काठमाडौं: नेपाल प्रिमियर लिग (एनपीएल) मा चितवन राइनोजले जनकपुर बोल्ट्सलाई ४ विकेटले पराजित गरेको छ। शुक्रबार कीर्तिपुरस्थित त्रिवि क्रिकेट मैदानमा भएको खेलमा जनकपुरले दिएको ८९ रनको लक्ष्य चितवनले १७.२ ओभरमा ६ विकेट गुमाएर पूरा गर्यो। चितवनको जितमा डाविड मलानले सर्वाधिक ३५ रन बनाए। त्यस्तै कुशल मल्लले १५, रवि बोपाराले १३ र कामिल मिशाराले १२ रन जोडे। बलिङतर्फ जनकपुरका राहुल यादवले ३, ललित राजवंशीले २ र विशाल सुशलिङले १ विकेट लिए। यसअघि टस हारेर पहिले ब्याटिङ गरेको जनकपुरले निर्धारित २० ओभरमा ९ विकेट गुमाएर ८८ रन मात्र बनाउन सक्यो। जनकपुरका लागि कप्तान हरमित सिंहले सर्वाधिक २५ रन बनाए। त्यसैगरी विशाल सुशलिङले १५, सन्तोष कार्कीले १० र राहुल यादवले अविजित १० रन बनाए। चितवनका बलर रञ्जित कुमारले ३ विकेट लिए भने सिकन्दर राजा, कमिल मिशारा र रिजन ढकालले समान २-२ विकेट हात पारे। यस जितसँगै चितवन राइनोज प्ले अफ नजिक पुगेको छ।
चितवन राइनोजको जित, जनकपुर ४ विकेटले पराजित
Read Complete Original Article
Published originally on नेपालन्युज
