Thursday, November 19, 2026||
MultiKhabarMultiKhabar

सहरभन्दा पनि पहिला ग्रामीण क्षेत्रलाई स्वास्थ्य, शिक्षा र पूर्वाधारमा जोड्नुपर्छ : मुख्यमन्त्री किरण थापा

Share:WhatsAppFacebookX (Twitter)Telegram
सहरभन्दा पनि पहिला ग्रामीण क्षेत्रलाई स्वास्थ्य, शिक्षा र पूर्वाधारमा जोड्नुपर्छ : मुख्यमन्त्री किरण थापा
Photo / Coverage: जनताटाइम्स

हेटौँडा, मंसिर ३ । बागमती प्रदेशका मुख्यमन्त्री किरण थापा मगरले सहर केन्द्रित विकासभन्दा पहिले ग्रामीण क्षेत्रलाई स्वास्थ्य, शिक्षा र पूर्वाधारको पहुँचमा जोड दिनुपर्ने बताउनुभएको छ। धादिङको त्रिपुरासुन्दरी गाउँपालिकामा आज आयोजित छलफल कार्यक्रममा आफ्नो धारणा राख्दै मुख्यमन्त्री थापाले ग्रामीण क्षेत्रको विकास र त्यहाँका नागरिकको जीवनस्तर सुधारलाई प्रदेश सरकारले प्राथमिकतामा राखेको बताउनुभएको हो। “सहरभन्दा पनि पहिला ग्रामीण क्षेत्रलाई स्वास्थ्य, शिक्षा र पूर्वाधारमा जोड दिनुपर्छ भन्ने मेरो मान्यता हो,” उहाँले भन्नुभयो, “गाउँमा मानिसहरू कसरी टिकाइराख्ने भन्ने विषयमा अहिले बागमती प्रदेश सरकारले काम गरिरहेको छ।” मुख्यमन्त्री थापाले जनतासँग प्रत्यक्ष जोडिएर काम गर्ने जिम्मेवारी स्थानीय तहको भएकाले स्थानीय सरकारले अघि सारेका विकासका दृष्टिकोण र योजनालाई प्रदेश तथा संघीय सरकारले सहयोग गर्नुपर्ने धारणा राख्नुभयो। “प्रत्यक्ष जनतासँग जोडिएर काम गर्ने भनेको स्थानीय तहले हो। स्थानीय तहको विकासको दृष्टिकोणलाई प्रदेश र संघीय सरकारले होस्टेमा हैँसे गर्नुपर्छ,” उहाँले भन्नुभयो। गाउँबाट हुने बसाइसराइ रोक्न तीनवटै तहका जनप्रतिनिधिले स्थानीय आवश्यकतालाई प्राथमिकतामा राखेर काम गर्नुपर्ने उहाँको भनाइ थियो। ग्रामीण क्षेत्रमा आधारभूत सेवा तथा सुविधाको विस्तार गर्न सके मात्रै नागरिकलाई आफ्नै गाउँमा बस्न सक्ने वातावरण निर्माण गर्न सकिने उहाँले बताउनुभयो। त्रिपुरासुन्दरी र गंगा-जमुना गाउँपालिकाका ठूला पूर्वाधार योजनालाई बहुवर्षीय योजनाका रूपमा अघि बढाउने तयारी भइरहेको जानकारी दिँदै मुख्यमन्त्री थापाले साना योजनाहरूको समेत स्रोत सुनिश्चित गरेर कार्यान्वयन गरिने बताउनुभयो। “त्रिपुरासुन्दरी र गंगा-जमुनाका केही पूर्वाधारका ठूला योजनालाई हामीले बहुवर्षीय योजना बनाउँदै छौँ। साना योजनाहरूलाई स्रोत सुनिश्चितता गरेर काम गर्दै छौँ,” उहाँले स्पष्ट पार्नुभयो। बागमती प्रदेशका सबै पालिका र वडाको समानुपातिक विकास आवश्यक रहेको उल्लेख गर्दै मुख्यमन्त्री थापाले सडक तथा पूर्वाधारको पहुँचबाट पछाडि परेका स्थानीय तहलाई विशेष प्राथमिकतामा राखेर प्रदेश सरकारले काम गर्ने प्रतिबद्धता व्यक्त गर्नुभयो। “विकासको सन्दर्भमा प्रदेश सरकार र मैले सकेको काम गर्ने प्रतिबद्धता व्यक्त गर्दछु। बागमती प्रदेशका सबै पालिका र वडाहरूको समान विकास गर्ने गरी काम गर्नुपर्ने छ,” उहाँले भन्नुभयो, “पछाडि परेका र पक्की सडक नपुगेका स्थानीय तहलाई फोकस गरेर हामी काम गर्छौँ।” स्थानीय तहमा कतिपय काम कानुनी प्रक्रियाभन्दा व्यवहारिक अभ्यासका आधारमा भइरहेको प्रसङ्ग उल्लेख गर्दै उहाँले त्यस्ता कामलाई कानुनी दायराभित्र ल्याएर व्यवस्थित गर्नुपर्नेमा जोड दिनुभयो। कानुनअनुसार काम गर्ने प्रणाली विकास गर्नु आवश्यक रहेको उहाँको भनाइ थियो। स्वास्थ्य क्षेत्रको विकासलाई आफूले प्राथमिकतामा राखेको उल्लेख गर्दै मुख्यमन्त्री थापाले आफू विगतमा स्वास्थ्य मन्त्री रहँदा समेत यस क्षेत्रका स्वास्थ्य संस्थाको सुधार र सेवा विस्तारका लागि काम गरेको स्मरण गर्नुभयो। उहाँले त्रिपुरासुन्दरी नगर अस्पतालमा चिकित्सक पठाउनेदेखि बजेट व्यवस्थापन गर्नेसम्मका काम प्रदेश सरकारबाट भएको जानकारी दिनुभयो। त्यसै गरी गंगा-जमुना गाउँपालिकाका स्वास्थ्य संस्थाका लागि समेत बजेट विनियोजन गरिएको उहाँले बताउनुभयो। ग्रामीण क्षेत्रको समग्र विकास, स्वास्थ्य सेवाको पहुँच विस्तार, गुणस्तरीय शिक्षा, सडक तथा अन्य पूर्वाधार निर्माण र स्थानीय आवश्यकतामा आधारित योजनाको कार्यान्वयनमार्फत गाउँमै बस्न सक्ने वातावरण निर्माण गर्न प्रदेश सरकार प्रतिबद्ध रहेको मुख्यमन्त्री थापाको भनाइ थियो।

