भोटेकोसी बाढीबाट १२ हजारभन्दा बढीले रोजगारी गुमाए, ५६८ व्यावसायिक फर्म तथा कम्पनी प्रत्यक्ष प्रभावित

काठमाडौं । रसुवाको भोटेकोसीमा आएको बाढीका कारण १२ हजारभन्दा बढीले रोजगारी गुमाएको नेपाल उद्योग वाणिज्य महासंघले जनाएको छ। बाढीबाट ५६८ व्यावसायिक फर्म तथा कम्पनी प्रत्यक्ष प्रभावित हुँदा १२ हजार १०० जनाले रोजगारी गुमाएको महासंघको अध्ययनले देखाएको हो। महासंघले बुधबार काठमाडौंमा आयोजना गरेको ‘देशको वर्तमान आर्थिक अवस्था र निजी क्षेत्रको सम्भावना’ विषयक अन्तरक्रिया कार्यक्रममा बाढीबाट भएको व्यावसायिक क्षतिसम्बन्धी अध्यक्षको प्रतिवेदन सार्वजनिक गरेको हो। बाढीपछि प्रभावित क्षेत्रको आर्थिक तथा सामाजिक अवस्थाबारे अध्ययन गरेको महासंघले प्राकृतिक विपद्का कारण निजी क्षेत्रका व्यवसाय तथा रोजगारीमा गम्भीर असर परेको निष्कर्ष निकालेको छ। गत १० भदौमा रसुवाको भोटेकोसी क्षेत्रमा आएको बाढीलाई ‘हिमाली सुनामी’का रूपमा उल्लेख गर्दै महासंघले यसबाट भएको व्यावसायिक क्षतिको विवरण प्रतिवेदनमार्फत सार्वजनिक गरेको हो। महासंघको अध्ययनले बाढी प्रभावित क्षेत्रको आर्थिक गतिविधि पुनः सञ्चालन गर्न तथा रोजगारीका अवसर पुनःस्थापित गर्न आवश्यक पहल गर्नुपर्ने देखाएको छ। The post भोटेकोसी बाढीबाट १२ हजारभन्दा बढीले रोजगारी गुमाए, ५६८ व्यावसायिक फर्म तथा कम्पनी प्रत्यक्ष प्रभावित appeared first on Corporate Khabar : Nepals First Corporate News Magazine and Portal.