Monday, November 16, 2026||
MultiKhabarMultiKhabar

मौरीपालनमा सम्भावना अपार, किसानका चुनौती अनेक

Share:WhatsAppFacebookX (Twitter)Telegram
मौरीपालनमा सम्भावना अपार, किसानका चुनौती अनेक
Photo / Coverage: नेपालन्युज

झापा। मौरीपालनबाट राम्रो आम्दानी गर्न सकिने सम्भावना भए पनि रोग संक्रमण, विषादीको प्रयोग, सरकारी प्रोत्साहनको अभाव र बजार व्यवस्थापनको समस्याले किसान निरुत्साहित हुन थालेका छन्। लगानीअनुसार प्रतिफल नपाउँदा व्यावसायिक मौरीपालन सङ्कटमा परेको किसानको गुनासो छ। शिवसताक्षी उद्योग वाणिज्य सङ्घको समन्वयमा सङ्कल्प एग्रो टेक प्रालिले आयोजना गरेको पाँचदिने सहकारी मौरीपालन तालिम तथा व्यवसाय प्रवर्द्धन कार्यक्रम बिहीबारदेखि सुरु भएको छ। तालिममा शिवसताक्षी, कनकाई र अर्जुनधाराका २५ जना किसान सहभागी छन्। तालिममा सहभागी शिवसताक्षीकी देवीकुमारी दाहालले २०० घारबाट सुरु गरेको व्यवसायमा रोग संक्रमणका कारण १५० घार गुमाएकी छन्। अहिले उनीसँग ५० घार मात्र बाँकी छन्। उनले मौरीपालनलाई टिकाउन सरकारले किसानमैत्री कार्यक्रम र आर्थिक सहयोग गर्नुपर्ने बताइन्। वार्षिक दुई हजार किलोग्रामसम्म मह उत्पादन गर्दै आएका किसान नन्दकुमार दंगालले विषादीको प्रयोगलाई मौरीपालनको प्रमुख चुनौती बताए। खेतबारीमा प्रयोग गरिने विषादीका कारण चरनमा गएका मौरी मर्ने र घारमा नफर्किने समस्या बढेको उनको भनाइ छ। कनकाईका भुवन अधिकारीले पनि १०० घारबाट मौरीपालन गर्दै वार्षिक करिब २० लाख रुपैयाँ आम्दानी गरिरहेका छन्। उनले विषादी नियन्त्रण र किसानलाई अनुदान तथा प्राविधिक सहयोग उपलब्ध गराउन तीनै तहका सरकारसँग माग गरे। शिवसताक्षी नगरपालिकामा हाल करिब दुई हजार मौरीका घार सञ्चालनमा रहेको कृषि शाखाले जनाएको छ। कृषि शाखा प्रमुख रविन भट्टराईका अनुसार पाँच वर्षअघि नगरका करिब ५५ प्रतिशत किसानका घरमा मौरीका घार हुने गरेकामा अहिले मौरीपालनप्रतिको आकर्षण घटेको छ। यसैबीच, अर्जुनधाराका युवा सुवास चापागाईंले आफ्नो फलफूल बगानमा मौरीपालन गर्ने योजना बनाएका छन्। आँप, केरा र लिचीका बोटमा परागसेचनमा समेत सहयोग पुग्ने भएकाले आफू यस व्यवसायमा आकर्षित भएको उनले बताए। कोशी प्रदेश सरकारको उदय परियोजनामार्फत किसानले उद्यम सञ्चालनका लागि आर्थिक तथा प्राविधिक सहयोग पाउन सक्ने मन्त्रालयका शाखा अधिकृत विमल बास्कोटाले जानकारी दिए। परियोजनाले उत्पादनको बजारीकरण, ब्रान्डिङ र प्याकेजिङमा समेत सहयोग गर्ने जनाएको छ। तालिम आयोजक सङ्कल्प एग्रो टेक प्रालिका प्रबन्ध निर्देशक सुरेश रेग्मीले किसानलाई उत्पादनसँगै गुणस्तर, प्याकेजिङ र बजार व्यवस्थापनमा सहयोग गर्न सके मौरीपालनलाई थप व्यावसायिक र आम्दानीमूलक बनाउन सकिने बताए। किसानले मौरीपालनलाई दिगो बनाउन रोग नियन्त्रण, विषादीको व्यवस्थित प्रयोग, सरकारी प्रोत्साहन र उत्पादित महको उचित बजार सुनिश्चित गर्नुपर्ने आवश्यकता औँल्याएका छन्।

