Tuesday, November 17, 2026||
MultiKhabarMultiKhabar

भाटभटेनी पछि पर्दा सी.जी. इम्पेक्स उत्कृष्ट करदाता,गुरुङको गुनासोपछि ‘विशेष सम्मान’

Share:WhatsAppFacebookX (Twitter)Telegram
भाटभटेनी पछि पर्दा सी.जी. इम्पेक्स उत्कृष्ट करदाता,गुरुङको गुनासोपछि ‘विशेष सम्मान’
Photo / Coverage: टक्सार

काठमाडौँ । राष्ट्रिय कर दिवस २०८३ का दिन सरकारले विभिन्न विधामा सबैभन्दा धेरै कर तिर्ने संस्था तथा व्यक्तिलाई सम्मान गर्छ । यसमा ‘वस्तु व्यापारको कारोबार’ गर्नेमध्ये बढी आयकर दाखिला गर्नेमा भाटभटेनी अग्रस्थानमा रहँदै आएको थियो । यसपटक करदिवसको पूर्वसन्ध्यामा भाटभटेनीका सञ्चालक मिनबहादुर गुरुङले आफू निकटलाई सुनाए,“यसपटक हामीलाई नदिने (वस्तु व्यापारको कारोबार गर्नेमध्ये बढी आयकर दाखिला गर्ने सम्मान ) भए ।” भदौ २३,२४ को जेनजी आन्दोलनकाक्रममा काठमाडौँको मुख्यसहित विभिन्न आउटलेटहरूमा ठुलो क्षति पुगेको थियो । यसले भाटभटेनीको खर्चमात्रै बढेको थिएन बिक्री पनि स्वाभाविक रूपमा घटेको थियो । यसै पृष्ठभूमिमा गुरुङले आफू निकटसँग आफ्नो विधा अन्तर्गतको‘उत्कृष्ट करदाता’को सम्मान नपाउने गुनासो गरेका थिए । यो सोमबारको प्रसँग थियो । सरकारले आज (मङ्गलबार) आजमात्रै उत्कृष्ट करदातालाई सम्मान गरेको छ । गुरुङलाई बिगमार्ट वा सी.जी एम्पेक्स प्रा.लि.ले यो सम्मान पाउने अनौपचारिक जानकारी पुगिसकेको थियो । त्यसैले उनलाई यो छटपटी भएको थियो । गुरुङ निकट स्रोतकाअनुसार ‘आन्दोलनका कारण व्यवसायमा ठुलो क्षति पुगेको र बिक्री घट्दा आयकर कम हुनु स्वाभाविक भएको’ भनेर उच्च व्यवस्थापकहरूले सम्झाउने प्रयास गरेका थिए । यो गुनासो अर्थमन्त्री डा. स्वर्णिम वाग्ले र आन्तरिक राजस्व विभागका अधिकारी समक्ष पनि पुगेको थियो । यसै गुनासोको पृष्ठभूमिमा भाटभटेनी सुपरमार्केटलाई ‘प्रतिकूल व्यावसायिक अवस्थाका बाबजुद उत्कृष्ट करदाता’ विधामा सम्मान गरिएको छ । भाटभटेनीले पाउँदै आएको ‘वस्तु व्यापारको कारोबार’ गर्नेमध्ये बढी आयकर दाखिला गर्ने ‘ताज’ सिजी इम्पेक्स प्रा.लि.को भागमा परेको छ । यससँगै सी.जी.ग्रुप अन्तर्गतको कम्पनी पहिलोपटक सबैभन्दा धेरै कर तिर्ने सूचीमा परेको छ । यद्यपी पब्लिक कम्पनीमा रहेको नबिल बैंक भने उत्कृष्ट करदाताको रूपमा रहँदै आएको छ । सी.जी. इम्पेक्स उत्कृष्ट करदाताको सूचीमा परेपछि चौधरी ग्रुप यसपटक आलोचनाको घेराबाट जोखिने देखिएको छ । विगतमा नेपालका एकमात्र डलर अर्बपति विनोद चौधरी र उनका कम्पनीले किन सबैभन्दा धेरै कर तिर्दैनन् भनेर ‘ट्रोल’ बन्ने गरेको थियो । ट्रोल बनेपछि उत्कृष्ट करदाताको रुपमा सम्मानित नभए पनि आफ्ना कम्पनीले तिरेका कर भन्दै बाहिर ल्याउने गरेको थियो । यसपटक भाटभटेनी आन्दोलनको मारमा पर्दा सी.जी. इम्पेक्स प्रा.लि.लाई फाइदा भएको देखिएको छ ।

