आर्य ल्याब एनपिएलको स्वास्थ्य साझेदार

काठमाडौं । स्थापनाको ३०औँ वर्षमा प्रवेश गरेको अवसरमा आर्य फार्माल्याबले नेपाल क्रिकेट संघ (क्यान) सँग नेपाल प्रिमियर लिग (एनपिएल) को स्वास्थ्य साझेदारका रूपमा सहकार्य गर्ने सम्झौता गरेको छ । सहकार्यको उद्देश्य क्रिकेटमार्फत् स्वास्थ्य सचेतना अभिवृद्धिका साथै खेलकुद र जनस्वास्थ्यबीचको सम्बन्ध थप मजबुत बनाउने कम्पनीको लक्ष्य छ । सहकार्यअन्तर्गत एनपिएलका खेल सञ्चालन हुने त्रिभुवन विश्वविद्यालय अन्तर्राष्ट्रिय क्रिकेट मैदानमा आर्य फार्माल्याबले स्वास्थ्य परामर्श, स्वास्थ्य परीक्षण कक्ष, जनचेतनामूलक कार्यक्रम तथा मनोरञ्जन र खेलकुदसम्बन्धी गतिविधिहरू सञ्चालन गरिरहेको छ । सोही क्रममा आर्यले खेलाडीको उत्कृष्ट प्रदर्शन र खेल भावनालाई प्रोत्साहन गर्न ‘हेल्दी पार्टनरसिप अवार्ड’ मार्फत् प्रत्येक खेलमा दुर्ई खेलाडीलाई जनही २५-२५ हजार रुपैयाँ पुरस्कारसहित सम्मान गर्ने भएको छ । प्रत्येक खेलमा एक जना दर्शकलाई २० हजार रुपैयाँको ‘हाटविट मुमेन्ट अफ द म्याच’ प्रदान गरिने पनि कम्पनीले जनाएको छ ।