झापा । मेची भन्सार कार्यालय, काँकडभिट्टाले चालु आर्थिक वर्ष २०८३/८४ को पहिलो तीन महिनामा लक्ष्यको करिब ९५ प्रतिशत राजस्व संकलन गरेको छ। कार्यालयका सूचना अधिकारी मांकल राईका अनुसार साउनदेखि असोजसम्म ४ अर्ब ९२ करोड रूपैयाँ राजस्व संकलन गर्ने लक्ष्य राखेकामा ४ अर्ब ६७ करोड ७ लाख ७३ हजार रूपैयाँ संकलन गरेको हो। यस अवधिमा निर्धारित लक्ष्यको ९४ दशमलव ९३ प्रतिशत राजस्व संकलन भएको हो। महिनागत विवरणअनुसार साउनमा एक अर्ब ४३ करोड ५० लाख लक्ष्य रहेकामा एक अर्ब २७ करोड ९८ लाख ३७ हजार रूपैयाँ संकलन भएको थियो। त्यस्तै, भदौमा एक अर्ब ६४ करोड लक्ष्य रहेकामा एक अर्ब ५५ करोड ३५ लाख ३८ हजार रूपैयाँ संकलन भएको कार्यालयको तथ्यांकमा उल्लेख छ। असोजमा भने राजस्व संकलन थप बढेको देखिन्छ। उक्त महिनामा एक अर्ब ८४ करोड ५० लाख रूपैयाँ संकलन गर्ने लक्ष्य रहेकामा एक अर्ब ८३ करोड ७३ लाख ९८ हजार रूपैयाँ संकलन भएको छ। यो असोज महिनाको लक्ष्यको ९९ दशमलव ५९ प्रतिशत हो। कार्यालयका अनुसार, गत आर्थिक वर्षको तीन महिनाको सोही अवधिमा ४ अर्ब १५ करोड २० लाख नौ हजार रूपैयाँ संकलन भएको थियो। रासस The post मेची भन्सारले तीन महिनामा उठायो ४ अर्ब ६७ करोड राजस्व appeared first on Corporate Khabar : Nepals First Corporate News Magazine and Portal.
मेची भन्सारले तीन महिनामा उठायो ४ अर्ब ६७ करोड राजस्व
Read Complete Original Article
Published originally on कर्पोरट खबर
