Thursday, November 19, 2026||
MultiKhabarMultiKhabar

चिप निर्माता कम्पनी एनभिडियाको आम्दानी अघिल्लो त्रैमासिकको तुलनामा २० प्रतिशतले बढ्यो

Share:WhatsAppFacebookX (Twitter)Telegram
चिप निर्माता कम्पनी एनभिडियाको आम्दानी अघिल्लो त्रैमासिकको तुलनामा २० प्रतिशतले बढ्यो
Photo / Coverage: टेक्नोलोजी खबर

चिप निर्माता कम्पनी एनभिडियाले मंगलबार सार्वजनिक गरेको आर्थिक विवरणअनुसार अक्टोबर २५ मा समाप्त भएको तीन महिनाको अवधिमा कम्पनीको आम्दानी १ खर्ब १५ अर्ब ८० करोड अमेरिकी डलर पुगेको छ। यो सन् २०२५ को तेस्रो त्रैमासिकको तुलनामा १०३ प्रतिशत र अघिल्लो त्रैमासिकको तुलनामा २० प्रतिशत बढी हो। यसअघि वालस्ट्रिटका विश्लेषकहरूले कम्पनीको आम्दानी १ खर्ब ९ अर्ब १० करोड डलरको हाराहारीमा रहने अनुमान गरेका थिए। कम्पनीको आम्दानीमा सबैभन्दा ठूलो हिस्सा ओगट्ने डेटा सेन्टर व्यवसायबाट भएको आम्दानी दोब्बरभन्दा बढी बढेर १ खर्ब ७ अर्ब ६० करोड डलर पुगेको छ। यस क्षेत्रमा पनि कम्पनीले विश्लेषकहरूको अपेक्षालाई उछिनेको छ। इन्ग्याजेटको रिपोर्ट अनुसार मंगलबार सार्वजनिक वित्तीय नतिजाले लगानीकर्ताको चिन्ता कम गर्न पर्याप्त हुन्छ कि हुँदैन भन्ने आगामी दिनमा स्पष्ट हुने अपेक्षा गरिएको छ। कम्पनीको तेस्रो त्रैमासिकको सम्पूर्ण अवधिमा हुआङ नै सीईओ थिए भने क्रेसले पछिल्ला चार कार्यदिन मात्रै उक्त जिम्मेवारी सम्हालेकी छन्। हुआङले नोभेम्बर १२ मा राजीनामा दिएयता एनभिडियाको सेयर मूल्य करिब ११ प्रतिशत घटेको थियो। मंगलबारको वित्तीय प्रतिवेदन सार्वजनिक हुनुअघि हुआङले आफू कम्पनीमा फर्कन तयार रहेको बताएका थिए। सामाजिक सञ्जाल एक्समा सार्वजनिक गरेको वक्तव्यमा उनले सञ्चालक समितिले आफू फर्कनु लगानीकर्ता, कर्मचारी, कम्पनी र अमेरिकाको हितमा हुने निर्णय गरेमा सीईओका रूपमा पुनः जिम्मेवारी सम्हाल्न सम्मानित महसुस गर्ने उल्लेख गरेका थिए। उनको वक्तव्यलाई सञ्चालक समितिलाई आफ्नो पद फिर्ता दिन दबाब दिने प्रयासका रूपमा पनि व्याख्या गरिएको छ। सञ्चालक समिति अध्यक्ष हार्भे जोन्सले कम्पनीका पूर्व प्रमुख कार्यकारी अधिकृत (सीईओ) जेन्सन हुआङलाई पुनः सोही पदमा फर्काउने कुनै योजना नरहेको बताएका छन्। जोन्सका अनुसार कम्पनीको सञ्चालक समितिले नयाँ सीईओको खोजीलाई गम्भीरतापूर्वक लिएको छ। यसका लागि कम्पनीभित्रैका र बाहिरका सम्भावित उम्मेदवारमाथि विचार भइरहेको छ। ‘उन्नत सिलिकन प्रविधि र राष्ट्रिय सुरक्षा सम्बन्धी परिस्थितिले हाम्रो बजारमा ठूलो परिवर्तन ल्याइरहेको विश्वमा हामी छौँ भन्ने कुरा सञ्चालक समितिले बुझेको छ,’ जोन्सले भने, ‘नयाँ सीईओले यी चुनौतीलाई सावधानीपूर्वक व्यवस्थापन गर्नुपर्नेछ। त्यसैले खोजी प्रक्रिया विस्तृत हुनेछ। हामी सकेसम्म चाँडो स्थायी सीईओ नियुक्त गर्न चाहन्छौँ, तर उपयुक्त व्यक्ति नभेटेसम्म हतारमा नियुक्ति गर्नेछैनौँ।’ नयाँ नेतृत्वको खोजीका अतिरिक्त एनभिडियाले पछिल्लो समय सार्वजनिक भएका घटनाक्रमबाट उत्पन्न चुनौती पनि सामना गर्नुपर्ने देखिएको छ। वालस्ट्रिट जर्नलले बजार बन्द हुनुअघि प्रकाशित गरेको समाचारअनुसार अमेरिकी धितोपत्र तथा विनिमय आयोग (एसईसी) ले एनभिडियामाथि अनुसन्धान सुरु गरेको छ। यद्यपि अनुसन्धानको विषय के हो भन्नेबारे तत्काल स्पष्ट हुन नसकेको समाचारमा उल्लेख छ। अमेरिकी राष्ट्रपति डोनाल्ड ट्रम्पका अनुसार संघीय अनुसन्धान ब्युरो (एफबीआई) ले पनि यस विषयमा अनुसन्धान गरिरहेको छ। The post चिप निर्माता कम्पनी एनभिडियाको आम्दानी अघिल्लो त्रैमासिकको तुलनामा २० प्रतिशतले बढ्यो appeared first on Technology Khabar.