Share:WhatsAppFacebookX (Twitter)Telegram

Read Complete Original Article

Published originally on नेपालन्युज

Visit Publisher Site →

Related News

🇳🇵 Nepal
जलवायु न्यायको माग गर्दै काठमाडौंमा प्रदर्शन
Latest NewsJust now

जलवायु न्यायको माग गर्दै काठमाडौंमा प्रदर्शन

जलवायु न्याय, क्षतिपूर्ति र पर्याप्त सार्वजनिक जलवायु वित्तको माग गर्दै गत शनिबार काठमाडौंमा विभिन्न नागरिक समाज, ट्रेड युनियन तथा सामाजिक संघसंस्थाले प्रदर्शन गरेका छन्। ...

कान्तिपुर
यूटीआईबारे जान्नै पर्ने महत्त्वपूर्ण कुराहरू
Latest NewsJust now

यूटीआईबारे जान्नै पर्ने महत्त्वपूर्ण कुराहरू

काठमाडौँ । महिलाहरूमा यूरिनरी ट्रयाक्ट इन्फेक्सन (यूटीआई) अर्थात् पिसाबनलीको संक्रमण एक सामान्य स्वास्थ्य समस्या हो। महिलाहरूले आफ्नो जीवनमा धेरै पटक यो समस्याको सामना गर्नुपर्छ। केही महिलाहरूमा यो संक्रमण निको भएपछि फेरि... ...

रातोपाटी
काठमाडौँ गौरीघाटमा छठ समापनका २१ दृश्य (तस्बिरहरू)
Latest NewsJust now

काठमाडौँ गौरीघाटमा छठ समापनका २१ दृश्य (तस्बिरहरू)

आज सोमबार बिहान उदाउँदो सूर्यलाई अर्घ्य दिँदै छठ पर्व सम्पन्न गरिएको छ। के तराई, के पहाड अहिले सबै क्षेत्रमा छठ पर्व धुमधामका साथ मनाइन्छ।  यसै क्रममा देशको केन्द्रीय राजधानी काठमाडौँमा पनि छठ भव्यतापूर्वक सम्पन्न गरिएको छ।  यसै क्रममा हेर्नुहोस् आज बिहान गौरीघाटमा देखिएका यी दृश्य-   ...

नेपालखबर
४३५ रुपैयाँ प्रिमियममा आइपिओ बेचेको घोराही सिमेन्टको घाटा गहिरियो,खुद नोक्सानी १६ करोड १५ लाख पुग्यो
Latest NewsJust now

४३५ रुपैयाँ प्रिमियममा आइपिओ बेचेको घोराही सिमेन्टको घाटा गहिरियो,खुद नोक्सानी १६ करोड १५ लाख पुग्यो

काठमाडौँ । सर्वसाधारणलाई प्रतिकित्ता रु. ३३५ प्रिमियम थपेर रु. ४३५ मा प्राथमिक सेयर (आइपिओ) बिक्री गरेको घोराही सिमेन्ट इन्डस्ट्री लिमिटेडको वित्तीय अवस्था थप खराब बन्दै गएको छ । कम्पनीले सार्वजनिक गरेको चालु आर्थिक वर्ष २०८३/८४ को पहिलो त्रैमासिक (असोज मसान्तसम्म) को अपरिष्कृत वित्तीय विवरण अनुसार कम्पनीको खुद नोक्सानी बढेर १६ करोड १५ लाख ५१ हजार रुपैयाँ नाघेको छ । अघिल्लो आर्थिक ...

टक्सार
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play