नाफामा फर्किए फाइनान्स कम्पनी, अझै ५ अर्बभन्दा बढी सञ्चित नोक्सानी

<p> <p style="text-align:justify"><strong>काठमाडौं। </strong>चालु आर्थिक वर्ष २०८३/८४ को पहिलो त्रैमासमाफाइनान्स कम्पनीहरु समग्रमा नाफामा फर्किएका छन् । कम्पनीहरुले पहिलो तीन महिनामा ३ करोड ६९ लाख रुपैयाँ खुद नाफा कमाएका छन् । गत आर्थिक वर्षको सोही अवधिमा यी कम्पनीहरु ३१ करोड २३ लाख रुपैयाँ खुद नोक्सानीमा थिए ।</p></p> <p> <p style="text-align:justify">नाफामा फर्किए पनि फाइनान्स कम्पनीहरुको सञ्चित नोक्सानी भने उच्च छ । पहिलो त्रैमाससम्ममा १४ कम्पनीको रिटेन्ड अर्निङ समग्रमा ५ अर्ब ११ करोड ४५ लाख रुपैयाँले ऋणात्मक छ । ४ कम्पनीको मात्रै रिटेन्ड अर्निङ धनात्मक छ भने बाँकी १० कम्पनीको सञ्चित नोक्सानी छ ।</p></p> <p> <p style="text-align:justify">पोखरा फाइनान्सको रिटेन्ड अर्निङ १ अर्ब ८६ करोड ९ लाख रुपैयाँले ऋणात्मक छ । त्यस्तै, जानकी फाइनान्सको १ अर्ब १७ करोड ८२ लाख रुपैयाँले ऋणात्मक छ । रिलायन्स फाइनान्सको २८ करोड ९६ लाख, गुडविल फाइनान्सको ३८ करोड ३५ लाख, बेस्ट फाइनान्सको ४४ करोड १६ लाख र गोर्खाज फाइनान्सको ४१ करोड ४४ लाख रुपैयाँ रिटेन्ड अर्निङ ऋणात्मक छ ।</p></p> <p> <p style="text-align:justify">अर्कोतर्फ, मञ्जुश्री फाइनान्सको रिटेन्ड अर्निङ ३८ करोड ६५ लाख, गुहेश्वरी मर्चेन्ट बैंक एन्ड फाइनान्सको १२ लाख ९२ हजार, श्री इन्भेष्टमेन्ट फाइनान्सको ४ करोड ६१ लाख र मल्टिपर्पस फाइनान्सको ३ करोड ५९ लाख रुपैयाँ धनात्मक छ ।फाइनान्स कम्पनीहरुको जगेडा कोषमा भने समग्रमा ९ अर्ब १९ करोड रुपैयाँ छ ।</p> <p style="text-align:justify"><img alt="null" src="https://arthiknews.prixacdn.net/media/albums/%E0%A4%9A_hkMpOWM64n.png" /></p> <p style="text-align:justify"><strong>गोर्खाज र बेस्ट घाटाबाट नाफामा</strong></p></p> <p> <p style="text-align:justify">पहिलो त्रैमासमा सबैभन्दा धेरै नाफा कमाउने कम्पनीमा आईसीएफसी फाइनान्स रहेको छ । कम्पनीले ६ करोड ९७ लाख रुपैयाँ खुद नाफा कमाएको छ । गत वर्षको सोही अवधिमा यसको नाफा २ करोड २४ लाख रुपैयाँ थियो । यससँगै आईसीएफसीको नाफा २१०.७९ प्रतिशत बढेको छ ।</p> <p style="text-align:justify">गोर्खाज फाइनान्सले ६ करोड ७४ लाख रुपैयाँ नाफा कमाएको छ । गत वर्ष ४ करोड २४ लाख रुपैयाँ घाटामा रहेको कम्पनी यस वर्ष नाफामा फर्किएको हो । गुडविल फाइनान्सले ६ करोड ३१ लाख रुपैयाँ नाफा कमाएको छ । कम्पनीको नाफा गत वर्षको तुलनामा ६८.९२ प्रतिशत बढेको हो ।</p> <p style="text-align:justify">त्यस्तै, बेस्ट फाइनान्स पनि गत वर्ष ५ करोड ४७ लाख रुपैयाँ घाटामा रहेकोमा यस वर्ष २ करोड १४ लाख रुपैयाँ नाफामा फर्किएको छ । श्री इन्भेष्टमेन्ट फाइनान्सको नाफा ४७०.