जुम्ला । जुम्ला सदरमुकाम खलंगा बजारमा संचालन भएको स्वर्गीय राष्ट्रिय भलिबल खेलाडी भुवन केसी र दीर्घबहादुर खत्रीको स्मृतिमा सरस्वती युवा क्लब चन्दननाथ-७ जुम्लाले आयोजना गरेको कर्णाली प्रदेशस्तरीय खुल्ला भलिबल प्रतियोगिताको उपाधि सशस्त्र प्रहरी बल त्रिपुरागण जुम्लाले जितेको छ । बिहीबार भएको फाइनल खेलमा सुर्खेतलाई तीन सेटले हराउँदै सशस्त्र प्रहरी बल पहिलो भएको सरस्वती युवा क्लबका संरक्षक तथा कर्णाली भलिबल संघका सदस्य लक्ष्मीबहादुर रावलले जानकारी दिनुभयो । जिल्ला खेलकुद विकास समितिसँगको समन्वयमा सरस्वती युवा क्लब, चन्दननाथ नगरपालिका-७, मिचाले आयोजना गरेको प्रतियोगीतामा जम्मा पाँचवटा टोलीले सहभागी जनाएको सरस्वती युवा क्लबका संरक्षक रावलले बताउनुभयो । प्रतियोगितामा प्रथम हुने टिमले एक लाख ५१ हजार एक सय रुपैयाँ र दोस्रो हुने टिमले एक लाख एक हजार एक सय रुपैयाँ पुरस्कार प्राप्त गरेको क्लबका संरक्षक चेतनबहादुर रावलले जानकारी दिनुभयो । कर्णाली प्रदेशका खेलाडीलाई ऐक्यबद्ध गराई खेलकुद क्षेत्रलाई प्रवर्द्धन गर्ने उद्देश्यका साथ भलिवल प्रतियोगिता संचालन गरिएको आयोजकले जनाएको छ ।
कर्णाली प्रदेश स्तरीय भलिबल प्रतियोगिताको उपाधि सशस्त्र बललाई
Read Complete Original Article
Published originally on हिमालय टाइम्स
