सोलुखुम्बु । विश्वको सर्वोच्च शिखर सगरमाथा जिल्ला सोलुखुम्बुको अग्रज साहित्यकार तथा कवि हरि कट्टेललाई नेचा सल्यान गाउँपालिकामा आयोजित एक कार्यक्रमका बीच सगमाथाको उचाइ बराबरको नगद ८८४८ रुपयाँसहित सम्मानित हुनुभएको छ । साहित्यकार कट्टेल र मुलीवीर राईलाई नेपाली भाषा साहित्यका क्षेत्रमा लामो समयदेखि योगदान गरेबापत सोलुखुम्बु इनिसियटिभ नामक संस्थाले मुक्तिनाथ साहित्य सम्मान-२०८३ बाट नगद, सम्मान पत्र, मेडल र दोसल्लासहित सम्मान गरेको हो । संस्थाले एक साहित्यिक कोषको व्यवस्था गरी गत वर्षबाट सम्मान प्रदान गर्दै आएको छ । गत वर्ष उक्त सम्मानबाट रेणुका थापा सम्मानित हुनुभएको थियो भने यस वर्षका लागि कवि हरि कट्टेल र हाल यूके प्रवासमा रहनुभएका डा.मुलीवीर राईलाई विभूषित गरेको छ । दुबै स्रष्टालाई कार्यक्रमका प्रमुख अतिथि कोशी प्रदेशका पूर्वसामाजिक विकास मन्त्री तथा प्रदेश सांसद् बुद्धिकुमार राजभण्डारीले सम्मान पत्र, नगद र दोसल्लाले सम्मानित गर्नु भएको थियो । विशिष्ट अतिथि नेचा सल्यान गाउँपालिकाका अध्यक्ष धनञ्जन राई रहनु भएको थियो । उक्त कार्यक्रमको अध्यक्षता संस्थाका अध्यक्ष रोहित बास्तोलाले गर्नु भएको थियो ।
मुक्तिनाथ साहित्य सम्मान-२०८३ कट्टेललाई

Read Complete Original Article
Published originally on हिमालय टाइम्स






