Tuesday, November 17, 2026||
MultiKhabarMultiKhabar

मोडिफाई गरिएका ४०१ दुईपाङ्ग्रे सवारीमाथि ट्राफिकको कारबाही

Share:WhatsAppFacebookX (Twitter)Telegram
मोडिफाई गरिएका ४०१ दुईपाङ्ग्रे सवारीमाथि ट्राफिकको कारबाही
Photo / Coverage: पर्दाफास

ट्राफिक प्रहरीले ट्राफिक नियमविपरीत स्वरूप परिवर्तन (मोडिफाई) गरेर चलाइएका ४०१ वटा दुईपाङ्ग्रे सवारीसाधनलाई कारबाही गरेको छ । काठमाडौं उपत्यका ट्राफिक प्रहरी कार्यालयले ध्वनि प्रदूषण नियन्त्रण गर्ने उद्देश्यले मोडिफाई गरिएका मोटरसाइकल तथा स्कुटर नियन्त्रणमा लिएर कारबाही गरेको हो । कार्यालयका अनुसार एक साताको अवधिमा ३४७ वटा बुलेट, १७ वटा क्रसफायर, ११ वटा एनएस, ४ वटा स्कुटर, २/२ वटा डुकाटी र एमटी, १/१ वटा डोमिनार र केटीएम ड्युक तथा ८ वटा अन्य सवारीसाधन नियन्त्रणमा लिइएका छन् । कार्यालय प्रमुख एवं प्रहरी वरिष्ठ उपरीक्षक (एसएसपी) सुरेशप्रसाद काफ्लेले सडकमा ध्वनि प्रदूषण बढाउने र अन्य सवारी चालक तथा सर्वसाधारणलाई असर पुर्‍याउने गरी मोटरसाइकल मोडिफाई गर्ने प्रवृत्ति नियन्त्रण गर्न अभियान सञ्चालन गरिएको बताए । ‘१ हप्ताको दौरानमा ४०१ वटा मोटर साईकलहरु समातेर आवश्यक कानुनी कारबाही गर्दैछौं । हाम्रो एउटै मात्र उद्देश्य के हो भने सडकमा कुनै पनि नागरिकलाई साउन्ड पोलुसनको कारणले अरु दुर्घटना अथवा उनलाई हेल्थको ह्याजार्ड नहोस् भन्ने नै हो । साथै सडकमा मनलाग्दी तरिकाले आफूले चाहे अनुसारले सवारी साधन चलाउने र जसको कारणले अरुलाई असर गर्ने काम गर्नु हुँदैन,’ काफ्लेले भने । निजी सवारीसाधन भन्दै आफूखुसी स्वरूप परिवर्तन गरेर सडकमा चलाउने प्रवृत्ति बढ्दै गएको उनको भनाइ छ । यस्तो गतिविधिले चालक स्वयंलाई जोखिममा पार्नुका साथै सर्वसाधारणको स्वास्थ्य र सुरक्षामा समेत असर पार्ने उनले बताए । ‘पछिल्लो समयमा जे गर्दा पनि हुन्छ, सडकमा हिँड्ने सवारी साधन मेरो सम्पत्ति भएको हुनाले जसरी मोडिफाई गर्न पनि पाउँछ भन्ने खालको ट्रेन्ड जस्तै बसेको छ । यसले कसैलाई पनि फाइदा गर्दैन । यो स्वयं चालकलाई पनि एकदमै रिस्की हुन्छ । यो गैरकानूनी क्रियाकलाप हो र हामी यसलाई नियन्त्रण गर्ने प्रयासमा छौं,’ उनले भने । ट्राफिक प्रहरीले मोडिफाई गरिएका सवारीसाधन नियन्त्रणमा लिएर यातायात व्यवस्था कार्यालयमा पठाउने गरेको छ । कानुनी प्रक्रिया पूरा भएपछि सम्बन्धित कार्यालयले जरिवाना गर्ने र मोटरसाइकललाई शोरुमबाट निस्कँदाको मूल स्वरूपमा फर्काउन लगाउने काफ्लेले जानकारी दिए । ‘यो जति पनि मोडिफाई गरेका सवारी साधनहरु छन्, त्यो मोडिफाई गरेका सवारी साधनहरुको जरिवाना चाहिँ यातायात व्यवस्था कार्यालयले गर्छ । हामीले गर्दैनौं, हामीले चिट काटेर पठाउँछौं । उहाँहरुले चिट काटेर आइसकेपछि शोरुमबाट निस्किँदाखेरि जुन अवस्थामा मोटर साईकल थियो, त्यही अवस्थामा बनाएर हामी उहाँहरुलाई ह्यान्ड ओभर गर्छौं । चेन्ज गरेका पाट्र्सहरु सबै चेन्ज गर्न लगाउँछौं,’ उनले भने । पटक–पटक नियम उल्लङ्घन गर्ने पाँचदेखि १० वटासम्म मोटरसाइकल भने प्रहरीले नियन्त्रणमै राखेको छ । मोडिफाई गरिएका पार्टपुर्जा परिवर्तन गरी मोटरसाइकललाई पुरानै अवस्थामा ल्याएपछि मात्र सम्बन्धित धनीलाई हस्तान्तरण गर्ने गरिएको उनले बताए । काफ्लेका अनुसार काठमाडौं उपत्यकामा हुने कुल सवारी दुर्घटनामध्ये ६० देखि ७० प्रतिशत दुर्घटना दुईपाङ्ग्रे सवारीसाधनसँग सम्बन्धित छन् । चालु आर्थिक वर्षमा पनि दुईपाङ्ग्रे सवारीसाधन दुर्घटनाका कारण मानिसको मृत्यु हुने र घाइते हुने घटना उल्लेख्य रहेको उनले बताए । ‘अहिले जति पनि दुर्घटना हेर्नुहुन्छ भने हाम्रो ६० देखि ७० प्रतिशत दुर्घटना २ पाङ्ग्रे सवारी साधनमै छ । यो आर्थिक वर्षमा पनि अधिकांश ठाउँमा २ पाङ्ग्रेबाट नै दुर्घटनाको कारणले मान्छेहरुले मृत्युवरण गर्नु परेको र घाइते हुनुपरेको अवस्था छ । त्यसैले २ पाङ्ग्रे सवारी साधन आफैँमा संयमित भएर चलाउनु पर्ने सवारी साधन हो । त्यसमा पनि मोडिफाई गरेपछि त यसले जे रुपमा काम गर्नुपर्ने हो, त्यो काम नगर्ने हुनाले अरु थप दुर्घटना भएको देखिन्छ ।’ मोडिफाई गरिएका दुईपाङ्ग्रे सवारीसाधनले निर्धारित कार्यक्षमतामा असर पार्न सक्ने र दुर्घटनाको जोखिम बढाउन सक्ने भएकाले चालकहरू सचेत हुनुपर्ने काफ्लेको भनाइ छ । सडक सबैको साझा प्रयोगस्थल भएकाले ट्राफिक नियम पालना र जिम्मेवार व्यवहारबाट मात्रै दुर्घटना न्यूनीकरण गर्न सकिने उनले बताए ।

