Monday, November 16, 2026||
MultiKhabarMultiKhabar

प्रोटोन ई. मास ५ मलेसियामा सबैभन्दा बढी बिक्री

Share:WhatsAppFacebookX (Twitter)Telegram
प्रोटोन ई. मास ५ मलेसियामा सबैभन्दा बढी बिक्री
Photo / Coverage: हिमालय टाइम्स

काठमाडौं । मलेसियाको विद्युतीय सवारी बजारमा प्रोटोन ई. मास ५ ले अक्टोबर २०२६ मा उल्लेखनीय सफलता हासिल गरेको छ । समग्र इभी दर्तामा गिरावट आए पनि उक्त मोडलले सर्वाधिक दर्ता हुने विद्युतीय सवारीको स्थान हासिल गर्दै बजारमा आफ्नो अग्रता कायम गरेको कम्पनीले जनाएको छ । कम्पनीका अनुसार अक्टोबरमा प्रोटोन ई.मास ५ का दुर्ई हजार दुई सय ६२ वटा सवारी दर्ता भएका छन्, जसले मलेसियाको कुल इभी बजारको ४९.३ प्रतिशत हिस्सा ओगटेको छ । उक्त महिनामा मलेसियामा कुल चार हजार पाँच सय ९२ वटा विद्युतीय सवारी दर्ता भएका थिए, जुन सेप्टेम्बरको तुलनामा २३.८ प्रतिशतले कम र गत फेब्रुअरीयताकै सबैभन्दा न्यून मासिक दर्ता हो । त्यसैगरी, प्रोटोन ई.मास ७ का पाँच सय ५४ वटा सवारी दर्ता भएका छन् । उल्लेखित दुर्ई मोडलको संयुक्त दर्ता कुल इभी दर्ताको ६१.३ प्रतिशत रहेको छ । यसैबीच, अक्टोबरमा हाइब्रिड सवारीको दर्ता संख्या पाँच हजार २३ पुगेको छ, जुन यस वर्ष दोस्रोपटक पूर्ण विद्युतीय सवारीको दर्ताभन्दा बढी हो । जसले मलेसियाको विद्युतीय तथा वैकल्पिक ऊर्जा सवारी बजारमा उपभोक्ताको रोजाइ र बजारको बदलिँदो प्रवृत्तिलाई दर्शाउने कम्पनीको भनाइ छ । मलेसियामा ई. मास ५ ले हासिल गरेको सफलताले प्रोटोनको विद्युतीय सवारीप्रतिको बढ्दो बजार उपस्थितिलाई प्रतिबिम्बित गर्छ । नेपालमा भने शंकर ग्रुपअन्तर्गतको जगदम्बा मोटर्स प्रालिले प्रोटोनको आधिकारिक वितरकका रूपमा उपलब्ध गराउँदै आएको छ । कम्पनीका अनुसार प्रोटोन ई.मास ५ प्राइम र प्रिमियम गरी दुर्ई भेरियन्टमा उपलब्ध छन् । नेपालको कम्प्याक्ट इलेक्ट्रिक एसयुभी सेगमेन्टमै पहिलो रियर-ह्विल ड्राइभ लेआउट रहेको ई.मास ५ मा ४.९५ मिटरको टर्निङ रेडियस, रियर मल्टी-लिंक सस्पेन्सन, ८५ किलोवाट मोटर, ४० किलोवाट आवरको सिएटिएल एलएफपी ब्याट्री र भेहिकल-टु-लोड (भि-टु-एल) क्षमता रहेको छ । ७० लिटरको फ्रन्ट ट्रंक (फ्रंक), तीन सय ७५ लिटरसम्म विस्तार गर्न सकिने पछाडिको लगेज स्पेस र ३२ वटा स्टोरेज कम्पार्टमेन्टले गाडीको व्यावहारिक उपयोगिता थप बढाउँछन् । साथै, १४.६ इन्चको टचस्क्रिन इन्फोटेनमेन्ट सिस्टम, वायरलेस एप्पल कारप्ले र एन्ड्रोइड अटो सुविधा उपलब्ध छन् । ई.मास ५ को मूल्य ३२ लाख ९९ हजार रुपैयाँबाट सुरु हुन्छ । प्रोटोन ई.मास ७ प्राइम र प्रिमियम भेरियन्टमा उपलब्ध छ । जसमा चार सय १० किलोमिटरसम्मको डब्लुएलटिपी रेन्ज दिने एजिस सर्ट ब्लेड ब्याट्री प्रविधि, १२-इन-१ इन्टिग्रेटेड मोटर र डिसी फास्ट चार्जिङ सुविधा रहेको छ । जसमा १५.४ इन्चको २.५ के टचस्क्रिन, १६ स्पिकरयुक्त फ्लाइम साउन्ड सिस्टम, एप्पल कारप्ले, एन्ड्रोइड अटो, विन्डशिल्ड हेड-अप डिस्प्ले (एचयुडी) र भेहिकल-टु-लोड (भि-टु-एल) सुविधा पनि उपलब्ध छन् । हाल उक्त ई.मास ७ को मूल्य ४९ लाख ९९ हजारबाट सुरु हुन्छ ।

