Wednesday, November 18, 2026||
MultiKhabarMultiKhabar

विशेषज्ञ चिकित्सक अभावले चौतारा अस्पतालको सेवा प्रभावित

Share:WhatsAppFacebookX (Twitter)Telegram
विशेषज्ञ चिकित्सक अभावले चौतारा अस्पतालको सेवा प्रभावित
Photo / Coverage: नेपालन्युज

सिन्धुपाल्चोक। चौतारा प्रादेशिक अस्पतालमा विशेषज्ञ चिकित्सकको अभावले सेवा प्रवाह प्रभावित भएको छ। सदरमुकाम चौतारामा रहेको उक्त अस्पताल ५० शय्यामा स्तरोन्नति भएको छ। दैनिक तीन सयभन्दा बढी बिरामी उपचारका लागि पुग्ने गरे पनि आवश्यक विशेषज्ञ जनशक्ति नहुँदा अपेक्षाअनुसार सेवा दिन चुनौती थपिएको हो। अस्पतालमा आधुनिक भवन र उपचारका लागि आवश्यक उपकरण पर्याप्त मात्रामा उपलब्ध छन्। सिजेरियन, एपेन्डिक्स, हाडजोर्नीसम्बन्धी शल्यक्रियादेखि डायलाइसिससम्मका सेवा सञ्चालनमा छन्। अस्पतालका अनुसार दैनिक तीनवटाभन्दा बढी शल्यक्रिया हुने गरेका छन्। तर, यी सेवा सञ्चालनका लागि आवश्यक विशेषज्ञ चिकित्सकको अभाव छ। चौतारा अस्पतालमा उपचाररत मनकुमारी खत्री ढाडको नसासम्बन्धी समस्याबाट पीडित छन्। उनलाई बस्न र उठ्नसमेत कठिनाइ छ। आवश्यक परीक्षण र विशेषज्ञ उपचार सहज रूपमा उपलब्ध नहुँदा थप उपचारका लागि राजधानी जानुपर्ने हो कि भन्ने चिन्ता उनलाई छ। अस्पतालमा एमआरआई सेवा उपलब्ध नहुनु र चिकित्सक फेरिइरहँदा पटक–पटक आफ्नो स्वास्थ्य अवस्थाबारे जानकारी गराउनुपर्ने बाध्यता रहेको उनको गुनासो छ। विशेषज्ञ चिकित्सकको निरन्तरता नहुँदा उपलब्ध सेवासमेत नियमित सञ्चालन गर्न समस्या भइरहेको अस्पताल प्रशासनले जनाएको छ। अस्पतालमा विशेषज्ञ चिकित्सकका लागि छ जनाको दरबन्दी रहे पनि हाल छात्रवृत्ति करारमा नियुक्त एक जना विशेषज्ञ चिकित्सक मात्रै कार्यरत छन्। करारमा नियुक्त चिकित्सकले एक वर्षको अवधि पूरा गरेपछि अस्पताल छाड्ने गरेका छन्। नयाँ नियुक्तिका लागि विज्ञापन गर्दा समेत चिकित्सकको आवेदन नपर्ने गरेको अस्पताल व्यवस्थापन समितिका अध्यक्ष केशवराज गिरीले बताए। उनका अनुसार सेवा क्षेत्रभित्रका स्थानीय तहले विशेषज्ञ चिकित्सकका लागि आर्थिक सहयोग वा अनुदानको व्यवस्था गर्न सके जिल्लामै विशेषज्ञ सेवा नियमित बनाउन सहज हुनेछ। गत असारमा हाडजोर्नी विशेषज्ञको सरुवापछि तीन महिनासम्म उक्त सेवा अवरुद्ध भएको थियो। बालरोग विशेषज्ञका लागि समेत आवेदन नपरेको अस्पतालको भनाइ छ। चिकित्सकलाई आकर्षित गर्न पर्याप्त आवासीय सुविधा र अतिरिक्त आर्थिक प्रोत्साहनको व्यवस्था नहुँदा जिल्लामा विशेषज्ञ चिकित्सक टिकाउन कठिन भइरहेको अस्पताल व्यवस्थापन समितिको निष्कर्ष छ। सरकारी तलब सुविधाले मात्रै विशेषज्ञ चिकित्सकलाई जिल्लामा आकर्षित गर्न नसकिएको अस्पतालका मेडिकल सुपरिटेन्डेन्ट डा. विवेक भण्डारीले बताए। जुगल, बलेफी, इन्द्रावती गाउँपालिका र चौतारा साँगाचोकगढी नगरपालिकाका नागरिक उपचारका लागि चौतारा अस्पताल आउने गरेका छन्। त्यसैले अस्पतालको सेवा प्रभावकारी बनाउन स्थानीय तहबीच सहकार्य र समन्वय आवश्यक रहेको व्यवस्थापन समितिको भनाइ छ।

