भारतीय क्रिकेट छनोट समितिको अध्यक्षमा प्रज्ञान ओझा
काठमाडौं । भारतीय क्रिकेट नियन्त्रण बोर्डले पुरुष क्रिकेट टोलीको छनोट समितिमा फेरबदल गर्दै पूर्वक्रिकेटर प्रज्ञान ओझालाई अध्यक्ष बनाएको छ । पूर्वक्रिकेटर रमेश पोवारलाई पनि समितिको सदस्यमा नियुक्त गरिएको छ। ओझाले अजित अगरकरको स्थान लिएका छन् । भारतीय क्रिकेट नियन्त्रण बोर्डका अनुसार, सबैभन्दा बढी टेस्ट खेल खेलेको आधारमा ओझाले छनोट समितिको अध्यक्षता गर्नेछन् । नयाँ समितिमा ओझासहित शिव सुन्दर दास, आरपी सिंह, अजय रात्रा र रमेश पोवार रहनेछन् । छनोट समितिको सदस्य नियुक्तिका लागि बोर्डको क्रिकेट सल्लाहकार समितिमा रहेका अशोक मल्होत्रा र जतिन पराञ्जपेले प्रक्रिया पूरा गरेका थिए । उनीहरूले बोर्डको मुख्यालयमा आवेदकहरूको छनोट र अन्तर्वार्ता लिएपछि पोवारको नाम सर्वसम्मत रूपमा सिफारिस गरेका थिए । प्रज्ञान ओझाले भारतका लागि २४ टेस्ट, १८ एकदिवसीय र ६ अन्तर्राष्ट्रिय ट्वान्टी–२० खेल खेलेका छन् । उनले टेस्टमा ११३, एकदिवसीयमा २१ र अन्तर्राष्ट्रिय ट्वान्टी–२० मा १० विकेट लिएका छन् । टेस्ट क्रिकेटमा उनको उत्कृष्ट प्रदर्शन ४७ रन दिएर ६ विकेट लिनु हो । त्यस्तै, एकदिवसीयमा ३८ रन दिएर ४ विकेट र अन्तर्राष्ट्रिय ट्वान्टी–२० मा २१ रन दिएर ४ विकेट लिनु उनको उत्कृष्ट प्रदर्शन हो । रमेश पोवारले भारतका लागि दुई टेस्ट र ३१ एकदिवसीय अन्तर्राष्ट्रिय खेल खेलेका छन् । खेल जीवनबाट संन्यास लिएपछि उनले प्रशिक्षकका रूपमा पनि काम गरेका छन् । उनले भारतीय महिला क्रिकेट टोलीको मुख्य प्रशिक्षकका साथै मुम्बई र गुजरातका टोलीसँग काम गरेका थिए। भारतीय क्रिकेट नियन्त्रण बोर्डको उत्कृष्टता केन्द्रमा बलिङ प्रशिक्षकको जिम्मेवारीसमेत सम्हालेका थिए । महिला टोलीको मुख्य प्रशिक्षक रहँदा उनको नेतृत्वमा भारतले एसिया कपको उपाधि जितेको थियो। त्यस्तै, राष्ट्रमण्डल खेलकुदमा रजत पदक हासिल गरेको थियो । भारतीय क्रिकेट नियन्त्रण बोर्डले निवर्तमान छनोट समिति अध्यक्ष अजित अगरकरको योगदानको पनि प्रशंसा गरेको छ । सन् २०२३ जुलाईमा अध्यक्ष नियुक्त भएका अगरकरको कार्यकालमा भारतले तीन अन्तर्राष्ट्रिय क्रिकेट परिषद्का उपाधि, दुई एसिया कप र लगातार दुई एसियाली खेलकुदमा स्वर्ण पदक जितेको बोर्डले जनाएको छ । अब नयाँ छनोट समितिले भारतीय पुरुष टोलीका लागि खेलाडी छनोट र टोलीको संयोजनसम्बन्धी निर्णय गर्नेछ। आगामी अन्तर्राष्ट्रिय प्रतियोगिताका लागि खेलाडी छनोट गर्नु समितिको प्रमुख जिम्मेवारी हुनेछ । नयाँ अध्यक्ष ओझाको पहिलो जिम्मेवारी नेपाल भ्रमण गर्ने भारत ‘ए’ टोलीको छनोट हुन सक्नेछ । त्यसपछि डिसेम्बरमा श्रीलंकाविरुद्ध हुने तीन एकदिवसीय र तीन अन्तर्राष्ट्रिय ट्वान्टी–२० खेलको शृङ्खलाका लागि पनि उनले खेलाडी छनोट गर्नुपर्नेछ । The post भारतीय क्रिकेट छनोट समितिको अध्यक्षमा प्रज्ञान ओझा appeared first on Corporate Khabar : Nepals First Corporate News Magazine and Portal.
Read Complete Original Article
Published originally on कर्पोरट खबर
Related News
हात्तीको आक्रमणबाट वृद्धाको मृत्यु
झापा। हात्तीको आक्रमणबाट बाह्रदशी गाउँपालिका–२ जनता चोककी ७० वर्षीय लजुमा खातुनको मृत्यु भएको छ । जिल्ला प्रहरी कार्यालयका सूचना अधिकारी रञ्जन अवाका अनुसार आजको प्रातःकालीन पदयात्रामा उनलाई बिरिङ खोला नजिक दुई... ...
दसैँका बेला कालीमाटीमा कति छ यी तरकारी तथा फलफूलको मूल्य
कालीमाटी फलफूल तथा तरकारी बजार विकास समितिले सदाझैँ आज कात्तिक ३ गतेका लागि पनि तरकारी तथा फलफूलो थोक मूल्य तोकेको छ। प्रमुख तरकारी तथा फलफूलको थोक मूल्य (प्रतिकेजी/वटा) यस्तो छ: गोलभेडा ठुलो (भारतीय): न्यूनतम रू ८० - अधिकतम रू ९० (औसत रू ८५) गोलभेडा सानो (लोकल): न्यूनतम रू ७० - अधिकतम रू ८५ (औसत रू ७७) आलू रातो (मुडे): न्यूनतम रू... ...
झापामा हात्तीको आक्रमणबाट ७० वर्षीया वृद्धाको मृत्यु, एक जना घाइते
झापा । हात्तीको आक्रमणबाट बाह्रदशी गाउँपालिका–२ जनता चोककी ७० वर्षीया लजुमा खातुनको मृत्यु भएको छ । जिल्ला प्रहरी कार्यालयका सूचना अधिकारी रञ्जन अवाका अनुसार आजको प्रातःकालीन पदयात्रामा उनलाईई बिरिङ खोला नजिक दुई वटा हात्तीले आक्रमण गरेका थिए । गम्भीर घाइते उनलाई भद्रपुरस्थित प्रादेशिक अस्पताल लैजाँदै बाटामा मृत्यु भएको हो । शव परीक्षणका लागि उक्त अस्पतालमा राखिएको छ । खातुनसँगै पदयात्रामा रहनुभएका ...
दसैँका बेला जुवातास खेलिरहेको अवस्थामा १७ जना पक्राउ
काठमाडौं । दसैँका बेला जुवातास खेलिरहेको अवस्थामा ललितपुर र चितवनबाट १७ जना पक्राउ परेका छन् । ललितपुरको महालक्ष्मी नगरपालिका–४ ढुङ्गेसाँघु इमाडोलस्थित एक होटलमा जुवातास खेलिरहेको अवस्थामा सोमबार बेलुकी चार जना पक्राउ... ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
