Saturday, November 21, 2026||
MultiKhabarMultiKhabar

निजी च्याटका स्क्रिनसटले खोस्यो मिस युनिभर्स भियतनामको ताज

Share:WhatsAppFacebookX (Twitter)Telegram
निजी च्याटका स्क्रिनसटले खोस्यो मिस युनिभर्स भियतनामको ताज
Photo / Coverage: हिमालय टाइम्स

एजेन्सी । मिस युनिभर्स भियतनाम २०२६ को उपाधि जितेको ४८ दिनमै क्विन्ह एन गुयेनले आफ्नो ताज गुमाउनुभएको छ । निजी च्याटका स्क्रिनसट सार्वजनिक हुनु र आयोजकले लगाएको निलम्बनसम्बन्धी नियम उल्लंघन गरेको आरोपमा आयोजक कम्पनीले उहाँको उपाधि औपचारिक रूपमा फिर्ता लिने निर्णय गरेको हो । क्विन्हले गत अक्टोबर २ मा हाई फोङमा आयोजित प्रतियोगितामा मिस युनिभर्स भियतनाम २०२६ को उपाधि जित्नुभएको थियो । तर, उपाधि जितेको केही दिनमै उहाँ विवादमा तानिनुभयो । प्रतियोगिताकी पहिलो रनरअप त्रिन्ह माई एन र क्विन्हबीच भएको भनिएको निजी कुराकानीका स्क्रिनसट सामाजिक सञ्जालमा सार्वजनिक भएपछि विवाद चुलिएको थियो । सार्वजनिक स्क्रिनसटमा प्रतियोगिताका अन्य प्रतिस्पर्धी तथा प्रतियोगितासँग सम्बन्धित केही व्यक्तिबारे अपमानजनक टिप्पणी गरिएको दाबी गरिएको थियो । त्यसपछि प्रतियोगिताको आयोजक कम्पनी फाइभ ६ इन्टरटेनमेन्टले घटनाबारे अनुसन्धान अघि बढाएको थियो । कम्पनीले क्विन्हलाई ६ महिनासम्म प्रतियोगितासँग सम्बन्धित गतिविधिमा सहभागी हुन प्रतिबन्ध लगाएको थियो । विवाद सार्वजनिक भएपछि क्विन्हले आफ्नो व्यवहारप्रति माफीसमेत माग्नुभएको थियो । तर, आयोजक कम्पनीका अनुसार निलम्बनमा रहेकै अवस्थामा क्विन्हले कम्पनीको अनुमति नलिई विभिन्न कार्यक्रममा सहभागिता जनाउनुका साथै व्यावसायिक निमन्त्रणा स्वीकार गर्नुभएको थियो । उहाँले अर्को व्यवस्थापन कम्पनीले आयोजना गरेको कार्यक्रममा समेत सहभागिता जनाएको र आयोजकसँग पूर्वसहमति नगरी विशेष सम्झौताको घोषणा गरेको कम्पनीको आरोप छ । क्विन्हका यस्ता गतिविधिले विभिन्न भ्रम सिर्जना गर्नुका साथै प्रतियोगिताको प्रतिष्ठामा समेत असर पुगेको आयोजक कम्पनीले जनाएको छ । यता, क्विन्हले आफूलाई आराम गर्न तथा मानसिक स्वास्थ्योपचार गराउन आवश्यक रहेको जानकारी संस्थालाई गराउनुभएको थियो । उहाँले यसअघि नै तय भएका कार्यक्रमनुसार सम्झौताका जिम्मेवारी पूरा गर्न आफू असमर्थ रहेको समेत बताउनुभएको थियो । आयोजक कम्पनीले नोभेम्बर १८ देखि लागू हुनेगरी क्विन्हको उपाधि औपचारिक रूपमा फिर्ता लिएको जनाएको छ । यद्यपि, उहाँको स्थानमा अब कसलाई उपाधि प्रदान गरिने भन्नेबारे आयोजकले निर्णय सार्वजनिक गरेको छैन । क्विन्हले सन् २०१८ मा ‘द फेस भियतनाम’ प्रतियोगितामा पहिलो रनरअप बनेर चर्चा कमाउनुभएको थियो । त्यसैगरी, सन् २०२१ मा उहाँले एसियन सुपरमोडल प्रतियोगिताको उपाधिसमेत जित्नुभएको थियो । तर, यसपटक मिस युनिभर्स भियतनामको उपाधि जिते पनि विवादका कारण उहाँको ताजको यात्रा ४८ दिनमै समाप्त भएको छ ।

