काठमाडाैं । नेपाल प्रिमियर लिग (एनपीएल) अन्तर्गत कीर्तिपुरमा जारी खेलमा पोखरा एभेन्जर्सका युवा ब्याट्सम्यान युवराज सामराले आफ्नो शानदार लयलाई निरन्तरता दिँदै अर्धशतक प्रहार गरेका छन्। यसअघि कर्णाली याक्सविरुद्ध ऐतिहासिक शतक प्रहार गरेका सामराले विराटनगर किङ्ग्सविरुद्धको खेलमा पनि टोलीको इनिङ्स सम्हाल्दै अर्धशतक पूरा गरेका हुन्। टस जितेर पहिले ब्याटिङ गरिरहेको पोखरा एभेन्जर्सले ९.४ ओभरको समाप्तिमा ३ विकेट गुमाएर ६४ रन बनाएको छ। एकतर्फबाट लगातार विकेट पतन भइरहे पनि क्रिजमा डटेर खेलेका युवराजले ३२ बलमा ५ चौका र २ छक्काको मद्दतले ५१ रन बनाउँदै अविजित रहेका छन्। पोखराका लागि अर्जुन कुमाल (१), कुशल भुर्तेल (०) र अर्जुन घर्ती (५) सस्तैमा पेभिलियन फर्किएका थिए । हाल क्रिजमा युवराजलाई सन्नी बिकले ६ रन बनाएर साथ दिइरहेका छन्। विराटनगरका लागि बलिङमा एन्जेलो म्याथ्युज, चरिथ असालंका र कप्तान सन्दीप लामिछानेले समान १-१ विकेट हात पारेका छन्।
युवराज सामरा उत्कृष्ट लयमा, विराटनगरविरुद्ध पनि पूरा गरे अर्धशतक
Read Complete Original Article
Published originally on केन्द्रबिन्दु
