शीर्ष ६ मा रहँदै नेपालले टुङ्ग्यायो लिग २ क्रिकेट

<p>सोमवार भएको एक रोमाञ्चक खेलमा ओमानलाई १० रनले पराजित गर्दै नेपालले आईसीसी विश्व कप लिग २ मा छैठौँ स्थान सुरक्षित गरेको छ।</p><p>पहिले ब्याटिङ गरेको नेपालले २८० रनको चुनौतीपूर्ण स्कोर खडा गरेको थियो। जवाफमा निकै बलियो शुरुवात गरेको ओमानलाई ७ विकेटको क्षतिमा २७० रनमा रोक्दै नेपालले महत्पूर्ण २ अङ्क हात पारेको हो ।</p><p>यो जितसँगै अङ्कतालिकामा नेपालको ३० अङ्क पुगेको छ भने सातौँ स्थानमा झरेको क्यानडाको २९ अङ्क रहेको छ।</p><ul> <li><a href="https://www.bbc.com/nepali/articles/cw5ynv834vv8o?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">एनपीएल सीजन ३: चर्चित विदेशी खेलाडीहरू कोको आउँदै छन्</a></li><li><a href="https://www.bbc.com/nepali/articles/crx2z145qg90o?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">एसियाली खेलकुद: सहोदर दाजुभाइका जुडो सङ्घर्षका फरक कथा</a></li> </ul><h2>ओडीआई हैसियतमा कस्तो प्रभाव?</h2><p>छैटौँ स्थान सुरक्षित भएसँगै नेपालको एकदिवसीय अन्तर्राष्ट्रिय (ओडीआई) मान्यता जोगिएको ठानिएको छ।</p><p>लिग २ को अङ्कतालिकामा शीर्ष ६ भित्र रहने टोलीको ओडीआई मान्यता कायम रहने व्यवस्था रहेको बताइएको छ। यद्यपि, अन्तर्राष्ट्रिय क्रिकेट परिषद् (आईसीसी) ले यसबारे आधिकारिक घोषणा गरिसकेको छैन।</p><p>क्रिकेट अधिकारीहरूका अनुसार आईसीसीले यससम्बन्धी घोषणा चाँडै गर्ने अपेक्षा गरिएको छ।</p><h2>देव, रोहित र दीपेन्द्रको अर्धसतक</h2><p>नेपालका लागि देव खनाल, रोहित पौडेल र दीपेन्द्रसिंह ऐरीले अर्धशतकीय पारी खेले। अर्जुन कुमालको स्थानमा टोलीमा आएका ओपनर देव खनालले ५७ रन बनाउँदै नेपालको इनिङ्स सम्हाले।</p><p>नेपालको इनिङ्स उकास्न रोहित पौडेल र दीपेन्द्रसिंह ऐरीको साझेदारी निर्णायक बन्यो। यी दुईले चौथो विकेटका लागि १३९ रनको महत्त्वपूर्ण साझेदारी गरे।</p><p>रोहितले ८१ बलमा २ चौका र २ छक्काको मद्दतमा ८० रन बनाए। त्यस्तै, दीपेन्द्रले ६२ बलमा ३ चौका र ४ छक्कासहित ६९ रन जोडे। बसिर अहमदले ७ बलमा १७ रन बनाए। </p><ul> <li><a href="https://www.bbc.com/nepali/articles/cvgy4pz0974o?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">प्रिमिअर कप उपाधि जितसँगै नेपाल एसिया कपमा पनि छनोट</a></li><li><a href="https://www.bbc.com/nepali/articles/cj4kq92ll5eo?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">एन्फा अझै निलम्बनमा, फुकुवा गर्ने उपाय के छन्</a></li> </ul><p>यसअघि जारी शृङ्खलाका तीन खेलमध्ये नेपालले दुई खेल जितेको थियो। तर क्यानडासँगको तेस्रो तथा महत्त्वपूर्ण खेलमा नेपाल पराजित भएको थियो।</p><p>सोमवारको खेल ओमानभन्दा नेपाल र क्यानडाका लागि बढी महत्त्वपूर्ण थियो। नेपाल पराजित भएको भए क्यानडा छैटौँ स्थानमा रहन सफल हुने थियो।</p><p>यता, ओमान लिग तालिकाको चौँथो स्थानमा छ। ओमानले अझै एक शृङ्खला खेल्न बाँकी रहेको छ।</p><p><strong>बीबीसी न्यूज नेपाली यूट्यूबमा पनि छ। हाम्रो च्यानल सब्स्क्राइब गर्न तथा प्रकाशित भिडिओहरू हेर्न </strong><a href="https://www.youtube.com/channel/UCa9wigEw31xDMh_nrscmL6g" rel="noreferrer" target="_blank"><strong>यहाँ </strong></a><strong>क्लिक गर्नुहोस्। तपाईँ </strong><a href="https://www.facebook.com/BBCnewsNepali" rel="noreferrer" target="_blank"><strong>फेसबुक</strong></a><strong>, </strong><a href="https://www.instagram.com/bbcnewsnepali/" rel="noreferrer" target="_blank"><strong>इन्स्टाग्राम </strong></a><strong>र </strong><a href="https://twitter.com/bbcnepali" rel="noreferrer" target="_blank"><strong>ट्विटर</strong></a><strong>मा पनि हाम्रा सामग्री हेर्न सक्नुहुन्छ। अनि बीबीसी नेपाली सेवाको कार्यक्रम बेलुकी पौने नौ बजे रेडिओमा सोमवारदेखि शुक्रवारसम्म सुन्न सक्नुहुन्छ। </strong></p><img src="https://a1.api.bbc.co.uk/hit.xiti/?s=598346&amp;p=nepali.articles.cme3xj3y48pwo.page&amp;x1=%5Burn%3Abbc%3Aoptimo%3Aasset%3Acme3xj3y48pwo%5D&amp;x4=%5Bne%5D&amp;x5=%5Bhttps%3A%2F%2Fwww.bbc.com%2Fnepali%2Farticles%2Fcme3xj3y48pwo%5D&amp;x7=%5Barticle%5D&amp;x8=%5Bsynd_nojs_ISAPI%5D&amp;x9=%5B%E0%A4%B6%E0%A5%80%E0%A4%B0%E0%A5%8D%E0%A4%B7+%E0%A5%AC+%E0%A4%AE%E0%A4%BE+%E0%A4%B0%E0%A4%B9%E0%A4%81%E0%A4%A6%E0%A5%88+%E0%A4%A8%E0%A5%87%E0%A4%AA%E0%A4%BE%E0%A4%B2%E0%A4%B2%E0%A5%87+%E0%A4%9F%E0%A5%81%E0%A4%99%E0%A5%8D%E0%A4%97%E0%A5%8D%E0%A4%AF%E0%A4%BE%E0%A4%AF%E0%A5%8B+%E0%A4%B2%E0%A4%BF%E0%A4%97+%E0%A5%A8+%E0%A4%95%E0%A5%8D%E0%A4%B0%E0%A4%BF%E0%A4%95%E0%A5%87%E0%A4%9F%5D&amp;x11=%5B2026-10-19T13%3A40%3A30.919Z%5D&amp;x12=%5B2026-10-19T13%3A40%3A30.919Z%5D&amp;x19=%5Bnepalipatro.com.np%5D"/>