Share:WhatsAppFacebookX (Twitter)Telegram

Read Complete Original Article

Published originally on हिमालय टाइम्स

Visit Publisher Site →

Related News

🇳🇵 Nepal
विवाह : श्रीमान्-श्रीमतीको सम्बन्धमात्र होइन
Latest NewsJust now

विवाह : श्रीमान्-श्रीमतीको सम्बन्धमात्र होइन

विवाह एउटा केटा र केटीबीचको सम्बन्धमात्र होइन । विवाहपछि दुईजना मानिसमात्र जोडिँदैनन्, दुई परिवार पनि जोडिन्छन् । दुई फरक घर, फरक संस्कार, फरक सोच र फरक बानी भएका मानिसहरू एउटै सम्बन्धमा बाँधिन्छन् । त्यसैले विवाहलाई श्रीमान्–श्रीमतीको मायामा मात्र सीमित गरेर हेर्नु हुँदैन भन्ने मलाई लाग्छ । मेरो लागि बिहे भनेको श्रीमान्सँग मात्र जोडिनु होइन । बिहेपछि उहाँको परिवार, उहाँका आमाबुबा र ...

हिमालय टाइम्स
राजकीय भ्रमणका लागि आज भारत प्रस्थान गर्दै प्रधानमन्त्री शाह, यस्ता छन् २ दिनका कार्यक्रम
Latest NewsJust now

राजकीय भ्रमणका लागि आज भारत प्रस्थान गर्दै प्रधानमन्त्री शाह, यस्ता छन् २ दिनका कार्यक्रम

प्रधानमन्त्री वालेन्द्र शाह राजकीय भ्रमणका लागि आज मंसिर ६ गते भारत प्रस्थान गर्दै छन्। ३४ सदस्यीय भ्रमण टोलीको नेतृत्व गर्दै प्रधानमन्त्री शाह आज आइतबार दिउँसो १:४५ बजे काठमाडौँस्थित त्रिभुवन अन्तर्राष्ट्रिय विमानस्थलबाट नेपाल वायु सेवा निगमको विमान चढेर दिल्ली प्रस्थान गर्ने कार्यक्रम छ।  भारतका प्रधानमन्त्री नरेन्द्र मोदीको निमन्त्रणामा शाह २ दिनका लागि... ...

नेपालखबर
प्रधानमन्त्रीको भारत भ्रमण फलदायी बनोस्
Latest NewsJust now

प्रधानमन्त्रीको भारत भ्रमण फलदायी बनोस्

प्रधानमन्त्री बालेन साहले आजदेखि भारतको दुई दिने राजकीय भ्रमण गर्दै हुनुहुन्छ । अत्यन्त छोटो समयको बसाइ हुने यो भ्रमण उहाँ प्रधानमन्त्री बनेको आठ महिनापछि मिलेको संयोग हो । नेपालमा जो प्रधानमन्त्री बने पनि पहिलो विदेश भ्रमण भारतबाट सुरु हुने परम्परा रहिआएको थियो तर पछिल्लो समयमा केही प्रधानमन्त्रीहरूले उक्त परम्परालाई पालना नगरी अन्य मुलुकबाट विदेश भ्रमण थालनी गरेका हुँदा भारत रिसाएको ...

हिमालय टाइम्स
कविता : नखाएको बीष
Latest NewsJust now

कविता : नखाएको बीष

मानव जातिको उन्नत्तिमारमाउने मेरो चाहानाआज तुषारा पात भएछस्वरूप हेरेर आनन्दको अनुभूति संगाल्नेमेरा प्रिय जनको अनायासै कत्लेयाय भएछ । आफ्नै पसिनाद्वारा धर्तिमा उज्ज्यालो छर्नेअन्तरमनको उत्कट अभिलाषामाभोल्कानोजले क्षेदविछेद पार्दैछघमण्ड र उन्माद द्वारा उत्पन्न विषत्त कार्बनद्वारामेरो वास्तविक स्वरूपको क्षयीकरण भएछ । सुन्दैछु मेरो अन्तिम गन्तव्यमा पनिसुनामी र मरुभूमीकरण बन्दैछमानव जाति आफूले आफैंलाई विभाजन कर्म गरिरहेछ । चील गाडी युद्धले धर्ती रगताम्य भएको छप्राकृतिक सौन्दर्य क्रमशः जीर्ण ...

हिमालय टाइम्स
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play