एनपीएल : टस जितेर कर्णाली याक्स बलिङमा, विराटनगर पहिले ब्याटिङ गर्दै

<p> <p style="text-align:justify"><strong>काठमाडौं ।</strong> नेपाल प्रिमियर लिग (एनपीएल) को तेस्रो संस्करणअन्तर्गत बिहीबारको दोस्रो खेलमा कर्णाली याक्सले विराटनगर किङ्सविरुद्ध टस जितेर पहिले बलिङ गर्ने निर्णय गरेको छ ।</p></p> <p> <p style="text-align:justify">कीर्तिपुरस्थित त्रिवि अन्तर्राष्ट्रिय क्रिकेट रंगशालामा खेल साँझ ५ बजे सुरु हुने तालिका छ । वर्षाका कारण केही समय पानी परेर रोकिएपछि मौसम धुम्मिएको छ । खेल सञ्चालन हुने आशामा दर्शकहरू रंगशालामा प्रतीक्षारत छन् ।</p></p> <p> <p style="text-align:justify">दुवै टोलीले प्रतियोगितामा दोस्रो खेल खेल्दैछन् । पहिलो खेलमा कर्णालीले जनकपुर बोल्ट्सलाई १९ रनले पराजित गरेको थियो । विराटनगर भने चितवन राइनोजसँग ८ रनले पराजित भएको थियो ।</p></p> <p> <p style="text-align:justify">कर्णाली आजको खेल जित्दै लगातार दोस्रो जित निकालेर आफ्नो विजयी यात्रा कायम राख्न चाहन्छ । विराटनगर भने पहिलो हारपछि पुनरागमन गर्दै प्रतियोगितामा पहिलो जित दर्ता गर्ने लक्ष्यमा छ ।</p> <p style="text-align:justify">एनपीएलका अघिल्ला दुई संस्करणमा कर्णाली र विराटनगरबीचको प्रतिस्पर्धा पनि रोचक बनेको थियो । पहिलो संस्करणमा कर्णालीले विराटनगरलाई ७ रनले हराएको थियो भने दोस्रो संस्करणमा विराटनगरले कर्णालीलाई ३ विकेटले पराजित गरेको थियो ।</p></p> <p></p>