सोलुखुम्बु । विश्वको सर्वोच्च शिखर सगरमाथाको आधार शिविरमा एक विदेशी जोडीले विवाह गरेका छन्। समुद्री सतहदेखि ५ हजार ३ सय ६४ मिटरको उचाइमा रहेको एभरेस्ट बेस क्याम्पमा क्याटिना लेम्पेसिस सागानोस र जोसेफ डान्यो वैवाहिक बन्धनमा बाँधिएका हुन्। विश्वकै चर्चित साहसिक गन्तव्यमा सम्पन्न उनीहरूको विवाह सामान्य वैवाहिक समारोहभन्दा फरक र विशेष बनेको छ। हिउँले ढाकिएका मनोरम हिमशृङ्खलालाई साक्षी राखेर गरिएको विवाहले प्रेमसँगै साहसिक यात्राको अनुभूतिलाई पनि जोडेको छ। जोडीको विवाहका तस्बिर र विवरण सार्वजनिक भएपछि सामाजिक सञ्जालमा यसको चर्चा भइरहेको छ। सगरमाथा आधार शिविरमा भएको यो अनौठो विवाहले नेपालको हिमाली पर्यटनलाई थप चर्चामा ल्याएको छ। पर्यटन व्यवसायीहरूका अनुसार यस्ता सिर्जनात्मक तथा साहसिक गतिविधिले हिमाली क्षेत्रको पर्यटन प्रवर्द्धनमा सहयोग पुर्याउनुका साथै नेपाललाई अन्तर्राष्ट्रिय स्तरमा ‘एडभेन्चर वेडिङ डेस्टिनेसन’ का रूपमा चिनाउन मद्दत गर्नेछ।
सगरमाथा बेस क्याम्पमा विदेशी जोडीले गरे विवाह

Read Complete Original Article
Published originally on केन्द्रबिन्दु






