भारतीय राष्ट्रपति द्रौपदी मुर्मुले नेपालका प्रधानमन्त्री बालेन्द्र (बालेन) शाहको सम्मानमा राजकीय भोज आयोजना गर्ने भएकी छन्। भारतीय प्रधानमन्त्री नरेन्द्र मोदीको निमन्त्रणामा प्रधानमन्त्री शाह मंसिर ६ र ७ गते दुईदिने भ्रमणका लागि भारत जाँदै छन्। भ्रमणको दोस्रो दिन मंसिर ७ गते बिहान नयाँदिल्लीस्थित राष्ट्रपति भवनमा प्रधानमन्त्री शाहलाई औपचारिक स्वागतसहित गार्ड अफ अनर प्रदान गरिने कार्यक्रम छ। त्यसपछि राष्ट्रपति मुर्मु र प्रधानमन्त्री शाहबीच भेटवार्ता हुनेछ। सोही अवसरमा राष्ट्रपति मुर्मुले प्रधानमन्त्री शाहको सम्मानमा राजकीय भोज आयोजना गर्नेछिन्। भ्रमणका क्रममा प्रधानमन्त्री शाह र भारतीय समकक्षी नरेन्द्र मोदीबीच नयाँदिल्लीस्थित हैदराबाद हाउसमा द्विपक्षीय वार्ता हुनेछ। वार्तामा जनकपुर–अयोध्या सीधा रेल सेवा सञ्चालन तथा उद्घाटन, नयाँ हवाई रुट र भारतको सहयोगलगायतका विषयमा छलफल हुने अपेक्षा गरिएको छ। साथै दुई देशबीचको आपसी सम्बन्ध र सहकार्यका विभिन्न विषयमा पनि कुराकानी हुनेछ।
बालेनको सम्मानमा भारतीय राष्ट्रपतिले राजकीय भोज आयोजना गर्ने

Read Complete Original Article
Published originally on पर्दाफास






