स्याटेलाइट स्पेक्ट्रमका लागि संयुक्त पहल गर्दै यूरोपका प्रमुख दूरसञ्चार कम्पनीहरू
डोयच टेलिकम, अरेन्ज, टेलिफोनिकार भोडाफोन ले मोबाइल स्याटेलाइट सेवाका लागि छुट्याइने स्पेक्ट्रम प्राप्त गर्न संयुक्त रूपमा बोलपत्र पेस गर्ने सम्भावनाबारे अध्ययन गर्न आशयपत्रमा हस्ताक्षर गरेका छन्। यस पहलको उद्देश्य दूरसञ्चार सेवा प्रदायकहरूलाई ग्राहकका लागि डाइरेक्ट-टु-डिभाइस (डीटूडी) सेवा उपलब्ध गराउन “खुला र भेदभावरहित पहुँच” प्रदान गर्नु हो। यसले प्रतिस्पर्धा बढाउने, बजारको खण्डीकरण घटाउने र यूरोपभरका उपभोक्तालाई थप विकल्प उपलब्ध गराउने अपेक्षा गरिएको छ। टेलिकम्स डटकमका अनुसार मोबाइल स्याटेलाइट सेवा (एमएसएस) का लागि गरिएको यो संयुक्त पहल यूरोपेली आयोगको महत्वपूर्ण कनेक्टिभिटी पूर्वाधारमा यूरोपको स्वायत्तता, सुरक्षा र संकट सामना गर्ने क्षमता बलियो बनाउने लक्ष्यसँग मेल खान्छ। यसले अन्तरिक्ष पूर्वाधारको जिम्मेवारयूरोपेली व्यवस्थापन सुनिश्चित गर्ने उद्देश्य राखेको कम्पनीहरूले बताएका छन्। आफ्नो ग्राहक पहुँच, नेटवर्क क्षमता र सञ्चालनसम्बन्धी अनुभव एकीकृत गरेर बजारमा सेवा विस्तारलाई तीव्र बनाउन, स्पेक्ट्रमको प्रभावकारी उपयोग गर्न र स्याटेलाइट कनेक्टिभिटीलाई विद्यमान मोबाइल नेटवर्कमा जोड्न सकिने कम्पनीहरूको भनाइ छ। कम्पनीहरूले संयुक्त विज्ञप्तिमा भनेका छन्, “डोयच टेलिकम, अरेन्ज, टेलिफोनिकार भोडाफोन को संयुक्त पहलको स्पष्ट उद्देश्य छ। सेवाको पहुँच कम भएका क्षेत्रमा समेत सबै ग्राहकलाई सेवा उपलब्ध गराउने माग पूरा गर्नु, सार्वजनिक नेटवर्कको संकट सामना गर्ने क्षमता बलियो बनाउनु, महत्वपूर्ण सञ्चारको सुरक्षा गर्नु रयूरोपेली स्याटेलाइट समूहको विकासलाई सहयोग गर्नु यसको लक्ष्य हो।” यस परियोजनाअन्तर्गत चारवटै दूरसञ्चार कम्पनीले यूरोपमा ग्राउन्ड नेटवर्क पूर्वाधार निर्माण गर्नुका साथै महत्वपूर्ण समन्वय र अनुगमनसम्बन्धी काम गर्नेछन्। तर, उनीहरूले स्याटेलाइट समूह निर्माणमा प्रत्यक्ष लगानी गर्ने छैनन्। त्यसका लागि छनोट हुन बाँकी रहेको एक स्याटेलाइट साझेदारले जिम्मेवारी लिनेछ। चार दूरसञ्चार कम्पनी र भविष्यमा छनोट हुने स्याटेलाइट सेवा प्रदायकबीचको साझेदारीले “युरोपेली व्यवस्थापन र बजार पहुँचलाई प्रमाणित स्याटेलाइट प्रविधि तथा सेवा विस्तारसम्बन्धी अनुभवसँग जोड्ने” बताइएको छ। एमएसएस स्पेक्ट्रमका लागि सम्भावित संयुक्त बोलपत्रले विद्यमान स्याटेलाइट साझेदारीलाई प्रतिस्थापन नगर्ने पनि कम्पनीहरूले स्पष्ट पारेका छन्। गत सातायूरोपेली अन्तरिक्ष एजेन्सी (ईएसए) को आर्थिक सहयोगमा बनेको नयाँ समूहले समुद्रमुनि बिछ्याइएका फाइबर नेटवर्कमा समस्या पत्ता लागेपछि स्वतः स्याटेलाइट कनेक्टिभिटीमा सर्ने प्रणाली केबलशिल्ड घोषणा गरेको थियो। यस परियोजनाका लागि १५ लाख यूरो सहयोग उपलब्ध गराइएको छ। यो ईएसएको