Friday, November 20, 2026||
MultiKhabarMultiKhabar

वैदेशिक रोजगारीका नाममा हुने ठगी रोक्न गृह मन्त्रालयले बनायो विशेष कार्यदल

Share:WhatsAppFacebookX (Twitter)Telegram
वैदेशिक रोजगारीका नाममा हुने ठगी रोक्न गृह मन्त्रालयले बनायो विशेष कार्यदल
Photo / Coverage: पर्दाफास

गृह मन्त्रालयले वैदेशिक रोजगारी तथा विदेश पठाउने नाममा हुने ठगी र श्रम शोषण नियन्त्रण गर्न विशेष कार्यदल गठन गरेको छ। गृहमन्त्री सुधन गुरुङको अध्यक्षतामा शुक्रबार मन्त्रालयमा बसेको बैठकले सम्बन्धित निकायका प्रतिनिधि सम्मिलित कार्यदल गठन गरी सोही दिनदेखि काम थाल्ने निर्णय गरेको हो। कार्यदलले करारमा उल्लेख भएभन्दा फरक काममा लगाउने, तोकिएको तलब तथा सेवा-सुविधा नदिने र रोजगारीको प्रलोभन देखाएर भिजिट भिसामा विदेश पठाउने गतिविधिको अनुगमन गर्नेछ। कन्सल्टेन्सीमार्फत हुने ठगी र भिजिट भिसाको आवरणमा हुने मानव तस्करीमा संलग्न व्यक्ति वा समूह पहिचान गरी प्रचलित कानुनबमोजिम कारबाहीको दायरामा ल्याउने कार्यादेश पनि दिइएको छ। बैठकमा युवा, श्रम तथा रोजगार मन्त्रालय मन्त्री रामजी यादवसहित गृह, श्रम, रोजगार तथा सामाजिक सुरक्षा, संस्कृति, पर्यटन तथा नागरिक उड्डयन र शिक्षा, विज्ञान तथा प्रविधि मन्त्रालयका सचिव सहभागी थिए। बैठकमा नेपाल प्रहरीका महानिरीक्षक, केन्द्रीय अनुसन्धान ब्युरोका प्रमुख र नेपाल नागरिक उड्डयन प्राधिकरणका पदाधिकारीको पनि सहभागिता थियो। विश्व प्रहरी शिखर सम्मेलनमा सहभागी हुन नोभेम्बर १३ मा संयुक्त अरब इमिरेट्स पुगेका गृहमन्त्री गुरुङले अबुधाबीस्थित नेपाली राजदूतावास र दुबईस्थित नेपाली महावाणिज्य दूतावासमा स्थानीय नेपाली समुदायसँग छलफल गरेका थिए। छलफलमा वैदेशिक रोजगारीका क्रममा नेपाली नागरिक ठगी र श्रम शोषणमा परेको विषय उठेपछि उनले तत्काल कदम चाल्ने प्रतिबद्धता जनाएका थिए। गृह मन्त्रालयले ठगी र श्रम शोषण नियन्त्रणका लागि सम्बन्धित निकायबीचको समन्वय बढाउने जनाएको छ। मन्त्रालयले रोजगारीको प्रलोभनमा नपर्न र विदेश जानुअघि आधिकारिक प्रक्रिया, करारका सर्त तथा गन्तव्य मुलुकको कानुनी व्यवस्थाबारे बुझ्न सर्वसाधारणलाई आग्रह गरेको छ।

Share:WhatsAppFacebookX (Twitter)Telegram

Read Complete Original Article

Published originally on पर्दाफास

Visit Publisher Site →

Related News

🇳🇵 Nepal
नेपाली सेनाका सहायकरथी मनोज थापा उपरथीमा बढुवा
OthersJust now

नेपाली सेनाका सहायकरथी मनोज थापा उपरथीमा बढुवा

काठमाण्डु – नेपाली सेनाका सहायकरथी मनोज थापा उपरथीमा बढुवा भएका छन् । बिहीबार बसेको मन्त्रिपरिषद् बैठकले थापालाई उपरथीमा बढुवा गर्ने निर्णय गरेको हो । उपरथी अनुपजंग थापा रथीमा बढुवा भएपछि रिक्त रहेको पदमा मनोज थापाको बढुवा भएको हो । थापा यसअघि नेपाली सेनाको युद्धकार्य महानिर्देशनालयमा निर्देशकका रूपमा कार्यरत थिए । ...

काठमाण्डुपाटी
एनपीएलमा साविक विजेताको वर्चस्व कि नयाँ च्याम्पियनको उदय ?
OthersJust now

एनपीएलमा साविक विजेताको वर्चस्व कि नयाँ च्याम्पियनको उदय ?

गत संस्करणकै फाइनल खेल यसपटक पनि दोहोरिँदा लुम्बिनी लायन्स उपाधि रक्षा गर्ने लक्ष्यमा छ भने सुदूरपश्चिम पहिलो उपाधिको खोजीमा रहनेछ । ...

अनलाइन खबर
चन्द्रागिरिमा मोटरसाइकल दुर्घटना हुँदा चालकको मृत्यु, पछाडि सवार घाइते
OthersJust now

चन्द्रागिरिमा मोटरसाइकल दुर्घटना हुँदा चालकको मृत्यु, पछाडि सवार घाइते

४ मंसिर, काठमाडौं । काठमाडौंको चन्द्रागिरि नगरपालिका–८ स्थित एपीएफ एकेडेमी गेट काप्रावोट नजिकै मोटरसाइकल दुर्घटना हुँदा चालकको मृत्यु भएको छ भने पछाडि सवार व्यक्ति घाइते भएका छन् । मृत्यु हुनेमा कञ्चनपुरको बेलौरीका २५ वर्षीय रमेश चौधरी रहेका छन् । दुर्घटनामा कञ्चनपुरको पुनर्वास नगरपालिका–६ घर भई हाल काठमाडौंको कीर्तिपुर बस्दै आएका ४३ वर्षीय मेकबहादुर वाइबा घाइते… ...

अनलाइन खबर
सरकारी मोटरसाइकलको ठक्करबाट जुम्लामा पैदलयात्रीको मृत्यु
OthersJust now

सरकारी मोटरसाइकलको ठक्करबाट जुम्लामा पैदलयात्रीको मृत्यु

साँझ करिब ६ बजे जुम्ला बजारबाट तातोपानीतर्फ जाँदै गरेको क १ ब २७३ नम्बरको सरकारी मोटरसाइकलले महतलाई ठक्कर दिएको थियो । ...

अनलाइन खबर
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play