काठमाडौं । बेलायती अभिनेता तथा कमेडियन रसेल ब्रान्ड २० वर्षभन्दा पुराना घटनामा चार महिलामाथि बलात्कार तथा यौन दुर्व्यवहार गरेको आरोपमा दोषी ठहर भएका छन् । न्यायाधीश जोएल बेनाथानले सोमबार सजाय सुनाउँदै ५१ वर्षीय ब्रान्डले जेल सजाय भोग्नुपर्ने बताएका छन् । यसअघि धरौटीमा रिहा रहेका ब्रान्ड फरार हुन सक्ने सम्भावना देखाउँदै न्यायाधीशले धरौटी खारेज गरेपछि उनलाई हिरासतमा लिइएको छ । सुनुवाइका क्रममा अभियोजक रिएल कार्मी–जोन्सले ब्रान्डलाई निर्दयी, योजनाबद्ध र चतुर ‘यौन शिकारी’को संज्ञा दिएकी थिइन् । ब्रान्डले भने आफूमाथिका आरोप अस्वीकार गर्दै युवावस्थामा यौनप्रति अत्यधिक रुचि भए पनि कसैलाई इच्छाविपरीत यौन सम्बन्ध राख्न बाध्य नपारेको बयान दिएका थिए । उनलाई बलात्कारको एक र यौन दुर्व्यवहारका तीन कसुरमा दोषी ठहर गरिएको छ । बलात्कारका अन्य दुई र असभ्य आक्रमणको प्रयाससम्बन्धी एक कसुरमा भने उनले सफाइ पाएका छन् । बलात्कारको कसुरमा दोषी ठहर भएको फैसला सुनाउँदा ब्रान्डले आँखा बन्द गरेका थिए । धरौटी खारेज भएपछि हिरासतमा लैजाने क्रममा उनले आफ्ना वकिलहरूलाई आफू ठीक रहेको संकेत गर्दै ‘म ठीक छु’ भन्दै दोहोर्याएका थिए । एनपीआर
अभिनेता रसेल ब्रान्ड बलात्कार मुद्दामा दोषी ठहर, जेल सजाय हुने
Read Complete Original Article
Published originally on केन्द्रबिन्दु
