पचास वर्षदेखि कसरी उस्तै छ रजनीकान्तको जादु

<p><strong>लोकप्रिय भारतीय अभिनेता रजनीकान्त फिल्म क्षेत्रमा प्रवेश गरेको ५० वर्षभन्दा बढी भइसकेको छ। तथापि, ७५ वर्षको उमेरमा पनि उनी मुख्य नायक कै रूपमा पर्दामा देखिँदै आएका छन्। </strong></p><p>उनको फिल्म &#039;जेलर २&#039; शुक्रवार रिलिज भएको छ। उनको पछिल्लो फिल्म &#039;कुली&#039;ले मिश्रित प्रतिक्रिया पाए पनि &#039;जेलर २&#039; प्रति दर्शकको अपेक्षा घटेको छैन।</p><p>आज पनि नयाँ निर्देशकहरूको मुखबाट सुनिन्छ, &quot;सुपरस्टार रजनीका लागि मसँग एउटा कथा छ।&quot;</p><ul> <li><a href="https://www.bbc.com/nepali/articles/cqvg0m8p9378o?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">भारतीय अभिनेता नाना पाटेकरको निधन : विशिष्ट शैली र जीवन्त अभिनयको सम्झना</a></li><li><a href="https://www.bbc.com/nepali/articles/c0lex36j085o?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">भारतमा नयाँ &#039;वेबसिरिज&#039;ले जन्मायो वैवाहिक बलात्कारबारे बहस</a></li> </ul><p>उनीहरू रजनीकान्तलाई बुवा वा सहायक पात्रको रूपमा नभई मुख्य नायककै रूपमा प्रस्तुत गर्न चाहन्छन्।</p><p>&#039;फोर्ब्स इन्डिया&#039; ले सन् २०१३ मा रजनीकान्तबारे प्रकाशित एउटा सामग्रीमा लेखेको थियो, &quot;चलचित्रहरूको एउटा निश्चित आयु हुन्छ, तर तिनका स्टारहरूको हुँदैन। उनीहरू आफैँमा एउटा ब्र्यान्ड बन्छन्।&quot;</p><h2>&#039;रजनी&#039; नामको ब्र्यान्ड</h2><figure> <img alt="रजनीकान्तका प्रशंसक" src="https://ichef.bbci.co.uk/ace/standard/raw/cpsprodpb/c280/live/ccb97f90-c9f7-11f1-a64c-550be9e3c66b.jpg"/> Getty Images <figcaption>रजनीकान्तका प्रशंसक</figcaption> </figure><p>लेखिका जे दीपाका अनुसार, &quot;रजनी केही फिल्महरूको खुलेर प्रशंसा गर्छन् र त्यस्ता कथामा काम गर्ने इच्छा पनि व्यक्त गर्छन्। तर, उनी आफ्ना प्रशंसकलाई मन पर्ने फिल्महरू मात्रै छान्न निकै सावधानी अपनाउँछन्। यसैले गर्दा &#039;रजनी&#039; ब्र्यान्ड आज पनि कायम छ।&quot;</p><p>सिनेमासम्बन्धी पुस्तकहरू समेत लेखेकी उनी भन्छिन्, &quot;रजनी आफ्ना खुबी र कमजोरीबारे राम्ररी जानकार छन्। पर्दामा तिनलाई कसरी प्रस्तुत गरिन्छ भन्नेमा उनी सधैँ सचेत रहन्छन्।&quot; </p><p>&quot;यसको उदाहरण उनको स्टाइल हो, जुन पहिलो फिल्मदेखि आजसम्म उस्तै छ।