सिटिजन लाइफको लगानी ३३ अर्ब रुपैयाँ, नवौँ वर्षमा डिजिटल सेवा र ग्राहक सुरक्षामा जोड

काठमाडौं । सिटिजन लाइफ इन्स्योरेन्स कम्पनी लिमिटेडले आफ्नो नवौँ वार्षिकोत्सव मनाउँदै वित्तीय सुदृढीकरण, प्रविधिमैत्री सेवा र ग्राहककेन्द्रित कार्यप्रणालीलाई प्राथमिकतामा राखेको छ। कम्पनीले करिब ३३ अर्ब रुपैयाँ लगानीसहित आफ्नो वित्तीय यात्रालाई थप मजबुत बनाउँदै लगेको जनाएको छ। कम्पनीको नवौँ वार्षिकोत्सवका अवसरमा व्यक्त सन्देशअनुसार, सिटिजन लाइफले चालु वर्षका लागि ‘चुनौतीपूर्ण तर हासिल गर्न सकिने, आक्रामक तर दिगो’अर्थात् चुनौतीपूर्ण तर हासिल गर्न सकिने र आक्रामक तर दिगो भन्ने मूल भावनालाई आत्मसात् गर्दै व्यावसायिक गतिविधि अघि बढाइरहेको छ। कम्पनीले डिजिटल सेवा विस्तार, प्रविधिमा आधारित प्रक्रिया, छिटो तथा सहज सेवा प्रवाह र विश्वसनीय दाबी भुक्तानीलाई प्राथमिकतामा राखेको जनाएको छ। ग्राहकको विश्वासलाई आफ्नो सबैभन्दा ठूलो सम्पत्ति मानेको कम्पनीले जीवन बीमामार्फत परिवारको आर्थिक सुरक्षा, स्थायित्व र समृद्धिमा थप प्रभावकारी योगदान पुर्‍याउने प्रतिबद्धता व्यक्त गरेको छ। विपद्पीडितप्रति समवेदना, दिगो विकासमा जोड यस वर्ष प्राकृतिक विपद्का कारण विभिन्न परिवारले आफ्ना प्रियजन गुमाउनुका साथै घर, सम्पत्ति तथा पूर्वाधारमा क्षति व्यहोर्नुपरेको अवस्थाप्रति कम्पनीले दु:ख व्यक्त गरेको छ। प्रभावित परिवारहरूप्रति समवेदना प्रकट गर्दै कम्पनीले सबै मिलेर सामान्य जीवनतर्फ फर्किने र नयाँ आशाका साथ अघि बढ्ने विश्वास व्यक्त गरेको छ। जीवन बीमा क्षेत्रको प्रतिस्पर्धात्मक वातावरणमा ग्राहकलाई सहज, भरपर्दो र प्रभावकारी सेवा उपलब्ध गराउनु महत्वपूर्ण रहेको सन्दर्भमा कम्पनीले प्रविधिको प्रयोग र सेवा प्रक्रियाको सुधारलाई निरन्तरता दिने जनाएको छ। कम्पनीका अनुसार, आगामी दिनमा ग्राहकको विश्वासलाई अझ मजबुत बनाउँदै जीवन बीमाको माध्यमबाट परिवारको आर्थिक सुरक्षा सुनिश्चित गर्न तथा समृद्धिको यात्रामा भरपर्दो साझेदार बन्ने लक्ष्य रहेको छ। ग्राहक तथा सरोकारवालाप्रति आभार नवौँ वार्षिकोत्सवको अवसरमा सिटिजन लाइफले ग्राहकवर्ग, सिटिजन लिडर्स, नियामक निकाय, शेयरधनी, सञ्चालक समिति, ब्रान्ड एम्बेसडर, सञ्चारकर्मी, कर्मचारी तथा सम्पूर्ण शुभेच्छुकप्रति आभार व्यक्त गरेको छ। कम्पनीले विजया दशमी, दीपावली, नेपाल सम्वत् तथा छठ पर्वको अवसरमा सम्पूर्ण नेपाली दाजुभाइ तथा दिदीबहिनीमा सुख, शान्ति, स्वास्थ्य र समृद्धिको शुभकामना पनि व्यक्त गरेको छ। ‘समृद्धि तपाईंको, साथ हाम्रो’ भन्ने नारालाई आत्मसात् गर्दै अघि बढिरहेको सिटिजन लाइफले ग्राहकको निरन्तर विश्वास, साथ र सहकार्यलाई आफ्नो प्रगतिको महत्वपूर्ण आधारका रूपमा लिएको जनाएको छ। The post सिटिजन लाइफको लगानी ३३ अर्ब रुपैयाँ, नवौँ वर्षमा डिजिटल सेवा र ग्राहक सुरक्षामा जोड appeared first on Corporate Khabar : Nepals First Corporate News Magazine and Portal.