Share:WhatsAppFacebookX (Twitter)Telegram

Read Complete Original Article

Published originally on नेपालन्युज

Visit Publisher Site →

Related News

🇳🇵 Nepal
एमालेको राष्ट्रिय कार्यकर्ता भेलामा उपाध्यक्ष पौडेलद्वारा पार्टीले गरेका महत्त्वपूर्ण कार्यहरूको सूची पेस (पूर्णपाठ)
Latest NewsJust now

एमालेको राष्ट्रिय कार्यकर्ता भेलामा उपाध्यक्ष पौडेलद्वारा पार्टीले गरेका महत्त्वपूर्ण कार्यहरूको सूची पेस (पूर्णपाठ)

काठमाडौँ । नेकपा (एमाले) को राजधानीमा सुरु भएको राष्ट्रिय कार्यकर्ता भेलामा पार्टीका उपाध्यक्ष विष्णु पौडेलले विगतमा एमाले नेतृत्वको सरकारले देश र जनताको पक्षमा गरेका महत्त्वपूर्ण कार्यहरूको फेहरिस्त पेस गरेका छन्। ‘नेकपा... ...

रातोपाटी
वैदेशिक रोजगारीको नाममा १ लाख ५० हजार महिलाहरू बेचबिखन र हिंसाको शिकार
Latest NewsJust now

वैदेशिक रोजगारीको नाममा १ लाख ५० हजार महिलाहरू बेचबिखन र हिंसाको शिकार

काठमाडाैँ । विज्ञहरूले वैदेशिक रोजगारीको नाममा महिलाहरु मानव बेचबिखन तथा विभिन्न प्रकारका हिंसाको सिकार भइरहेको भन्दै यसलाई नियन्त्रण गर्न नीतिगत सुधारको आवश्यकता औँल्याएका छन् । बुधबार सिंहदरबारमा बसेको प्रतिनिधि सभाको महिला तथा सामाजिक मामिला समितिको बैठकमा मानव बेचबिखन तथा ओसारपसार नियन्त्रण विधेयकमाथिको छलफलमा बोल्दै उनीहरुले यस्तो बताएका हुन् । पछिल्लो समय मानव बेचबिखनको स्वरूप परिवर्तन हुँदै गएको उल्लेख गर्दै उनीहरूले ...

टक्सार
के फेरि सहकार्य गर्दैछन् सन्तोष र प्रदीप ?
Latest NewsJust now

के फेरि सहकार्य गर्दैछन् सन्तोष र प्रदीप ?

काठमाडौँ । अभिनेता प्रदीप खड्का निर्देशक तथा निर्माता सन्तोष सेनको फिल्म ‘प्रेम गीत’बाट दर्शकमा चिनिएका हुन् । यो फिल्मले उनलाई फिल्म क्षेत्रमा चिनाएन मात्र स्थापित नै गरायो । त्यसपछि खड्का... ...

रातोपाटी
एआई र डिजिटल अर्थतन्त्रमा अन्तर्राष्ट्रिय सहकार्य बढाउन सीको आग्रह
Latest NewsJust now

एआई र डिजिटल अर्थतन्त्रमा अन्तर्राष्ट्रिय सहकार्य बढाउन सीको आग्रह

• चिनियाँ राष्ट्रपति सी जिनपिङले एआई, डिजिटल अर्थतन्त्र र स्वतन्त्र व्यापारमा अन्तर्राष्ट्रिय सहकार्यको विस्तारको आह्वान गरेका छन्। • उनले व्यापार र लगानीका अवरोध हटाउनुपर्नेमा जोड दिँदै चीनले विदेशी लगानीका लागि बजार पहुँच विस्तार गर्ने बताए। • अमेरिका र चीनबीच व्यापार तनाव बढिरहेको समयमा सीको यो आग्रह आएको हो, जबकि एनभिडियाको आम्दानी र जासुसी विवादले पनि ध्यान खिचेको छ। ...

नेपालबहस
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play