Monday, November 16, 2026||
MultiKhabarMultiKhabar

सिटिजन्स बैंक र सिटीटेक ग्रुपबीच साझेदारी, अब कार्डबाट सामान किन्दा किस्ताबन्दीमा भुक्तानी गर्न सकिने

Share:WhatsAppFacebookX (Twitter)Telegram
सिटिजन्स बैंक र सिटीटेक ग्रुपबीच साझेदारी, अब कार्डबाट सामान किन्दा किस्ताबन्दीमा भुक्तानी गर्न सकिने
Photo / Coverage: कर्पोरट खबर

काठमाडौं । सिटिजन्स बैंक इन्टरनेसनल लिमिटेडले आफ्नो डिजिटल बैंकिङ सेवालाई थप विस्तार गर्ने उद्देश्य सहित सिटीटेक ग्रुपसँग साझेदारी गरेको छ। यस साझेदारीसँगै बैंक लुप नेटवर्कमा आबद्ध भएको छ। अब बैंकका योग्य डेबिट तथा क्रेडिट कार्ड प्रयोगकर्ताले लुप नेटवर्कमार्फत तत्काल खरिद कर्जा तथा किस्ताबन्दीमा भुक्तानी गर्न सक्ने सुविधा प्राप्त गर्नेछन्। सम्झौता अनुसार ग्राहकले लुप क्रेडिट सुविधा मार्फत नेटवर्कमा आबद्ध विभिन्न मर्चेन्टबाट आवश्यक वस्तु तथा सेवा खरिद गर्न सक्नेछन्। त्यस्तै, लुप ईएमआई सुविधा मार्फत योग्य कार्डबाट गरिएको खरिदको भुक्तानीलाई मासिक किस्तामा रूपान्तरण गर्न सकिनेछ। यस सुविधाले ग्राहकलाई एकैपटक ठूलो रकम भुक्तानी गर्नुपर्ने अवस्थालाई सहज बनाउँदै आफ्नो आर्थिक क्षमता अनुसार खर्च व्यवस्थापन गर्न सहयोग पुग्ने अपेक्षा गरिएको छ। लुप क्रेडिटमार्फत ग्राहकले खरिदका लागि उपलब्ध कर्जा सुविधा उपयोग गर्न सक्नेछन् भने लुप ईएमआईले योग्य कार्ड कारोबारलाई निश्चित अवधिका मासिक किस्तामा विभाजन गर्ने सुविधा प्रदान गर्नेछ। यसबाट ग्राहकले आफ्नो आवश्यकताअनुसार सामान तथा सेवा खरिद गर्न र भुक्तानीलाई व्यवस्थित बनाउन सक्नेछन्। यद्यपि, यस्तो सुविधा प्रयोग गर्दा लाग्ने ब्याज, शुल्क, किस्ताको अवधि तथा अन्य सर्तहरू भने सम्बन्धित सेवाका नियमअनुसार लागू हुनेछन्। सिटिजन्स बैंकले पछिल्लो समय प्रविधिमा आधारित बैंकिङ सेवालाई प्राथमिकता दिँदै विभिन्न डिजिटल उत्पादन तथा सेवा विस्तार गर्दै आएको छ। बैंकले यस अघि सिटिजन्स फोनपे क्रेडिट कार्ड, सिटिजन्स डिजी बैंक प्लेटफर्म र जेन–जी बचत खाताजस्ता सेवा सञ्चालनमा ल्याइसकेको छ। नयाँ साझेदारीले बैंकका ग्राहकलाई डिजिटल माध्यमबाट खरिद तथा भुक्तानी गर्ने थप विकल्प उपलब्ध गराउने विश्वास बैंकले लिएको छ। बैंकका अनुसार हाल सिटिजन्स बैंकले देशका ६१ जिल्लामा रहेका २०० शाखामार्फत सेवा प्रदान गर्दै आएको छ। बैंकमा २० लाख ७८ हजारभन्दा बढी ग्राहक आबद्ध छन्। ग्राहकलाई सहज र पहुँचयोग्य बैंकिङ सेवा उपलब्ध गराउने उद्देश्यले बैंकले १६७ वटा एटीएम, तीनवटा एक्सटेन्सन काउन्टर तथा ४२ वटा शाखारहित बैंकिङ इकाइमार्फत समेत सेवा सञ्चालन गरिरहेको छ। सिटिजन्स बैंक र सिटीटेक ग्रुपबीचको यो साझेदारीले डिजिटल भुक्तानी प्रणालीलाई थप प्रोत्साहन गर्नुका साथै ग्राहकलाई खरिद तथा भुक्तानीमा नयाँ सुविधा उपलब्ध गराउने अपेक्षा गरिएको छ। The post सिटिजन्स बैंक र सिटीटेक ग्रुपबीच साझेदारी, अब कार्डबाट सामान किन्दा किस्ताबन्दीमा भुक्तानी गर्न सकिने appeared first on Corporate Khabar : Nepals First Corporate News Magazine and Portal.