Share:WhatsAppFacebookX (Twitter)Telegram

Read Complete Original Article

Published originally on जनताटाइम्स

Visit Publisher Site →

Related News

🇳🇵 Nepal
‘एन्टीबायोटिकको विवेकपूर्ण प्रयोग र नीतिगत सुधारको आवश्यकता’
OthersJust now

‘एन्टीबायोटिकको विवेकपूर्ण प्रयोग र नीतिगत सुधारको आवश्यकता’

३ मंसिर, काठमाडौं । एन्टीबायोटिक औषधि आफूखुसी किनेर खाने, चिकित्सकले दिएको मात्रा पूरा नगर्ने र पशुपालन तथा कृषि क्षेत्रमा समेत आवश्यकताभन्दा बढी प्रयोग गर्ने प्रवृत्तिले एन्टीमाइक्रोबियल रेजिस्टेन्स (एएमआर) को जोखिम बढाउँदै लगेको छ । यो समस्या मानव स्वास्थ्यमा मात्र सीमित नभई पशु स्वास्थ्य, कृषि, खाद्य सुरक्षा र वातावरणसँग समेत जोडिएकाले यसको नियन्त्रणका लागि सबै क्षेत्रबीच… ...

अनलाइन खबर
सरकार फेर्न गुण्डु धाउन थाले कोशीका एमाले नेताहरू
OthersJust now

सरकार फेर्न गुण्डु धाउन थाले कोशीका एमाले नेताहरू

३ मंसिर, विराटनगर । कोशी प्रदेश सरकारको नेतृत्व परिवर्तन गर्न नेकपा एमालेका नेताहरू फेरि अध्यक्ष केपी शर्मा ओलीको भक्तपुरको गुण्डुस्थित निवास धाउन थालेका छन् । मंगलबार कोशी प्रदेशका केही नेताहरूले भेटवार्ता गरेसँगै सरकार फेर्ने कसरत फेरि सुरु भएको नेताहरू बताउँछन् । यसअघि गत साउनमा पनि मुख्यमन्त्री फेर्ने प्रयास भएको थियो । सम्भव नभएपछि एमाले नेतृत्व… ...

अनलाइन खबर
बालेन सरकारबारे चिनियाँ बुझाइ– ‘बीआरआईको शब्द उच्चारण गर्न अनिच्छुक छ’
OthersJust now

बालेन सरकारबारे चिनियाँ बुझाइ– ‘बीआरआईको शब्द उच्चारण गर्न अनिच्छुक छ’

चिनियाँ पक्ष भन्छ– ‘अहिलेको सरकार बीआरआई उच्चारण गर्न चाहँदैन, पोखरा विमानस्थलको परियोजनालाई पनि बद्नाम गराइएको छ । टोखा छहरे सुरुङमार्गको सम्भाव्यता अध्ययन करिब टुंगोमा छ । तर कर्मचारीतन्त्रले ढिलासुस्ती बढ्तै गरेको छ ।’ ...

अनलाइन खबर
एनपीएल : चितवनलाई हराउँदै सुदूरपश्चिम फाइनलमा, उपाधिका लागि लुम्बिनीसँग भिड्ने
OthersJust now

एनपीएल : चितवनलाई हराउँदै सुदूरपश्चिम फाइनलमा, उपाधिका लागि लुम्बिनीसँग भिड्ने

नेपाल प्रिमियर लिग (एनपीएल) २०२६ को दोस्रो क्वालिफायरमा चितवन राइनोजलाई ३ विकेटले पराजित गर्दै सुदूरपश्चिम रोयल्स फाइनलमा प्रवेश गरेको छ । कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा बिहीबार भएको खेलमा चितवनले दिएको १३४ रनको लक्ष्य सुदूरपश्चिमले १९.५ ओभरमा ७ विकेट गुमाएर पूरा गर्‍यो । यससँगै सुदूरपश्चिमले उपाधिका लागि फाइनलमा लुम्बिनी लायन्ससँगको भेट पक्का गरेको छ । चितवन भने दोस्रो क्वालिफायरबाटै बाहिरिएको छ ...

पर्दाफास
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play