काठमाडौं– नेपाल प्रिमियर लिग (एनपीएल) को तेस्रो संस्करणको एलिमिनेटरमा चितवन राइनोजले काठमाडौं गोर्खाजलाई २०५ रनको विशाल लक्ष्य दिएको छ। ओपनर कमिल मिसाराको शतक र कप्तान रवि बोपाराको अर्धशतकमा चितवनले काठमाडौंसामु विशाल लक्ष्य प्रस्तुत गरेको हो। कीर्तिपुरस्थित त्रिवि अन्तर्राष्ट्रिय क्रिकेट टस जितेर ब्याटिङ गरेको चितवनले निर्धारित २० ओभरमा ४ विकेटको क्षतिमा २०४ रनको योगफल तयार गरेको हो। चितवनको लागि ओपनर मिसाराले सर्वाधिक १२० रनको योगदान दिए। उनले ५३ बलमा ४ चौका र ८ छक्का सहयोगमा शतक पूरा गरे।त्यस्तै कप्तान रविले ४२ बलमा ३ चौका र २ छक्का सहयोगमा ५३ रन बनाए। अर्का ओपनर देव खनाल १७ रन बनाएर आउट हुँदा डेविड मलान विनारन पेभेलियन फर्किएका थिए। बलिङतर्फ काठमाडौंका लागि करण केसी र रासिद खानले समान २–२ विकेट लिए।अहिले काठमाडौंले चितवनविरुद्ध जवाफी ब्याटिङ गरिरहेको छ ।
एनपीएल तेस्रो संस्करण: चितवनले काठमाडौंलाई दियो २०५ रनको लक्ष्य

Read Complete Original Article
Published originally on विश्वखबर