Share:WhatsAppFacebookX (Twitter)Telegram

Read Complete Original Article

Published originally on हिमालय टाइम्स

Visit Publisher Site →

Related News

🇳🇵 Nepal
कान्ति ताल बेवारिसे, भत्कँदै संरचना
Latest NewsJust now

कान्ति ताल बेवारिसे, भत्कँदै संरचना

बाँके । पर्यटकीय गन्तव्यका रूपमा विकास गर्ने उद्देश्यले करिब रु १० करोड खर्च गरेर निर्माण गरिएको नेपालगन्जको कान्ति ताल संरक्षण र व्यवस्थापनको अभावमा जीर्ण बन्दै गएको छ । उपमहानगरपालिकाले ठुलो लगानी... ...

रातोपाटी
पुरानाकै बाटोमा
Latest NewsJust now

पुरानाकै बाटोमा

सत्तारुढ दलका सांसदहरू यतिबेला विश्वका विभिन्न मुलुकको भ्रमणमा रहनुभएको छ । भ्रमणका उद्देश्य फरक-फरक होलान् र उहाँहरू फरक-फरक मुलुकको भ्रमण गरिरहनु भएको छ तर यसले नयाँहरू पनि पुरानै सरकार र दलहरूको पदचाप पछ्याउँदै अगाडि बढिरहनु भएको छ भन्ने पुष्टि गर्छ । सत्ता परिवर्तन भएर ३५ वर्षदेखिका निरन्तर पालोफेरोमा दोहोरिने तीन दलहरूभन्दा भिन्न लक्ष्य, उद्देश्य र मार्ग तयार गर्ने प्रतिबद्धताकासाथ आएको ...

हिमालय टाइम्स
बक्स अफिसमा फराकिलो दूरी, नयाँ चलचित्रलाई दर्शकको खडेरी
Latest NewsJust now

बक्स अफिसमा फराकिलो दूरी, नयाँ चलचित्रलाई दर्शकको खडेरी

काठमाडौं । बडादशैँ र तिहारको अवसर पारेर प्रदर्शनमा आएका नेपाली चलचित्रमध्ये केहीले बक्स अफिसमा उत्साहजनक सुरुवात गरे पनि अधिकांशको व्यापार अपेक्षानुसार हुनसकेको छैन । चलचित्र विकास बोर्डले सार्वजनिक गरेको बक्स अफिस विवरणानुसार प्रदर्शनरत नेपाली चलचित्रको कमाइमा ठूलो अन्तर देखिएको छ । एकातिर ‘कबड्डी ५-आफ्टर द फाइनल म्याच’ बक्स अफिसमा अग्रस्थानमा रहँदा अर्कोतिर नयाँ चलचित्र ‘पाँच पाण्डव’को व्यापार ४३ लाख रुपैयाँमा ...

हिमालय टाइम्स
घट्यो अमेरिकन डलरसहित सबैजसो विदेशी मुद्राको मूल्य
Latest NewsJust now

घट्यो अमेरिकन डलरसहित सबैजसो विदेशी मुद्राको मूल्य

नेपाल राष्ट्र बैंकले आज मंसिर १ गते मंगलरबारका लागि विदेशी मुद्राहरूको विनिमयदर निर्धारण गरेको छ। जसअनुसार आज अमेरिकन डलर, युरोपियन युरो, यूके पाउन्ड स्ट्रलिङलगायत सबैजसो विदेशी मुद्राको मूल्य घटेको छ। हेर्नुहोस् सूची ...

नेपालखबर
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play