Share:WhatsAppFacebookX (Twitter)Telegram

Read Complete Original Article

Published originally on पर्दाफास

Visit Publisher Site →

Related News

🇳🇵 Nepal
नेपालभित्रै महिला र श्रमिकहरू बेचबिखनमा परिरहेका छन् : सांसद विक
OthersJust now

नेपालभित्रै महिला र श्रमिकहरू बेचबिखनमा परिरहेका छन् : सांसद विक

१ मंसिर, काठमाडौं । नेपाली कम्युनिस्ट पार्टीकी सांसद पार्वती विकले मानव बेचबिखनको समस्या विदेशमा मात्रै नभएर नेपालभित्रै पनि रहेको बताएकी छन् । उनका अनुसार महिला, श्रमिक र बालबालिका नेपालभित्रै बेचबिखन तथा शोषणमा परिरहेका छन् । यसलाई ख्याल गरेर समयाअनुकुल हुने गरी मानव बेचबिखन तथा ओसारपसार (नियन्त्रण ऐन बन्नुपर्ने उनको आग्रह छ । यससम्बन्धी प्रस्तावित विधेयकमाथि… ...

अनलाइन खबर
सामाजिक सञ्जालमा भ्रामक सूचना फैलाएको आरोपमा दुई जना पक्राउ
OthersJust now

सामाजिक सञ्जालमा भ्रामक सूचना फैलाएको आरोपमा दुई जना पक्राउ

१ मंसिर, सर्लाही । सामाजिक सञ्जालमार्फत भ्रामक तथा श्रामक सूचना प्रकाशन तथा प्रसारण गरेको आरोपमा सर्लाही प्रहरीले दुई जनालाई नियन्त्रणमा लिएको छ । जिल्ला प्रहरी कार्यालय सर्लाहीका अनुसार पक्राउ पर्नेमा मलंगवा नगरपालिका–४ का २८ वर्षीय महेश पासवान र बलरा नगरपालिका–४, गडहिया टोलका ३२ वर्षीय आलम बैठा छन् । प्रहरीका अनुसार उनीहरूले फेसबुकमार्फत प्रहरीसँग सम्बन्धित घटनाबारे… ...

अनलाइन खबर
बर्लिनमा युक्रेनको सुरक्षा र पुनर्निर्माणबारे निर्णायक वार्ता हुँदै
OthersJust now

बर्लिनमा युक्रेनको सुरक्षा र पुनर्निर्माणबारे निर्णायक वार्ता हुँदै

रोचक संयोग के छ भने, बर्लिनमा वार्ता भइरहेकै दिन बिहीबार चीनको सेन्जेनमा राष्ट्रपति डोनाल्ड ट्रम्पले रुसी राष्ट्रपति भ्लादिमिर पुटिन र चिनियाँ राष्ट्रपति सी चिनफिङसँग त्रिपक्षीय भेटवार्ता गर्दै छन्। ...

अनलाइन खबर
विदेश पुर्‍याएर जबरजस्ती साइबर ठगीमा लगाइए त्यसलाई मानव बेचबिखनमा राख्नुपर्छ : सांसद खनाल
OthersJust now

विदेश पुर्‍याएर जबरजस्ती साइबर ठगीमा लगाइए त्यसलाई मानव बेचबिखनमा राख्नुपर्छ : सांसद खनाल

१ मंसिर, काठमाडौं । राष्ट्रिय स्वतन्त्र पार्टी (रास्वपा) की सांसद शोभा खनालले रोजगारीको प्रलोभनमा विदेश पुर्‍याएर जबर्जस्ती साइबर ठगीमा लगाइए त्यसलाई मानव बेचबिखनमा राख्नुपर्ने बताएकी छन् । मंगलबार प्रतिनिधिसभा अन्तर्गतको महिला तथा सामाजिक मामिला समितिको बैठकमा ‘मानव बेचबिखन तथा ओसारपसार (नियन्त्रण) (पहिलो संशोधन) विधेयक, २०८३’माथिको छलफलमा उनले यस्तो बताएकी हुन् । ‘हामी मानव बेचबिखनलाई अझै… ...

अनलाइन खबर
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play