&quot;</p><p>&#039;अ बर्ड्स आई भ्यू अफ ब्र्यान्ड रजनीकान्त&#039; नामक अनुसन्धानपत्रका अनुसार, रजनीकान्त फिल्मबाहिर पनि विभिन्न वर्गका मानिसलाई आफूतर्फ आकर्षित गर्न सफल भएका छन्। </p><p>उनका चर्चित अनि जोडदार संवादहरू, &#039;अन्नामलाई&#039;, &#039;उझैप्पाली&#039;, &#039;वीरा&#039; र &#039;मुथु&#039; जस्ता फिल्ममा आम मानिसको प्रतिनिधित्व गर्ने पात्र तथा सार्वजनिक जीवनको सरल व्यवहारले उनको ब्र्यान्डलाई बलियो बनाएका छन्।</p><ul> <li><a href="https://www.bbc.com/nepali/articles/cwyndj1915zo?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">&#039;हरर विरोधाभास&#039;: कसरी डर जगाउने चलचित्रले तपाईँको तनाव कम गर्न सक्छन् </a></li><li><a href="https://www.bbc.com/nepali/news-63215627?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">अमिताभ-रेखा बीचको प्रेम सम्बन्धको वास्तविकता के थियो</a></li> </ul><p>उक्त शोधपत्रमा भनिएको छ, &quot;अमिताभ बच्चन, शाहरुख खान, आमिर खान र सलमान खानजस्ता भारतीय सुपरस्टारहरूले विभिन्न व्यावसायिक ब्र्यान्डका विज्ञापन गर्छन् तर रजनीकान्त सार्वजनिक रूपमा व्यावसायिक ब्र्यान्डहरूको प्रचार गर्दैनन्।&quot;</p><p>यद्यपि, व्यावसायिक लाभका निम्ति उनको छविको प्रयोग भने हुँदै आएको छ। उदाहरणका लागि, जापानी खाद्य कम्पनी &#039;टोहाटो&#039; ले जापानमा आफ्ना उत्पादनको प्रचार गर्न रजनीकान्तको तस्बिर प्रयोग गरेको थियो। </p><p>सन् १९९५ मा रिलिज भएको फिल्म &#039;मुथु&#039; को डब संस्करणपछि उनी जापानमा पनि लोकप्रिय बनेका थिए।</p><h2>व्यावसायिक सफलता</h2><p>सन् २०२३ मा रिलिज भएको रजनीकान्तको फिल्म &#039;जेलर&#039; मा उनको पुरानो फिल्म &#039;बाशा&#039; को प्रभाव देखिन्छ। </p><p>यसमा एक अवकाशप्राप्त जेलरले आफ्नो छोराको हत्याको बदला लिन शान्त पारिवारिक जीवन त्यागेर हिंसाको बाटो अपनाउँछ। ऊ वास्तवमा को हो र विगतमा के गरेको थियो भन्ने कुरा फ्ल्यासब्याक र अन्य पात्रहरूमार्फत् खुल्दै जान्छ।</p><p>मोहनलाल, शिवराजकुमार, विनायकन र ज्याकी श्रफजस्ता अन्य भाषाका चर्चित कलाकारले आफूले यो फिल्म &#039;रजनीकान्तकै लागि&#039; गरेको बताएका छन्।</p><p>फिल्मको मूल्याङ्कन कलात्मकता, कथा, पटकथा र सामाजिक सन्देशका आधारमा मात्र नभई व्यावसायिक सफलताका आधारमा पनि गरिन्छ। यस दृष्टिले &#039;जेलर&#039; ले ६०० करोड भारतीय रुपैयाँभन्दा बढी कमाइ गरेको बताइन्छ। </p><p>बलिउड स्टारहरूका फिल्मको व्यावसायिक सफलतासँग तुलना गर्दा यो उल्लेखनीय आँकडा हो।</p><ul> <li><a href="https://www.bbc.com/nepali/articles/cqxg3e545nzo?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">हिन्दी फिल्म शोलेको ५० वर्ष, किन यसको अझै चर्चा गर्छन् दर्शक</a></li><li><a href="https://www.bbc.com/nepali/articles/c0rvp980l9no?