७२ प्रतिशत बढेर १ करोड ९६ लाख रुपैयाँ पुगेको छ । सेन्ट्रल फाइनान्सले २ करोड ९ लाख रुपैयाँ नाफा कमाएको छ, जुन गत वर्षको तुलनामा १३.५४ प्रतिशत बढी हो ।</p> <p style="text-align:justify">मञ्जुश्री फाइनान्सको नाफा भने ४८.५७ प्रतिशत घटेर २ करोड ३८ लाख रुपैयाँमा सीमित भएको छ । मल्टिपर्पस फाइनान्सको नाफा ७५.९३ प्रतिशत घटेर ३२ लाख ६५ हजार रुपैयाँमा झरेको छ ।</p> <p style="text-align:justify">गुहेश्वरी मर्चेन्ट बैंक एन्ड फाइनान्सको घाटा उल्लेख्य घटेको छ । गत वर्ष ३ करोड ७ लाख रुपैयाँ घाटामा रहेको कम्पनीको यस वर्षको घाटा ३५ लाख ७५ हजार रुपैयाँमा सीमित भएको छ । जानकी फाइनान्स पनि गत वर्ष १८ लाख ४५ हजार रुपैयाँ नाफामा रहेकोमा यस वर्ष ८५ लाख ८५ हजार रुपैयाँ घाटामा गएको छ ।</p> <p style="text-align:justify">नेपाल फाइनान्सको घाटा गत वर्ष ५ करोड ९५ लाख रुपैयाँ रहेकोमा यस वर्ष २ करोड ९९ लाख रुपैयाँमा झरेको छ । प्रोग्रेसिभ फाइनान्सको घाटा भने ३ करोड ९० लाखबाट बढेर ४ करोड ३१ लाख रुपैयाँ पुगेको छ । पोखरा फाइनान्सको घाटा ६ करोड ४५ लाखबाट घटेर ४ करोड ७० लाख रुपैयाँमा सीमित भएको छ । रिलायन्स फाइनान्सको घाटा पनि १६ करोड ४८ लाखबाट घटेर १२ करोड २ लाख रुपैयाँमा झरेको छ ।</p> <p style="text-align:justify"><img alt="null" src="https://arthiknews.prixacdn.net/media/albums/%E0%A4%A8%E0%A4%A4_%E0%A4%AA_nFDe5o7KE2.png" /></p> <p style="text-align:justify"><strong>खुद ब्याज आम्दानी २३ प्रतिशत बढ्यो</strong></p> <p style="text-align:justify">फाइनान्स कम्पनीहरुको खुद ब्याज आम्दानीमा पनि सुधार देखिएको छ । १४ कम्पनीको खुद ब्याज आम्दानी २३.२१ प्रतिशत बढेर १ अर्ब १४ करोड ४४ लाख रुपैयाँ पुगेको छ । गत वर्षको सोही अवधिमा यस्तो आम्दानी ९२ करोड ८८ लाख रुपैयाँ थियो ।</p> <p style="text-align:justify">खुद ब्याज आम्दानी सबैभन्दा धेरै मञ्जुश्री फाइनान्सको २३ करोड ३ लाख रुपैयाँ छ । आईसीएफसी फाइनान्सको १८ करोड ६३ लाख, रिलायन्स फाइनान्सको १० करोड ६५ लाख र गोर्खाज फाइनान्सको ९ करोड ७४ लाख रुपैयाँ खुद ब्याज आम्दानी छ ।</p> <p style="text-align:justify">वृद्धिदरका आधारमा जानकी फाइनान्स अगाडि छ । कम्पनीको खुद ब्याज आम्दानी २५१.०३ प्रतिशत बढेर ६ करोड ११ लाख रुपैयाँ पुगेको छ । रिलायन्स फाइनान्सको ६२.९६ प्रतिशत, सेन्ट्रल फाइनान्सको ४६.८५ प्रतिशत र बेस्ट फाइनान्सको ४५.५६ प्रतिशत बढेको छ । श्री इन्भेष्टमेन्ट फाइनान्सको भने खुद ब्याज आम्दानी २०.४९ प्रतिशत घटेको छ ।