<p><strong>ललितपुर ।</strong> नेपाल हस्तकला महासंघका पूर्वअध्यक्ष इन्द्रबहादुर शाक्य बंशद्वारा सम्पादित तथा प्रकाशित ‘नेपालको कला, संस्कृति, चाडपर्व, जात्रा र सम्पदाहरूको संग्रह’ सोमबार ललितपुरमा विमोचन गरिएको छ । उक्त संग्रह नेपाल हस्तकला महासंघका अध्यक्ष रविन्द्र शाक्य, नेपाल चेम्बर अफ कमर्सका अध्यक्ष कमलेशकुमार अग्रवाल, नेपाल उद्योग परिसंघका अध्यक्ष वीरेन्द्रराज पाण्डे, ललितपुर महानगरपालिकाकी उपमेयर मञ्जली शाक्य बज्राचार्य र सम्पादक तथा प्रकाशक शाक्यलगायतले संयुक्तरूपमा विमोचन गर्नुभएको हो ।</p> <p>सम्पादक तथा प्रकाशक शाक्य हस्तकला व्यवसायका साथै विभिन्न सामाजिक संस्था, धार्मिक व्यापारिक संगठनहरूमा पनि आबद्ध हुनुहुन्छ । नेपाल अर्बुद रोग निवारण संघ, धर्मोदय सभा, मृगेन्द्र मेडिकल ट्रष्ट, नेपाल-भारत मैत्री संघ, ज्येष्ठ नागरिक समिति, ललितपुर संस्कृति सम्बर्द्धन केन्द्र, अधेश्वर महाविहारलगायतमा आबद्ध शाक्यले पुर्ख्यौलीदेखि सुनचाँदीको गरगहना बनाउने काम गर्दै आउनुभएको छ । हस्तकला निर्यात व्यापारमा पस्मिना सल र निर्यातमा गुणस्तर नियन्त्रण कन्सल्टेन्सीसम्बन्धी ४८ वर्षको अनुभवी उहाँले विभिन्न संघसंस्थामा हस्तकला प्रशिक्षणसमेत प्रदान गर्दै आउनुभएको छ ।</p>
नेपालको कला, संस्कृति, चाडपर्वसम्बन्धी पुस्तक

Read Complete Original Article
Published originally on हिमालय टाइम्स






