Thursday, November 19, 2026||
MultiKhabarMultiKhabar

एनपीएल : चितवनलाई हराउँदै सुदूरपश्चिम फाइनलमा, उपाधिका लागि लुम्बिनीसँग भिड्ने

Share:WhatsAppFacebookX (Twitter)Telegram
एनपीएल : चितवनलाई हराउँदै सुदूरपश्चिम फाइनलमा, उपाधिका लागि लुम्बिनीसँग भिड्ने
Photo / Coverage: पर्दाफास

नेपाल प्रिमियर लिग (एनपीएल) २०२६ को दोस्रो क्वालिफायरमा चितवन राइनोजलाई ३ विकेटले पराजित गर्दै सुदूरपश्चिम रोयल्स फाइनलमा प्रवेश गरेको छ । कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा बिहीबार भएको खेलमा चितवनले दिएको १३४ रनको लक्ष्य सुदूरपश्चिमले १९.५ ओभरमा ७ विकेट गुमाएर पूरा गर्‍यो । यससँगै सुदूरपश्चिमले उपाधिका लागि फाइनलमा लुम्बिनी लायन्ससँगको भेट पक्का गरेको छ । चितवन भने दोस्रो क्वालिफायरबाटै बाहिरिएको छ । सुदूरपश्चिमको जितमा थारिन्दु रत्नायकेले अविजित अर्धशतकीय इनिङ्स खेले । उनले ४२ बलमा ७ चौका प्रहार गर्दै ५३ रन बनाए । दबाबपूर्ण अवस्थामा उनको ब्याटिङले टोलीलाई जितसम्म पुर्‍याउन महत्त्वपूर्ण भूमिका खेल्यो । त्यस्तै, विनोद भण्डारीले १३ बलमा २३ रन बनाए । कप्तान दीपेन्द्रसिंह ऐरीले १६ बलमा १५ रन जोड्दा आरिफ शेखले १० रन बनाए । ईशान पाण्डेले १० र फाबियन एलेनले ५ रनको योगदान दिए । दीपक बोहरा शून्य रनमा अविजित रहे । चितवनका लागि रञ्जित कुमारले २ विकेट लिए । कमलसिंह ऐरी, रिजन ढकाल, उसामा मिर र सलाउद्दिन खानले समान १–१ विकेट हात पारे । यसअघि टस जितेर पहिले ब्याटिङ गरेको चितवन राइनोजले निर्धारित २० ओभरमा ९ विकेट गुमाएर १३३ रन बनाएको थियो । चितवनका लागि डेभिड मलानले सर्वाधिक ७१ रन बनाएका थिए । उनले ५१ बलमा ९ चौका र २ छक्का प्रहार गर्दै अविजित अर्धशतक बनाए । सलाउद्दिन खानले १८ रन र कमलसिंह ऐरीले १० रन जोडेका थिए । सुदूरपश्चिमका लागि स्कट कुगेलाइनले ३ विकेट तथा थारिन्दु रत्नायकेले २ विकेट लिएका थिए । हेमन्त धामी, दीपेन्द्रसिंह ऐरी र ईशान पाण्डेले समान १–१ विकेट हात पारेका थिए । यस जितसँगै सुदूरपश्चिम रोयल्सले एनपीएलको उपाधि भिडन्तमा स्थान बनाएको छ । अब सुदूरपश्चिमले उपाधिका लागि शनिबार हुने फाइनलमा लुम्बिनी लायन्ससँग प्रतिस्पर्धा गर्नेछ । चितवन राइनोज भने प्रतियोगिताबाट बाहिरिएको छ ।

Share:WhatsAppFacebookX (Twitter)Telegram

Read Complete Original Article

Published originally on पर्दाफास

Visit Publisher Site →

Related News

🇳🇵 Nepal
‘एन्टीबायोटिकको विवेकपूर्ण प्रयोग र नीतिगत सुधारको आवश्यकता’
OthersJust now

‘एन्टीबायोटिकको विवेकपूर्ण प्रयोग र नीतिगत सुधारको आवश्यकता’

३ मंसिर, काठमाडौं । एन्टीबायोटिक औषधि आफूखुसी किनेर खाने, चिकित्सकले दिएको मात्रा पूरा नगर्ने र पशुपालन तथा कृषि क्षेत्रमा समेत आवश्यकताभन्दा बढी प्रयोग गर्ने प्रवृत्तिले एन्टीमाइक्रोबियल रेजिस्टेन्स (एएमआर) को जोखिम बढाउँदै लगेको छ । यो समस्या मानव स्वास्थ्यमा मात्र सीमित नभई पशु स्वास्थ्य, कृषि, खाद्य सुरक्षा र वातावरणसँग समेत जोडिएकाले यसको नियन्त्रणका लागि सबै क्षेत्रबीच… ...

अनलाइन खबर
सरकार फेर्न गुण्डु धाउन थाले कोशीका एमाले नेताहरू
OthersJust now

सरकार फेर्न गुण्डु धाउन थाले कोशीका एमाले नेताहरू

३ मंसिर, विराटनगर । कोशी प्रदेश सरकारको नेतृत्व परिवर्तन गर्न नेकपा एमालेका नेताहरू फेरि अध्यक्ष केपी शर्मा ओलीको भक्तपुरको गुण्डुस्थित निवास धाउन थालेका छन् । मंगलबार कोशी प्रदेशका केही नेताहरूले भेटवार्ता गरेसँगै सरकार फेर्ने कसरत फेरि सुरु भएको नेताहरू बताउँछन् । यसअघि गत साउनमा पनि मुख्यमन्त्री फेर्ने प्रयास भएको थियो । सम्भव नभएपछि एमाले नेतृत्व… ...

अनलाइन खबर
बालेन सरकारबारे चिनियाँ बुझाइ– ‘बीआरआईको शब्द उच्चारण गर्न अनिच्छुक छ’
OthersJust now

बालेन सरकारबारे चिनियाँ बुझाइ– ‘बीआरआईको शब्द उच्चारण गर्न अनिच्छुक छ’

चिनियाँ पक्ष भन्छ– ‘अहिलेको सरकार बीआरआई उच्चारण गर्न चाहँदैन, पोखरा विमानस्थलको परियोजनालाई पनि बद्नाम गराइएको छ । टोखा छहरे सुरुङमार्गको सम्भाव्यता अध्ययन करिब टुंगोमा छ । तर कर्मचारीतन्त्रले ढिलासुस्ती बढ्तै गरेको छ ।’ ...

अनलाइन खबर
एनपीएल सिजन–३ को उपाधिका लागि लुम्बिनी र सुदूरपश्चिम भिड्ने
OthersJust now

एनपीएल सिजन–३ को उपाधिका लागि लुम्बिनी र सुदूरपश्चिम भिड्ने

सुदूरपश्चिम लगातार तेस्रो पटक फाइनल पुगेको हो भने लगातार दोस्रो पटक लुम्बिनी र सुदूरपश्चिमको फाइनल हुन लागेको हो । ...

अनलाइन खबर
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play