काठमाडौं । सर्वोच्च अदालतका सबै न्यायाधीश सहभागी पूर्ण बैठक (फुलकोर्ट) सोमबार बिहानदेखि जारी छ । प्रधानन्यायाधीश मनोजकुमार शर्माको पहलमा बिहान ९ बजेदेखि सुरु भएको बैठकमा समसामयिक विषयमा छलफल भइरहेको छ । पेसी सूची प्रकाशित भइसके पनि न्यायाधीशहरू इजलासमा गएका छैनन् । सम्पत्ति शुद्धीकरणसम्बन्धी कसुरमा हिरासतमा रहेका इनम सापकोटासँग सर्वोच्च अदालतका न्यायाधीशहरूको सम्पर्क देखिएको विषयमा यसअघि गत शुक्रबार पनि पूर्ण बैठक बसेको थियो । सोमबारको बैठक त्यसैको निरन्तरता हो । शुक्रबार बसेको बैठकमा सापकोटासँग न्यायाधीशहरूको सम्बन्धबारे सार्वजनिक भएका विवरणले न्यायपालिकाको विश्वसनीयतामाथि प्रश्न उठाएको विषयमा छलफल भएको थियो । उक्त विषयलाई कसरी सम्बोधन गर्ने भन्नेमा बैठक केन्द्रित थियो । शुक्रबारको बैठकमा चारदेखि पाँच जना न्यायाधीशले आफ्नो धारणा राखेका थिए । थप छलफल आवश्यक देखिएपछि प्रधानन्यायाधीश शर्माले सोमबार बिहान ९ बजे पुनः पूर्ण बैठक बोलाएका थिए ।
सर्वोच्चमा फुलकोर्ट बैठक जारी
Read Complete Original Article
Published originally on केन्द्रबिन्दु