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">प्रतिभाशाली भारतीय चलचित्रकर्मी गुरु दत्तको वियोगान्त जीवन</a></li> </ul><h2>&#039;सबै चलचित्र सफल हुनुपर्छ भन्ने छैन&#039;</h2><p>यद्यपि, रजनीकान्तका सबै फिल्म व्यावसायिक रूपमा सफल हुँदैनन्। </p><p>यसको उदाहरण सन् २००२ मा रिलिज भएको &#039;बाबा&#039; हो। </p><p>रजनीकान्तले यसको पटकथा लेख्नुका साथै निर्माण पनि गरेका थिए। फिल्म असफल भए पनि त्यसले उनको अर्को फिल्म &#039;चन्द्रमुखी&#039; को सफलतामा असर पारेन।</p><p>जे दीपाका अनुसार &#039;चन्द्रमुखी&#039; मा मध्यन्तरअघिका धेरै दृश्य रजनीकान्तबिनै अघि बढ्छन्। ज्योतिका अभिनीत पात्रलाई पटकथामा विशेष महत्त्व दिइएको थियो।</p><p>&quot;यति हुँदाहुँदै पनि रजनीकान्तले यो फिल्ममा काम गरे। यसको एउटा प्रमुख कारण आफ्नो &#039;ब्र्यान्ड&#039; माथिको उनको भरोसा थियो।&quot;</p><h2>आफ्नो कमजोरी जान्दछन् रजनीकान्त</h2><p>रजनीकान्तले करियरको सुरुवातमा धेरै फिल्ममा खलनायकको भूमिका निर्वाह गरेका थिए। &#039;पतिनारु वयथिनिले&#039;, &#039;मुन्द्रु मुडिचु&#039;, &#039;गायत्री&#039; र &#039;अवर्गल&#039; मा उनका पात्र यस्ता थिए जसलाई आफ्नो &#039;ब्र्यान्ड&#039; बनाउन चाहने अभिनेताले स्वीकार गर्न हिच्किचाउन सक्थे।</p><p>&#039;ग्र्यान्ड ब्र्यान्ड रजनी: ब्र्यान्ड म्यानेजमेन्ट द रजनीकान्त वे&#039; नामक पुस्तकमा लेखिएको छ, &quot;रजनीकान्त पर्दामा यस्ता खलनायकका रूपमा उदाए जसलाई दर्शकले मन पराउँथे। उनका नकारात्मक भूमिकाहरूले उनलाई निकै सकारात्मक नतिजा दिए।&quot;</p><p>&quot;फिल्ममा खलनायकका रूपमा देखिँदा पनि सबैभन्दा धेरै ताली उनैले पाउँथे। दक्षिण भारतीय फिल्म उद्योगका लागि यो नयाँ कुरा थियो।&quot;</p><p>रजनीकान्त आफ्ना सीमितताबारे सचेत रहेका जे दीपा बताउँछिन्। &quot;फिल्म क्षेत्रमा प्रवेश गर्दा गाढा छाला भएका अभिनेतालाई उद्योगले सहजै नायकका रूपमा स्वीकार गर्दैनथ्यो भन्ने उनी जान्दथे।&quot;</p><p>&quot;त्यसैले उनले आफूलाई दिइएका खलनायकका भूमिकालाई फरक शैलीमा निर्वाह गरे। उनले ती पात्रलाई यसरी प्रस्तुत गरे कि दर्शकलाई उनको ठाउँ अर्को कुनै अभिनेताले लिन सक्दैन भन्ने लागोस्।&quot;</p><ul> <li><a href="https://www.bbc.com/nepali/articles/clyvxl05keqo?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">बलीवुडमा फेरि बिक्न थाल्यो भूतप्रेतको कथा, &#039;हरर&#039; चलचित्रको भविष्य के होला</a></li><li><a href="https://www.bbc.com/nepali/articles/c4gxyy40zwxo?