सुदूरपश्चिमले काठमाडौंलाई दियो १२६ रनको लक्ष्य

काठमाडौं।नेपाल प्रिमियर लिग (एनपीएल) अन्तर्गत सुदूरपश्चिम रोयल्सले काठमाडौं गोर्खाजसामु १२६ रनको लक्ष्य प्रस्तुत गरेको छ। कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको सुदूरपश्चिमले निर्धारित २० ओभरमा ६ विकेट गुमाउँदै १२५ रन बनायो। सुदूरपश्चिमका कप्तान दीपेन्द्रसिंह ऐरीले सर्वाधिक ६० रनको योगदान दिए। ५५ बल खेलेका उनले ५ चौका र २ छक्का प्रहार गरे। त्यस्तै, थरिन्दु रत्नायकेले २६ र आरिफ शेखले १६ रन बनाए। ब्याटिङ गर्दै सूदरपश्चिम रोयल्सका खेलाडीकाठमाडौँको कीर्तिपुरस्थित त्रिभुवन अन्तर्राष्ट्रिय क्रिकेट मैदानमा सूदरपश्चिम रोयल्स र काठमाण्डु गोर्खाजबीच आज भएको तेस्रो संस्करणको नेपाल प्रिमियर लिग(एनपिएल) टी–२० क्रिकेट प्रतियोगितामा ब्याटिङ गर्दै सुदूरपश्चिम रोयल्सका खेलाडी । उक्त खेलमा सुदूरपश्चिमले टस हारेर ब्याटिङको निम्तो पाएको हो ।तस्बिरः घनश्याम श्रेष्ठ/रासस काठमाडौंका जहान्दद खानले ३ विकेट लिए भने सन्तोष यादवले २ विकेट हात पारे। अब काठमाडौंले जितका लागि १२६ रन पछ्याउनेछ।