Tuesday, November 17, 2026||
MultiKhabarMultiKhabar

नवीकरणीय स्रोतसाधनको दिगो उपयोगमा चीनले ल्यायो ‘न्यू थ्री’ नीति

Share:WhatsAppFacebookX (Twitter)Telegram
नवीकरणीय स्रोतसाधनको दिगो उपयोगमा चीनले ल्यायो ‘न्यू थ्री’ नीति
Photo / Coverage: विश्वखबर

काठमाडौं– चीनका नौ सरकारी विभागले नवीकरणीय स्रोतहरूको पुनप्र्रयोग प्रणालीलाई थप व्यवस्थित र प्रभावकारी बनाउँदै उद्योगको उच्च गुणस्तरीय विकासलाई प्रवर्द्धन गर्ने उद्देश्यसहित नयाँ निर्देशिका जारी गरेका छन् । चीनको वाणिज्य मन्त्रालय (एमओसी) का अनुसार उक्त निर्देशिकामा स्रोतहरूको पुनर्प्रयोग प्रणाली विकासका लागि १६ वटा प्रमुख कार्य समेटिएका छन् । निर्देशिकामा विशेषगरी विद्युतीय सवारीसाधन, लिथियम-आयन ब्याट्री र सौर्य ऊर्जा (फोटोभोल्टिक) उत्पादनबाट निस्कने ठोस फोहोरको संकलन, व्यवस्थापन तथा विघटन प्रक्रियालाई व्यवस्थित बनाउने विषयलाई प्राथमिकता दिइएको छ । यी तीन क्षेत्रलाई चीनले ‘नयाँ तीन’ (न्यू थ्री) का रूपमा वर्गीकरण गरेको छ । स्थानीय अवस्थाअनुसार विभिन्न प्रकारका पुनर्प्रयोग मोडल छनोट तथा कार्यान्वयन गर्न पनि निर्देशिकाले सम्बन्धित निकायलाई निर्देशन दिएको छ । यसअन्तर्गत विभिन्न प्रकारका नवीकरणीय स्रोत, ठूला तथा पुराना फर्निचर र प्रयोगविहीन घरेलु विद्युतीय उपकरणको व्यवस्थापनलाई समेटिएको छ । त्यसैगरी ‘नयाँ तीन’ अन्तर्गतका उत्पादनबाट निस्कने ठोस फोहोरको पुनप्र्रयोग तथा व्यवस्थापनका लागि समग्र योजना अघि सारिएको छ । विशेषगरी विद्युतीय सवारीसाधनका पावर ब्याट्री व्यवस्थापनमा देखिएका कमजोरी हटाउने, फोटोभोल्टिक उपकरणको पुनर्प्रयोग तथा उपयोग प्रणाली सुधार गर्ने र उत्पादनदेखि पुनप्र्रयोगसम्मको सम्पूर्ण प्रक्रियालाई प्रभावकारी बनाउने लक्ष्य निर्देशिकाले लिएको छ । यसका लागि उत्पादनको डिजाइन, निर्माण, प्रयोग, संकलन, व्यवस्थापन, विघटन तथा पुनःप्रयोगसम्मको सम्पूर्ण शृङ्खलालाई व्यवस्थित र सहज बनाउनेमा जोड दिइएको छ । निर्देशिका जारी गर्ने नौ सरकारी निकायमा चीनको वाणिज्य मन्त्रालय, राष्ट्रिय विकास तथा सुधार आयोग र उद्योग तथा सूचना प्रविधि मन्त्रालयलगायतका विभाग रहेका छन् । चीनले यस कदममार्फत स्रोतसाधनको दिगो उपयोग र फोहोर व्यवस्थापनमा सुधार ल्याउने लक्ष्य राखेको छ ।

Share:WhatsAppFacebookX (Twitter)Telegram

Read Complete Original Article

Published originally on विश्वखबर

Visit Publisher Site →

Related News

🇳🇵 Nepal
करको दर होइन, आर्थिक गतिविधि बढाउनुपर्छ : मुख्यमन्त्री थापामगर
Latest NewsJust now

करको दर होइन, आर्थिक गतिविधि बढाउनुपर्छ : मुख्यमन्त्री थापामगर

मकवानपुर – बागमती प्रदेशका मुख्यमन्त्री किरण थापा मगरले करको दर बढाएर मात्र राज्यको राजस्व वृद्धि सम्भव नहुने बताएका छन् । उनले उत्पादन, लगानी, रोजगारी र आर्थिक गतिविधि विस्तार गरी करको दायरा फराकिलो बनाउनुपर्नेमा जोड दिए । राष्ट्रिय कर दिवस २०८३ का अवसरमा मंगलबार आन्तरिक राजस्व कार्यालय हेटौँडाले आयोजना गरेको कार्यक्रममा मुख्यमन्त्री थापामगरले कर प्रणालीलाई न्यायपूर्ण, […] ...

काठमाण्डुपाटी
पारस खड्का क्यूजे मोटर नेपालको ब्रान्ड एम्बेसडर नियुक्त
Latest NewsJust now

पारस खड्का क्यूजे मोटर नेपालको ब्रान्ड एम्बेसडर नियुक्त

क्यूजे मोटर सन् १९५५ मा गिली ग्रुपअन्तर्गत स्थापित ब्रान्ड हो। कम्पनीले इन्जिनियरिङ, नवीनता र गुणस्तरीय उत्पादनका लागि अन्तर्राष्ट्रिय बजारमा आफ्नो पहिचान बनाएको जनाएको छ। ...

कान्तिपुर
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play