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">लगातार एकपछि अर्को नेपाली चलचित्र &#039;लोकप्रिय&#039; बन्नुका कारण</a></li> </ul><p>सन् १९८० र १९९० को दशकमा रजनीकान्तले बलिउडका धेरै फिल्ममा सहनायक वा अन्य महत्त्वपूर्ण पात्रका रूपमा काम गरे। अमिताभ बच्चन मुख्य भूमिकामा रहेका फिल्महरू विशेष उल्लेखनीय छन्।</p><p>&quot;उनले मित्रताका लागि बलिउडका धेरै फिल्ममा काम गरे। यसले बलिउडमा पनि उनका प्रशंसकहरूको एउटा समूह तयार गर्‍यो,&quot; दीपा भन्छिन्।</p><p>&quot;यति हुँदाहुँदै पनि उनले त्यहाँ मुख्य नायक बन्ने प्रयास गरेनन्। बलिउडमा सुन्दरतासम्बन्धी स्थापित मापदण्ड कस्ता छन् भन्ने कुरा उनले बुझेका थिए।&quot;</p><p>&quot;तर, बलिउडका फिल्महरूले उनलाई सन् १९९० को दशकमा नै &#039;प्यान इन्डिया&#039; स्टार बनाइसकेका थिए। यसले उनका तमिल फिल्मप्रति पनि त्यहाँका दर्शकको ध्यान आकर्षित गर्‍यो।&quot;</p><p>दीपाका अनुसार, &quot;रजनीकान्तले आफ्नो फिल्मी करिअरको सुरुवातदेखि शिखरसम्म पुग्दासम्म आफूलाई जुन पक्षहरूमा सावधानीपूर्वक प्रस्तुत गरे, पछि उनका लागि कथा लेख्दा निर्देशकहरूले पनि तिनै पक्षलाई ध्यान दिन थाले।&quot;</p><h2>निर्माताहरूको साथ</h2><p>पछिल्ला केही वर्षमा रजनीकान्तका &#039;दरबार&#039;, &#039;अन्नात्थे&#039;, &#039;लाल सलाम&#039; र &#039;वेट्टैयन&#039; जस्ता फिल्मले अपेक्षाअनुसार सफलता हासिल गर्न सकेनन्। तैपनि उनी &#039;जेलर&#039;, &#039;कुली&#039; र &#039;जेलर-२&#039; जस्ता ठूलो बजेटका फिल्ममा मुख्य नायकका रूपमा देखिँदै आएका छन्।</p><p>फिल्म निर्माता जी. धनञ्जयन भन्छन्, &quot;आज पनि धेरै निर्माता रजनीकान्तलाई लिएर फिल्म बनाउन चाहन्छन्। रजनीकान्त आफैँले अस्वीकार नगरेसम्म, उनको &#039;सुपरस्टार&#039; छवि र ब्र्यान्डका कारण उनका फिल्म बनिरहनेछन्।&quot;</p><p>उनका अनुसार, &quot;&#039;जेलर&#039; र &#039;जेलर-२&#039; दुवै फिल्म &#039;रजनी&#039; नामको ब्र्यान्डलाई केन्द्रमा राखेरै बनाइएका&quot; हुन्।</p><ul> <li><a href="https://www.bbc.com/nepali/articles/cjkg03j4465o?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">भारतीय चलचित्रमा प्रयोग हुन थाल्यो एआई, कस्तो प्रभाव पर्न सक्छ </a></li><li><a href="https://www.bbc.com/nepali/articles/c4nwmv0k918o?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">बलीवुड चलचित्र अझै &#039;लिङ्गभेदी र पश्चगामी&#039; सूत्रमा बन्छन् </a></li> </ul><p>फिल्म &#039;कुली&#039; सम्बन्धी एउटा कार्यक्रममा रजनीकान्तले भनेका थिए, &quot;अब मेरो उमेर ढल्किसक्यो। म सन् १९५० को दशकको मोडलको गाडी जस्तै हुँ, जुन लाखौँ किलोमिटर गुडिसकेको छ।