भारतमा अज्ञात नम्बरहरूबाट आउने कलहरूमा केवाईसीमा दर्ता भएको नाम देखिने नियम लागू हुँदै

भारतीय दूरसञ्चार नियामक निकायले अज्ञात नम्बरहरूबाट आउने फोन कलहरूलाई नियमन गर्ने नयाँ कानुन ल्याएको छ। जसले गर्दा अज्ञात नम्बरहरूबाट आउने कलहरूमा, उक्त नम्बरसँग जोडिएको ‘केवाईसी’ मा दर्ता भएको नाम देख्न सकिनेछ। भारतको दूरसञ्चार विभागले १ नोभेम्बर, २०२६ देखि लागू हुने गरी यसलाई अनिवार्य गरेको छ। यसले भारतमा अपरिचित वा अज्ञात कलहरूसँग जुध्नुपर्ने झन्झट हटाउनेछ। पहिले, कल गर्ने व्यक्ति को हो भनेर पत्ता लगाउन ‘ट्रुकलर’ जस्ता एपहरूमा भर पर्नुपर्थ्यो, तर अब यो प्रक्रिया स्वतः हुने मिडिया रिपोर्टहरुमा उल्लेख छ। यसले फोन रिसिभरको सम्पर्क सूचीमा सेभ नभएका नम्बरहरूबाट कल आउँदा, कल गर्ने व्यक्तिको केवाईसीमा दर्ता भएको नाम देखिनेछ।विदेशबाट आउने कलहरूमा “अन्तर्राष्ट्रिय कल” भनेर उल्लेख गरिनेछ।कल समाप्त भइसकेपछि, टेलिकम अपरेटरहरूलाई कल गर्ने व्यक्तिको नाम सुरक्षित राख्न अनुमति दिइने छैन। भारतमा, टेलिकम अपरेटरहरू जियो, एयरटेल, भोडाफोन आइडिया र बीएसएनएलले आउने कलहरूमा केवाईसीमा दर्ता भएको नाम देखाउनुपर्नेछ। यो नियम १ नोभेम्बर, २०२६ देखि लागू हुनेछ। यो सुविधाले केवल ४जी र सोभन्दा माथिल्लो पुस्ताका नेटवर्कहरूमा मात्र काम गर्नेछ; तसर्थ, अज्ञात नम्बरबाट आउने कलमा केवाईसीमा दर्ता भएको नाम ४जी र ५जी प्रयोगकर्ताहरूले मात्र देख्न सक्नेछन्। यो सुविधा २जी/३जी नेटवर्क वा ल्यान्डलाइन कनेक्सनहरूमा उपलब्ध हुनेछैन। भारतीय दूरसञ्चार विभागको यो नयाँ निर्देशनपछि, कल आउँदा फोन उठाउने व्यक्तिले केवल अज्ञात नम्बरको सट्टा केवाईसीमा दर्ता भएको नाम देख्न पाउनेछन् तर यो सुविधाले उक्त कल ‘स्पाम’ कल हो वा होइन भन्ने कुरा भने बताउने छैन। The post भारतमा अज्ञात नम्बरहरूबाट आउने कलहरूमा केवाईसीमा दर्ता भएको नाम देखिने नियम लागू हुँदै appeared first on Technology Khabar.