</p> <p style="text-align:justify">ब्याज आम्दानी बढे पनि ठूलो रकम कर्जा नोक्सानी व्यवस्थापन (इम्पेयरमेन्ट चार्ज) का लागि छुट्याउनुपर्दा कम्पनीहरुको नाफामा दबाब परेको देखिन्छ । यद्दपि, केही कम्पनीको इम्पेयरमेन्ट चार्ज गत वर्षको तुलनामा घटेको र केहीले रिभर्स गरेकाले समग्र नाफामा सुधार आएको हो ।</p> <p style="text-align:justify"><img alt="null" src="https://arthiknews.prixacdn.net/media/albums/%E0%A4%A8%E0%A4%A4_DNwtF8qTgw.png" /></p> <p style="text-align:justify"><strong>गोर्खाजको प्रतिसेयर आम्दानी सबैभन्दा उच्च</strong></p> <p style="text-align:justify">पहिलो त्रैमासमा गोर्खाज फाइनान्सको प्रतिसेयर आम्दानी (ईपीएस) सबैभन्दा धेरै ३१ रुपैयाँ ९ पैसा छ । गुडविल फाइनान्सको २६ रुपैयाँ ७० पैसा र आईसीएफसी फाइनान्सको २३ रुपैयाँ ५९ पैसा छ । बेस्ट फाइनान्सको ईपीएस ९ रुपैयाँ ६३ पैसा, सेन्ट्रल फाइनान्सको ८ रुपैयाँ ८३ पैसा र श्री इन्भेष्टमेन्ट फाइनान्सको ७ रुपैयाँ ८६ पैसा छ ।</p> <p style="text-align:justify">१४ कम्पनीको औसत ईपीएस २ रुपैयाँ ९२ पैसा छ । आठ कम्पनीको ईपीएस धनात्मक भए पनि गुहेश्वरी, पोखरा, नेपाल, जानकी, प्रोग्रेसिभ र रिलायन्स फाइनान्सको ईपीएस ऋणात्मक छ । रिलायन्स फाइनान्सको ईपीएस सबैभन्दा कम ऋणात्मक ४२ रुपैयाँ ९० पैसा छ । प्रतिसेयर नेटवर्थका आधारमा गुडविल फाइनान्स अगाडि छ ।</p> <p style="text-align:justify">कम्पनीको नेटवर्थ २१७ रुपैयाँ ३६ पैसा छ । मञ्जुश्री फाइनान्सको १९३ रुपैयाँ ५८ पैसा, आईसीएफसीको १८४ रुपैयाँ ६ पैसा र गोर्खाजको १७४ रुपैयाँ ११ पैसा छ । जानकी फाइनान्सको नेटवर्थ भने ८ रुपैयाँ २२ पैसा ऋणात्मक छ ।</p> <p style="text-align:justify"><strong>जानकी फाइनान्सको निष्क्रिय कर्जा ६३ प्रतिशत</strong></p> <p style="text-align:justify">कम्पनीहरुको खराब कर्जा (एनपीएल) मा पनि ठूलो अन्तर देखिएको छ । जानकी फाइनान्सको निष्क्रिय कर्जा अनुपात सबैभन्दा उच्च ६२.९२ प्रतिशत छ । पोखरा फाइनान्सको १९.४२ प्रतिशत र नेपाल फाइनान्सको १३.७४ प्रतिशत छ । गोर्खाज फाइनान्सको १३.४५ प्रतिशत, बेस्ट फाइनान्सको ९.७३ प्रतिशत र रिलायन्स फाइनान्सको ९.६७ प्रतिशत छ ।</p> <p style="text-align:justify">आईसीएफसी फाइनान्सको निष्क्रिय कर्जा अनुपात सबैभन्दा कम १.९५ प्रतिशत छ । श्री इन्भेष्टमेन्ट फाइनान्सको ३.१८ प्रतिशत, मल्टिपर्पस फाइनान्सको ३.६२ प्रतिशत र मञ्जुश्री फाइनान्सको ४.३७ प्रतिशत छ । १४ कम्पनीको औसत निष्क्रिय कर्जा अनुपात १२.०९ प्रतिशत रहेको छ ।</p> <p style="text-align:justify"><img alt="null" src="https://arthiknews.prixacdn.net/media/albums/%E0%A4%A8%E0%A4%B2_hRCOBf6Ln1.png" /></p></p>