काठमाडौं। मौसम पूर्वानुमान महाशाखाले बुधबार बिहान ५:४५ बजे मापन गर्दा काठमाडौँ उपत्यकाको न्यूनतम तापक्रम ९.८ डिग्री सेल्सियस कायम भएको छ। मंगलबार सोही समयमा न्यूनतम तापक्रम ८.८ डिग्री सेल्सियस रहेको थियो। महाशाखाका अनुसार वास्तविक न्यूनतम तापक्रम बिहान ८:४५ बजे मापन गरिन्छ। यस समयमा तापक्रम केही घट्ने वा स्थिर रहने सम्भावना रहन्छ। मौसमविद्का अनुसार राति आकाशमा बादल लाग्दा बिहानको न्यूनतम तापक्रम बढ्ने र आकाश खुला रहँदा घट्ने गर्दछ। महाशाखाले हरेक दिन न्यूनतम तापक्रम बिहान ८:४५ बजे र अधिकतम तापक्रम साँझ ५:४५ बजे मापन गर्ने गर्दछ। न्यूनतम तापक्रमले रातिदेखि बिहानसम्मको अवस्था र अधिकतम तापक्रमले दिनभरको तापक्रमको अवस्था जनाउँछ। बुधबार दिउँसो कोसी, बागमती, गण्डकी र लुम्बिनी प्रदेशका हिमाली तथा पहाडी भूभागमा आंशिक बदली रहने र बाँकी स्थानमा मौसम सफा रहने पूर्वानुमान गरिएको छ। कोसी र गण्डकी प्रदेशका हिमाली क्षेत्रका केही स्थानमा हल्का वर्षा वा हिमपातको सम्भावना छ। रातिको समयमा कोसी, मधेस, लुम्बिनी, बागमती र गण्डकी प्रदेशका पहाडी तथा हिमाली भूभागमा आंशिक बदली रहनेछ। बिहानीपख तराई, उपत्यका र खोचका केही स्थानमा हुस्सु र कुहिरो लाग्ने महाशाखाले जनाएको छ।
काठमाडौँ उपत्यकाको न्यूनतम तापक्रम ९.८ डिग्री सेल्सियस

Read Complete Original Article
Published originally on नेपालन्युज