&quot;</p><p>&quot;त्यसैले मैले फिल्मको टोलीलाई मबाट धेरै काम नगराउन र मलाई सावधानीपूर्वक सम्हाल्न भनेको थिएँ।&quot;</p><p>फिल्ममा होस् वा मञ्चमा, रजनीकान्तको व्यक्तित्व कुनै ठूलो स्टारको भन्दा पनि आम मानिसको नजिक देखिन्छ। यसलाई पनि &#039;रजनी&#039; ब्र्यान्ड लामो समयसम्म कायम रहनुको महत्त्वपूर्ण कारण मानिन्छ।</p><p>&#039;ग्र्यान्ड ब्र्यान्ड रजनी&#039; पुस्तकमा भनिएको छ, &quot;यदि रजनीकान्तलाई &#039;उदीयमान सुपरस्टार&#039; वा &#039;भविष्यका स्टाइल किङ&#039; भनेर दर्शकहरूमाझ परिचित गराइएको भए &#039;रजनी&#039; नामको ब्र्यान्ड कहिल्यै बन्ने थिएन।&quot;</p><p>&quot;कुनै पनि ब्र्यान्डले आफ्नो क्षमता र सीमितता स्पष्ट रूपमा बुझेको हुनुपर्छ। रजनीकान्तले यो कुरा बुझेका छन्।&quot;</p><p><strong>बीबीसी न्यूज नेपाली यूट्यूबमा पनि छ। हाम्रो च्यानल सब्स्क्राइब गर्न तथा प्रकाशित भिडिओहरू हेर्न </strong><a href="https://www.youtube.com/channel/UCa9wigEw31xDMh_nrscmL6g" rel="noreferrer" target="_blank"><strong>यहाँ </strong></a><strong>क्लिक गर्नुहोस्। तपाईँ </strong><a href="https://www.facebook.com/BBCnewsNepali" rel="noreferrer" target="_blank"><strong>फेसबुक</strong></a><strong>, </strong><a href="https://www.instagram.com/bbcnewsnepali/" rel="noreferrer" target="_blank"><strong>इन्स्टाग्राम </strong></a><strong>र </strong><a href="https://twitter.com/bbcnepali" rel="noreferrer" target="_blank"><strong>ट्विटर</strong></a><strong>मा पनि हाम्रा सामग्री हेर्न सक्नुहुन्छ। अनि बीबीसी नेपाली सेवाको कार्यक्रम बेलुकी पौने नौ बजे रेडिओमा सोमवारदेखि शुक्रवारसम्म सुन्न सक्नुहुन्छ। </strong></p><img src="https://a1.api.bbc.co.uk/hit.xiti/?s=598346&amp;p=nepali.articles.c370pxk0gl8xo.page&amp;x1=%5Burn%3Abbc%3Aoptimo%3Aasset%3Ac370pxk0gl8xo%5D&amp;x4=%5Bne%5D&amp;x5=%5Bhttps%3A%2F%2Fwww.bbc.com%2Fnepali%2Farticles%2Fc370pxk0gl8xo%5D&amp;x7=%5Barticle%5D&amp;x8=%5Bsynd_nojs_ISAPI%5D&amp;x9=%5B%E0%A4%AA%E0%A4%9A%E0%A4%BE%E0%A4%B8+%E0%A4%B5%E0%A4%B0%E0%A5%8D%E0%A4%B7%E0%A4%A6%E0%A5%87%E0%A4%96%E0%A4%BF+%E0%A4%95%E0%A4%B8%E0%A4%B0%E0%A5%80+%E0%A4%89%E0%A4%B8%E0%A5%8D%E0%A4%A4%E0%A5%88+%E0%A4%9B+%E0%A4%B0%E0%A4%9C%E0%A4%A8%E0%A5%80%E0%A4%95%E0%A4%BE%E0%A4%A8%E0%A5%8D%E0%A4%A4%E0%A4%95%E0%A5%8B+%E0%A4%9C%E0%A4%BE%E0%A4%A6%E0%A5%81%5D&amp;x11=%5B2026-10-19T09%3A01%3A27.862Z%5D&amp;x12=%5B2026-10-19T09%3A01%3A27.862Z%5D&amp;x19=%5Bnepalipatro.com.np%5D"/>