Share:WhatsAppFacebookX (Twitter)Telegram

Read Complete Original Article

Published originally on टक्सार

Visit Publisher Site →

Related News

🇳🇵 Nepal
आगामी आईपीएल नखेल्ने ट्राभिस हेडको निर्णय
Latest NewsJust now

आगामी आईपीएल नखेल्ने ट्राभिस हेडको निर्णय

हैदराबाद । इन्डियन प्रिमियर लिग (आईपीएल) २०२७ मा सनराइजर्स हैदराबाद (एसआरएच) को चर्चित ओपनिङ जोडी ‘ट्राभिशेक’ अर्थात् ट्राभिस हेड र अभिषेक शर्माको साझेदारी देख्न पाइने छैन। अस्ट्रेलियाको व्यस्त अन्तर्राष्ट्रिय तालिकालाई मध्यनजर गर्दै... ...

रातोपाटी
एआई चिप्समा पहुँच सुनिश्चित गर्न सिङ्गापुरको पहल
Latest NewsJust now

एआई चिप्समा पहुँच सुनिश्चित गर्न सिङ्गापुरको पहल

सिङ्गापुर । चिनियाँ कम्पनीले तेस्रो मुलुकका डाटा सेन्टरमार्फत अमेरिकी उन्नत कृत्रिम बौद्धिकता (एआई) चिप्स प्रयोग गर्न नपाऊन् भन्ने उद्देश्यले अमेरिकाले नयाँ निर्यात प्रतिबन्ध लगाएपछि सिङ्गापुरले आफ्ना कम्पनीका लागि त्यस्ता प्रविधिमा विश्वसनीय पहुँच सुनिश्चित गर्न पहल थालेको छ । सिङ्गापुरका सम्बन्धित मन्त्रालयले नयाँ प्रतिबन्धको अध्ययन भइरहेको र प्रभावित कम्पनीसँग छलफल गर्नुका साथै अमेरिकी अधिकारीसँग पनि परामर्श भइरहेको जनाएको छ । नयाँ अमेरिकी नियमअनुसार ...

केन्द्रबिन्दु
बीमा प्राधिकरणका नवनियुक्त अध्यक्षलाई बीमक सङ्घको बधाई
Latest NewsJust now

बीमा प्राधिकरणका नवनियुक्त अध्यक्षलाई बीमक सङ्घको बधाई

काठमाडौँ, कात्तिक २८ गते । नेपाल बीमक सङ्घले नेपाल बीमा प्राधिकरणका नवनियुक्त अध्यक्ष डा. राजनविक्रम थापालाई बधाई तथा सफल कार्यकालको शुभकामना व्यक्त गरेको छ। सङ्घका अध्यक्षसहित आबद... ...

गोरखापत्र
अन्तर्राष्ट्रिय शैक्षिक सहकार्य विस्तार गर्न त्रिविद्वारा ‘कन्ट्री फोकल पर्सन’ आह्वान
Latest NewsJust now

अन्तर्राष्ट्रिय शैक्षिक सहकार्य विस्तार गर्न त्रिविद्वारा ‘कन्ट्री फोकल पर्सन’ आह्वान

काठमाडौँ। त्रिभुवन विश्वविद्यालय (त्रिवि) ले विश्वका विभिन्न मुलुकका विश्वविद्यालय तथा अनुसन्धान संस्थाहरूसँग शैक्षिक सहकार्य विस्तार गर्न ‘कन्ट्री फोकल पर्सन’ नियुक्तिका लागि आवेदन आह्वान गरेको छ। विश्वविद्यालयको अन्तर्राष्ट्रिय सम्बन्ध केन्द्रले हालै स्वीकृत ‘त्रिविको अन्तर्राष्ट्रियकरणसम्बन्धी निर्देशिका, २०२६’ अनुसार इच्छुक स्थायी प्राध्यापकहरूबाट आशयपत्र माग गरेको हो। उपकुलपतिबाट नियुक्त हुने यस स्वयंसेवी तथा मानार्थ पदको कार्यकाल सुरुमा दुई वर्षको हुनेछ। नियुक्त व्यक्तिले सम्बन्धित देशका विश्वविद्यालयसँग भएका ...

टक्सार
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play