वाणिज्य बैंकहरूको नाफा १९ अर्ब माथि

काठमाडौं । चालु आर्थिक वर्ष २०८३/०८४ को तीन महिनामा वाणिज्य बैंकहरूले १९ अर्ब १४ करोड ५४ लाख ७३ हजार रुपैयाँ नाफा कमाएका छन् । उक्त नाफा गत आर्थिक वर्षको सोही अवधिको तुलनामा ४५.५९ प्रतिशतले बढी हो । गत आर्थिक वर्षको सोही अवधिमा वाणिज्य बैंकको नाफा १३ अर्ब १४ करोड ९८ लाख २३ हजार रुपैयाँ थियो । बैंकहरूले सार्वजनिक गरेको वित्तीय विवरणअनुसार सञ्चालनमा रहेका २० बैंकमध्ये तीन बैंकको नाफा घटेको छ भने बाँकीको बढेको छ । रकमका आधारमा नबिल बैंक सबैभन्दा बढी दुर्ई अर्ब ५५ करोड ५१ लाख रुपैयाँ नाफासहित अगाडि रहेको छ भने ग्लोबल आइएमई बैंकले दुई अर्ब ३१ करोड ३८ लाख रुपैयाँ नाफा कमाएको छ । गत आर्थिक वर्षको सोही अवधिमा वाणिज्य बैंकहरूले १३ अर्ब १४ करोड ९८ लाख २३ हजार रुपैयाँ नाफा कमाएका थिए । त्यसैगरी राष्ट्रिय वाणिज्य बैंकको नाफा एक अर्ब ६४ करोड, एभरेस्ट बैंकको एक अर्ब २५ करोड, नेपाल इन्भेष्टमेन्ट मेगा बैंकको एक अर्ब १८ करोड, प्राइम कमर्सियल बैंकको एक अर्ब १८ करोड र एनएमबी बैंकको नाफा एक अर्ब १६ अर्ब रुपैयाँ रहेको छ । प्रतिशतका आधारमा नेपाल इन्भेष्टमेन्ट मेगा बैंकले २५२२.४७ प्रतिशत र कृषि विकास बैंकले १८०३.७१ प्रतिशतले नाफा कमाएका छन् । सिटिजन्स बैंकले गत आर्थिक वर्षको पहिलो त्रैमासको २२ करोड घाटामा सुधार गर्दै १० करोड ७७ लाख नाफा कमाएको छ । त्यसो त वाणिज्य बैंकहरूको नाफा बढेको देखिए पनि विगतका निष्क्रिय कर्जाको प्रोभिजनिङ, नियामक समायोजन र सञ्चित नोक्सानीको भारका कारण समग्र बैंकिङ क्षेत्रको कुल वितरणयोग्य नाफा नौ अर्ब सात करोड ८० लाख रुपैयाँ ऋणात्मक रहेको छ । २० बैंक वाणिज्य बैंकमध्ये पाँचवटा बैंकको वितरणयोग्य नाफा ऋणात्मक दर उच्च रहेको छ । जसमा एनआइसी एसिया बैंकको १५ अर्ब ३९ करोड, हिमालयन बैंकको नौ अर्ब ७९ करोड, प्रभु बैंकको छ अर्ब ७८ करोड, नेपाल इन्भेष्टमेन्ट मेगा बैंकको पाँच अर्ब १६ करोड र सिटिजन्स बैंकको ४४ अर्ब ८४ करोड रुपैयाँ ऋणात्मक रहेको छ । तर, एभरेस्ट बैंक तीन अर्ब ८७ करोड ८८ लाख रुपैयाँ वितरणयोग्य नाफासहित पहिलो स्थानमा छ भने सिद्धार्थ बैंक तीन अर्ब ५७ करोड, नेपाल बैंक दुई अर्ब ७५ करोड, नबिल बैंक दुई अर्ब २६ करोड, एनएमबी बैंक दुई अर्ब २५ करोड र स्ट्याण्डर्ड चार्टर्ड बैंक दुई अर्ब २२ करोडसहित उच्च वितरणयोग्य नाफामा रहेका छन् । बढ्दो निष्क्रिय कर्जा चुनौतीनाफा बढे पनि बढ्दो निष्क्रिय कर्जा वाणिज्य बैंकहरूको चुनौतीका रूपमा देखापरेको छ । सञ्चालनमा रहेका २० बैंकमा १२ बैंकको निष्क्रिय कर्जा बढेको छ भने छ बैंकको निष्क्रिय कर्जा घटेको छ । चालु आर्थिक वर्षको असोजसम्म निष्क्रिय कर्जा औसत ०.