काठमाडौं, कात्तिक १९ । प्रधानमन्त्री बालेन्द्र शाह (बालेन) ले देश जोगाउने र पार्टी जोगाउने विषय फरक रहेको उल्लेख गर्दै सामाजिक सञ्जालमा स्ट्याटस सार्वजनिक गर्नुभएको छ। प्रधानमन्त्री शाहले केही समय अघि फेसबुकमा लेख्नुभएको छ, ‘तपाईँहरूको कार्यकर्ता लड्छन्, नेता हाँसेर बस्छन्, हाम्रो नेता लड्छन्, मानवताले आश गर्छन्। फरक यति हो, देश जोगाउने र पार्टी जोगाउनेमा फरक हुन्छ।’ प्रधानमन्त्री शाहको उक्त अभिव्यक्तिले राजनीतिक वृत्तमा विभिन्न अड्कलबाजी र चर्चा सुरु गराएको छ। उहाँले कुन राजनीतिक दल, नेता वा समूहलाई लक्षित गरेर यस्तो अभिव्यक्ति दिनुभएको हो भन्ने विषय अहिले चासोको विषय बनेको छ । स्टाटसमा कुनै व्यक्ति वा राजनीतिक दलको नाम स्पष्ट रूपमा उल्लेख नगरिएकाले उहाँको सङ्केत कसप्रति लक्षित हो भन्नेबारे भने आधिकारिक रूपमा पुष्टि हुन सकेको छैन। प्रधानमन्त्रीको उक्त अभिव्यक्तिलाई लिएर सामाजिक सञ्जालमा समेत विभिन्न प्रतिक्रिया आउन थालेका छन्। सरकारका अधिकारीको बिचौलियासँग साँठगाँठ, पत्रकारको गिरफ्तारी, सञ्चार गृहमा हस्तक्षेप, प्रहरी प्रमुखको बरखास्ती लगायतका काम भइरहेको बेला प्रधानमन्त्रीकाे यस्तो धारणा आएको हो ।
देश जोगाउने र पार्टी जोगाउनेमा फरक हुन्छ : बालेन्द्र शाह
Read Complete Original Article
Published originally on जनताटाइम्स
