काठमाडौं । नेकपा एमालेका नेता सूर्य थापाले पूर्वप्रधानमन्त्री शेरबहादुर देउवासँग महत्वपूर्ण भेटवार्ता भएको बताएका छन्। सामाजिक सञ्जाल ७ फोटो राखेर भेटबारे जानकारी दिँदै थापाले देउवासँग समसामयिक राजनीतिक घटनाक्रम र कांग्रेसको आन्तरिक अवस्थाबारे कुराकानी भएको बताएका हुन्। थापाका अनुसार २०८२ भदौ २३ र २४ गतेका घटनाक्रमअघिको अवस्था, त्यसपछिको परिस्थिति र हालसम्मको राजनीतिक अवस्थाबारे देउवा स्पष्ट देखिएका छन्। उनले देउवालाई नेपाली राजनीतिका विभिन्न उतारचढाव, राजनीतिक पात्रहरूको नियत र परिस्थितिबारे राम्रो जानकारी भएको अनुभवी नेताका रूपमा चित्रण गरेका छन्। ८० वर्षको उमेरमा पनि देउवा उत्साही रहेको उल्लेख गर्दै थापाले फरक राजनीतिक दल र सम्बन्धका व्यक्तिसँग पनि खुलेर कुराकानी गर्न सक्ने उनको विशेषता रहेको बताएका छन्। ‘८० बर्षको उमेरमा पनि जोसिलो हुनुहुन्छ। भिन्न पार्टी र फरक सम्बन्धमा पनि खुल्न र मनको कुरा बोल्न सक्नुहुन्छ। यतिबेला उहाँको खास जोड काँग्रेस १.० को पन्ध्रौं महाधिवेशन सम्पन्न गर्नु र आधिकारिकता प्राप्त गर्नुमा केन्द्रित रहेको छ।रूख चिन्ह पाउनु नै मुख्य हो भन्नेमा उहाँ स्पष्ट र दृढ हुनुहुन्छ’ उनले भनेका छन्। भेटका महत्वपूर्ण पक्ष, त्यसको राजनीतिक परिदृश्य र सम्भावित परिणाम क्रमशः सार्वजनिक हुँदै जाने थापाले बताएका छन्।
देउवासँग खिचिएका ७ तस्बिर राख्दै सूर्य थापा भन्छन्– ८० वर्षमा पनि उहाँ जोसिलो हुनुहुन्छ

Read Complete Original Article
Published originally on केन्द्रबिन्दु




.jpg)