७८ प्रतिशतले बढेर ५.६४ प्रतिशतमा पुगेको छ । गत आर्थिक वर्षको सोही अवधिमा यस्तो निष्क्रिय कर्जा ४.८६ प्रतिशत रहेको थियो । असोजसम्म पाँच प्रतिशतभन्दा बढी निष्क्रिय कर्जा हुनेमा आठ बैंक रहेकामा सबैभन्दा बढी निष्क्रिय कर्जा प्रभु बैंकको रहेको छ । उक्त बैंकको निष्क्रिय कर्जा १४.८० प्रतिशत पुगेको छ । गत आर्थिक वर्षको सोही अवधिमा ५.७८ प्रतिशतमात्रैे थियो । त्यस्तै, एनआइसी एसिया बैंकको निष्क्रिय कर्जा २.८२ प्रतिशतले बढेर ९.८१ प्रतिशत पुगेको छ । गत आर्थिक वर्षको सोही अवधिमा ६.९९ प्रतिशत रहेको थियो भने नेपाल इन्भेष्टमेन्ट मेगा बैंकको निष्क्रिय कर्जा २.२४ प्रतिशतले बढेर ८.८७ प्रतिशत पुगेको छ । कुमारी बैंकको निष्क्रिय कर्जा ६.९८ प्रतिशतबाट १.७४ प्रतिशतले बढेर ८.७२ प्रतिशत पुगेको छ । हिमालयन बैंकको निष्क्रिय कर्जा ०.५९ प्रतिशतले बढेर ७.९८ प्रतिशत पुगेको छ भने प्राइम बैंकको निष्क्रिय कर्जा १.२९ प्रतिशतले बढेर ७.१५ प्रतिशत पुगेको छ । सिटिजन्स बैंकको निष्क्रिय कर्जा ०.०४ प्रतिशतले घटेर ६.८० प्रतिशतमा झरेको छ । लक्ष्मी सनराइज बैंकको निष्क्रिय कर्जा ०.१६ प्रतिशतले बढेर ५.५८ प्रतिशत पुगेको छ भने एनएमबी बैंकको निष्क्रिय कर्जा ०.३४ प्रतिशतले बढेर ४.९२ प्रतिशत पुगेको छ । कृषि विकास बैंकको निष्क्रिय कर्जा ०.०१ प्रतिशले बढेर ४.७९, ग्लोबल आइएमईको ०.१९ प्रतिशतले घटेर ४.७९ प्रतिशत, नेपाल बैंकको ०.८८ प्रतिशतले घटेर ४.६१, नबिल बैंकको ०.२५ प्रतिशतले घटेर ४.०६, माछापुच्छ्रे बैंकको निष्क्रिय कर्जा ०.१६ प्रतिशतले घटेर ३.९७, राष्ट्रिय वाणिज्य बैंकको निष्क्रिय कर्जा ०.०६ प्रतिशतले बढेर ३.८९ प्रतिशत रहेको छ । त्यसैगरी सिद्धार्थ बैंकको निष्क्रिय कर्जा ०.१० प्रतिशतले घटेर ३.७०, नेपाल एसबिआई बैंकको ०.१८ प्रतिशतले बढेर ३.१९, सानिमा बैंकको १.०५ प्रतिशतले घटेर २.८६, स्ट्याण्डर्ड चार्टर्ड बैंकको ०.१२ प्रतिशतले बढेर १.८३, एभरेस्ट बैंकको ०.२४ प्रतिशतले घटेर ०.५० प्रतिशत र सबैभन्दा कम निष्क्रिय कर्जा एभरेष्ट बैंकको रहेको छ ।