काठमाडौंमा जारी नेपाल प्रिमियर लिग (एनपीएल) मा अनलाइनमार्फत सट्टेबाजी गरेको आरोपमा एक भारतीय नागरिक पक्राउ परेका छन्। पक्राउ पर्नेमा काठमाडौं महानगरपालिका–१७ ठमेलमा बस्दै आएका भारतको राजस्थानस्थित श्रीगंगानगरका ३५ वर्षीय रोहित पथरिया रहेका छन्। काठमाडौंको कीर्तिपुरस्थित त्रिवि क्रिकेट मैदानमा सञ्चालन भइरहेको एनपीएलको तेस्रो संस्करणका खेलमा अनलाइनमार्फत सट्टेबाजी हुने गरेको सूचनाका आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनलाई पक्राउ गरेको हो। प्रहरीको प्रारम्भिक अनुसन्धानअनुसार पथरियाले एनपीएलका विभिन्न क्रिकेट खेलमा पटक–पटक गरी ८ लाख ७५ हजार ४० रुपैयाँ बराबरको सट्टेबाजी कारोबार गरेको खुलेको छ। पक्राउ परेका उनलाई जुवा खेल्न वा सट्टेबाजी गर्न नहुने कसुरमा थप अनुसन्धान तथा कानुनी कारबाहीका लागि जिल्ला प्रहरी परिसर काठमाडौं पठाइएको प्रहरीले जनाएको छ।
एनपीएलका खेलमा अनलाइन सट्टेबाजी गर्ने एक जना पक्राउ

Read Complete Original Article
Published originally on पर्दाफास