Share:WhatsAppFacebookX (Twitter)Telegram

Read Complete Original Article

Published originally on कर्पोरट खबर

Visit Publisher Site →

Related News

🇳🇵 Nepal
४६ वर्षको उमेरमा मैदान फर्किए फुटबल खेलाडी रोनाल्डिन्हो
Latest NewsJust now

४६ वर्षको उमेरमा मैदान फर्किए फुटबल खेलाडी रोनाल्डिन्हो

ब्राजिलका महान् फुटबल खेलाडी रोनाल्डिन्हो ४६ वर्षको उमेरमा मैदानमा फर्किएका छन्। उनले आइतबार इटालियन तेस्रो डिभिजन क्लब रेवेन्नाबाट खेलेका हुन्। जुन खेलमा रेवेन्नाले खेल २-० ले जित हासिल गर्‍यो। रोनाल्डिन्होले २०१५ मा फ्लुमिनेन्सका लागि खेल्दै फुटबलबाट सन्न्यास घोषणा गरेका थिए।  अगस्टमा उनी लगानीकर्ताका रूपमा रेवेन्नामा सामेल भ... ...

नेपालखबर
बालेनको भारत भ्रमण सफल बनाउने जिम्मेवारीसहित दिल्ली जाँदै निश्चलनाथ
Latest NewsJust now

बालेनको भारत भ्रमण सफल बनाउने जिम्मेवारीसहित दिल्ली जाँदै निश्चलनाथ

काठमाण्डु- भारतका लागि नवनियुक्त नेपाली राजदूत डा. निश्चलनाथ पाण्डेले सोमबार राष्ट्रपति रामचन्द्र पौडेलसमक्ष पद तथा गोपनीयताको शपथ लिएका छन्। शपथसँगै उनको कूटनीतिक जिम्मेवारी पनि तत्कालै सुरू भएको छ। मंगलबार नै नयाँदिल्ली प्रस्थान गर्ने तयारीमा रहेका पाण्डेको पहिलो र तत्कालीन प्राथमिकता प्रधानमन्त्री वालेन्द्र शाहको आसन्न भारत भ्रमणलाई उपलब्धिमूलक बनाउनु हुनेछ। प्रधानमन्त्री शाह मंसिर पहिलो साता भारत […] ...

काठमाण्डुपाटी
घाइतेलाई दुई जनालाई थप उपचारका लागि सुर्खेत पठाइयो
Latest NewsJust now

घाइतेलाई दुई जनालाई थप उपचारका लागि सुर्खेत पठाइयो

मुगु।काठमाडौंबाट रारा तालतर्फ आइरहेको बागमती बा १७ च १८६४ नम्बरको आइतबार भएको जीप दुर्घटनाका दुई जना घाइतेलाई थप उपचारका लागि आज सुर्खेत पठाइएको छ। उक्त दुर्घटनामा घाइते भएका चालक ललितपुरका कन्चन थापा र अन्जु थापालाई थप उपचारका लागि नेपाली सेनाको हेलिकप्टरमार्फत सुर्खेत पठाइएको प्रहरी नायब उपरीक्षक रविराज थपलियाले जानकारी दिए। उक्त जीप जिल्लाको छायाँनाथ रारा नगरपालिका–७, टोप्लास्थित भिरबाट ६०० मिटर तल खसेको ...

नेपालन्युज
स्वाद र मूल्य दुवै राम्रो, थारू आलुखेतीतर्फ आकर्षित हुँदै किसान
Latest NewsJust now

स्वाद र मूल्य दुवै राम्रो, थारू आलुखेतीतर्फ आकर्षित हुँदै किसान

स्वादिलो, लामो समयसम्म भण्डारण गर्न सकिने र बजारमा राम्रो मूल्य पाउने भएपछि बर्दियाका किसान रैथाने आलुखेतीतर्फ आकर्षित हुन थालेका छन् । स्थानीय तहले बीउमा अनुदान ...

कृषि ज्ञान
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play