्दु
Related News
चक्रवात ‘अर्णव’को प्रभावले हवाई उडान प्रभावित हुन सक्ने, सतर्कता अपनाउन निर्देशन
बिहीबारदेखि शनिबारसम्म भारी वर्षा, चट्याङ, तीव्र हावाहुरी र हिमपातको जोखिम रहेकाले नागरिक उड्डयन प्राधिकरणले वायुसेवा कम्पनी, विमानस्थल र चालकदललाई मौसमको अवस्था मूल्यांकन गरी उडान सुरक्षा सुनिश्चित गर्न निर्देशन दिएको छ । ...
एनपीएल: दीपेन्द्रकाे अर्धशतकमा सुदूरपश्चिमकाे उत्कृष्ट जित,पाेखरा पराजित
• सुदूरपश्चिम रोयल्सले नेपाल प्रिमियर लिगमा पोखरा एभेन्जर्सलाई ६ विकेटले हरायो। • कप्तान दीपेन्द्रसिंह ऐरीले ५१ र इशान पाण्डेले ३७ रन बनाउँदै ७४ रनको साझेदारी गरे। • पोखराले २० ओभरमा १४५ रन बनाएको थियो, जसमा अर्जुन घर्तीले ४० रनको योगदान दिए। ...
पोखरामाथि सुदूरपश्चिम रोयल्सको शानदार जित
काठमाडौं । सुदूरपश्चिम रोयल्सले नेपाल प्रिमियर लिग (एनपीएल) मा पोखरा एभेन्जर्सलाई पराजित गरेको छ । बुधबार सम्पन्न खेलमा सुदूरपश्चिमले पोखरालाई ६ विकेटले पराजित गरेको हो । पोखराले दिएको १४६ रनको लक्ष्य पछाएको सुदूरपश्चिम रोयल्सले १६.५ ओभरमा ४ विकेट गुमाउदै लक्ष्य पुरा गरेको थियो । सुदूरपश्चिमका लागि कप्तान दिपेन्द्र सिंह ऐरीले अविजित ५१ रन बनाएका थिए भने इशान पाण्डेले ३७ रन बनाएका थिए ...
सुदूरले पाेखरलाई हराउँदा मैदानमा जे देखियाे, तस्बिरहरू
काठमाडाैँ। नेपाल प्रिमियर लिग (एनपीएल)को तेस्रो संस्करणअन्तर्गत बुधबार भएको खेलमा सुदूरपश्चिम रोयल्सले पोखरा एभेञ्जेर्सलाई ६ विकेटले हराएको छ। बुधबार भएको खेलमा पोखरालाई हराएसँगै सुदूरपश्चिमले तेस्रो संस्करणको एनपीएलमा पहिलो जित दर्ता गरेको... ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