Share:WhatsAppFacebookX (Twitter)Telegram

Read Complete Original Article

Published originally on टेक्नोलोजी खबर

Visit Publisher Site →

Related News

🇳🇵 Nepal
विपद्को पूर्वसूचना दिने ‘सेल ब्रोडकास्टिङ’ प्रणाली परीक्षण गरिँदै
TechnologyJust now

विपद्को पूर्वसूचना दिने ‘सेल ब्रोडकास्टिङ’ प्रणाली परीक्षण गरिँदै

विपद्का समयमा नागरिकलाई मोबाइल फोनमार्फत तत्काल पूर्वसूचना उपलब्ध गराउने उद्देश्यले ‘सेल ब्रोडकास्टिङ प्रणाली’ (सिबीएस)को परीक्षण गरिने भएको छ। सूचना तथा सञ्चार मन्त्रालय, गृह मन्त्रालय, नेपाल दूरसञ्चार प्राधिकरण, राष्ट्रिय विपद् जोखिम न्यूनीकरण तथा व्यवस्थापन प्राधिकरण र नेपाल टेलिकमको समन्वयमा मङ्सिर ४ गते काठमाडौँको बलम्बु क्षेत्रमा उक्त प्रणालीको सीमित प्राविधिक परीक्षण गर्न लागिएको दूरसञ्चार प्राधिकरणका प्रवक्ता मीनप्रसाद अर्यालले जानकारी दिए। परीक्षणका क्रममा तोकिएको क्षेत्रमा ...

टेक्नोलोजी खबर
ग्रान्ड थेफ्ट अटो–६ सार्वजनिक, सुरुवाती समीक्षामा उत्कृष्ट प्रतिक्रिया
TechnologyJust now

ग्रान्ड थेफ्ट अटो–६ सार्वजनिक, सुरुवाती समीक्षामा उत्कृष्ट प्रतिक्रिया

१३ वर्षको प्रतीक्षापछि करिब एक अर्ब अमेरिकी डलर वा सोभन्दा बढी लागतमा तयार पारिएको बहुप्रतीक्षित भिडियो गेम ‘ग्रान्ड थेफ्ट अटो–६’ (जीटीए–६) बिहीबार विश्वभर सार्वजनिक भएको छ। सार्वजनिक भएसँगै गेमले समीक्षक र प्रयोगकर्ताबाट उत्कृष्ट प्रतिक्रिया पाएको छ। गेम समीक्षा गर्ने वेबसाइट मेटाक्रिटिकको सर्वकालीन उत्कृष्ट गेमको सूचीमा जीटीए–६ ले ९९ अंक प्राप्त गर्दै शीर्ष स्थानमा पुगेको छ। यो अंक यसअघि निन्टेन्डोको सन् १९९८ ...

टेक्नोलोजी खबर
स्टार्टअपमा सफल हुन मेहनतसँगै बजारको आवश्यकता बुझ्नुपर्छ : सुधन झा
TechnologyJust now

स्टार्टअपमा सफल हुन मेहनतसँगै बजारको आवश्यकता बुझ्नुपर्छ : सुधन झा

काठमाडौं । राष्ट्रिय योजना आयोगका सदस्य सुधन झाले स्टार्टअप सफल बनाउन लगनशीलता, अनुशासन र निरन्तर प्रयास आवश्यक रहेको बताएका छन् ।आइसिटी आइडिया फेस्ट २०२६ अन्तर्गत आयोजित स्टार्टअपसम्बन्धी कार्यक्रममा बोल्दै झाले स्टार्टअप सुरु गर्नु मात्र ठूलो कुरा नभई त्यसलाई सफल बनाउन निरन्तर मेहनत, स्पष्ट सोच र अनुशासन आवश्यक पर्ने बताएका हुन् ।उनले आफ्नो पुस्ताको तुलनामा अहिलेको युवा पुस्ता नयाँ काम गर्न ...

आइसिटी समाचार
आज स्टार्टअप फेस्टमा लगानी, नीति र उद्यमशीलताबारे विशेष बहस, १५ बढी आइडिया पिचिङ
TechnologyJust now

आज स्टार्टअप फेस्टमा लगानी, नीति र उद्यमशीलताबारे विशेष बहस, १५ बढी आइडिया पिचिङ

काठमाडौं । नेपालको स्टार्टअप इकोसिस्टमको विकास, लगानी विस्तार र उद्यमशीलतालाई प्रवर्द्धन गर्ने उद्देश्यले काठमाडौंमा जारी सातौँ स्टार्टअप फेस्टमा आज ‘स्टार्टअप कन्भर्सेसन्स २०२६’ आयोजना भइरहेको छ ।स्टार्टअप संस्थापक, लगानीकर्ता, उद्यमी तथा इकोसिस्टमका नेतृत्वकर्तालाई एउटै मञ्चमा जोड्ने उद्देश्यले आयोजना भइरहेको कार्यक्रममा मुख्य वक्ताका प्रस्तुति, सफल स्टार्टअपका अनुभव, अन्तरक्रियात्मक प्यानल छलफल तथा आइडिया पिचिङ समावेश छन् ।कार्यक्रमको सुरुवात बिहान १० बजे उद्घाटन मन्तव्य ...

आइसिटी समाचार
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play