एडभान्स्ड रिसर्च इन टेलिकम्युनिकेशन्स सिस्टम्स (एआरटीईएस) कार्यक्रमअन्तर्गतको स्पेस सिस्टम्स फर सेफ्टीएन्ड सेक्युरिटी (४एस) कार्यक्रममा समावेश छ। बेल्जियमको बहु-कक्षीय स्याटेलाइट सञ्चार सञ्चालन विशेषज्ञ नेक्स्याटको नेतृत्वमा रहेको समूहले यो प्रणाली विकास गर्नेछ। यसमा कोल्ट टेक्नोलोजी सर्भिसेज बेल्जियम र क्यानडाको तल्लो पृथ्वी कक्षा (एलईओ) स्याटेलाइट कम्पनी टेलिस्याट पनि सहभागी छन्। यो परियोजना स्याटेलाइट कनेक्टिभिटीले समुद्रमुनिका फाइबर केबलका लागि उच्च क्षमताको सञ्चार उपलब्ध गराउन सक्ने र मोबाइल नेटवर्कको वैकल्पिक माध्यमका रूपमा पनि काम गर्न सक्ने अवधारणामा आधारित छ। The post स्याटेलाइट स्पेक्ट्रमका लागि संयुक्त पहल गर्दै यूरोपका प्रमुख दूरसञ्चार कम्पनीहरू appeared first on Technology Khabar.
Read Complete Original Article
Published originally on टेक्नोलोजी खबर
Related News
२४९ रुपैयाँ तिरेर डिगोमा के हेर्न पाइन्छ ? २४९ रुपैयाँ तिरेर डिगोमा हेर्न पाइने फिल्महरु
७ कात्तिक, काठमाडौं। नेपालको ठूलो ओटीटी प्लाटफर्म डिगोले नेपाल तथा डायस्पोरामा रहेका दर्शकलाई लक्षित गर्दै नेपाली फिल्महरू ल्याएको छ । ‘लालीबजार’ मार्फत सुरुआत गरेको डिगोमा प्रति महिना २ सय ४९ रुपैयाँ तिरेर ‘मन बिनाको धन’, ‘माइतीघर’ लगायतका धेरै फिल्म हेर्न सकिन्छ भने छिटै ‘जनै हराएको मान्छे’, ‘सोल्टिनी’ पनि उपलब्ध हुनेछ । प्रवासमा रहेका दर्शकलाई सरल र […] The post २४९ ...
जापानले आईसीटी निर्यात प्रतिबन्धहरू पार गर्न अमेरिकी नियामकसँग घनिष्ठ सम्बन्ध राख्ने
जापानले आईसीटी निर्यात प्रतिबन्धहरू पार गर्न अमेरिकी एफसीसीसँग घनिष्ठ सम्बन्ध खोजेको छ। जापानले सहयोगीहरूको आर्थिक सुरक्षालाई असर गर्न सक्ने सूचना प्रविधिका मुद्दाहरू, (जस्तै विदेशी निर्मित सामानहरूमा प्रतिबन्धहरू) हेर्न अमेरिकी संघीय सञ्चार आयोगसँग परामर्श ढाँचा स्थापना गर्न सहमत भएको छ। यो उपाय सन् २०१८ मा अमेरिका र जापान बीच हस्ताक्षर गरिएको अवस्थित आशय पत्र र एमओयूको नवीकरणमा तय गरिएको छ। यो समझदारीले ब्रोडब्यान्ड सेवाहरू, ...
ठूला कम्पनीको सफ्टवेयर बजेटको २८ प्रतिशत अनिवार्य अपग्रेडमा खर्च हुने गरेको रिपोर्ट
अमेरिका र बेलायतका ठूला कम्पनीहरूले आफ्नो सफ्टवेयर बजेटको औसत २८ प्रतिशत विक्रेताले अघि सारेका अपग्रेड, प्रणाली स्थानान्तरण र लाइसेन्स परिवर्तनमा खर्च गर्ने गरेको एक सर्वेक्षणले देखाएको छ। सफ्टवेयर मर्मतसम्भार सेवा प्रदायक ओरिजिनाले मंगलबार सार्वजनिक गरेको सर्वेक्षणअनुसार कम्पनीहरूले आफैँले रोज्न नचाहेका यस्ता परिवर्तनमा ठूलो रकम खर्च गर्नुपरेको छ। यसले कृत्रिम बुद्धिमत्ता (एआई) प्रविधि अपनाउने प्रतिस्पर्धाका बीच कम्पनीको लागत बढाउनुका साथै सञ्चालनमा जोखिमसमेत ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
