<p> <p style="text-align:justify"><strong>काठमाडौं ।</strong> टीभीएसले नयाँ अपाचे आरटीआर २०० फोरभी यूएसडी मोटरसाइकल नेपाली बजारमा सार्वजनिक गरेको छ। टीभीएस मोटर कम्पनीको नेपालस्थित आधिकारिक साझेदार जगदम्बा मोटर्सले अपाचे ट्र्याक एक्सपेरियन्स कार्यक्रममार्फत नयाँ मोटरसाइकल सार्वजनिक गरेको हो।</p></p> <p> <p style="text-align:justify">टीभीएस मोटर कम्पनीका एसिया क्षेत्रीय व्यवसाय योजनाकार सुगन्धा सिंह र जगदम्बा मोटर्सका प्रमुख सञ्चालन अधिकृत दीपेन्द्र मिश्रले संयुक्त रूपमा मोटरसाइकल सार्वजनिक गरेका हुन्।</p></p> <p> <p style="text-align:justify">नयाँ मोटरसाइकलमा रिफाइन्ड इन्जिन, एलईडी डीआरएलसहितको प्रोजेक्टर हेडल्याम्प, टीभीएस स्मार्टएक्सकनेक्टसहितको टीएफटी डिस्प्ले, ड्युअल च्यानल एबीएस र ट्र्याक्सन कन्ट्रोल सिस्टम राखिएको छ। कम्पनीले यी विशेषताले मोटरसाइकलको प्रदर्शन, सुरक्षा र प्रविधिलाई एकसाथ समेटेको जनाएको छ।</p></p> <p> <p style="text-align:justify">मोटरसाइकलमा अर्बन, स्पोर्ट र रेन गरी तीनवटा राइड मोड छन्। दैनिक यात्राका लागि अर्बन, थप प्रदर्शन अनुभवका लागि स्पोर्ट र सडकको अवस्था तथा ट्र्याक्सन कन्ट्रोललाई ध्यानमा राखेर रेन मोड प्रयोग गर्न सकिने कम्पनीले जनाएको छ।</p> <p style="text-align:justify">नयाँ अपाचे ग्रेनाइट ग्रे र म्याट ब्ल्याक गरी दुई रङमा उपलब्ध हुनेछ। यसको नेपाली बजार मूल्य ४ लाख ५९ हजार ९०० रुपैयाँ तोकिएको छ। यो मोटरसाइकल नेपालभरका टीभीएस शोरुमबाट खरिद गर्न सकिने कम्पनीले जनाएको छ।</p> <p style="text-align:justify"><img alt="null" caption="" src="https://arthiknews.prixacdn.net/media/albums/DSC07379_QsHpzb6j6p.jpg" /></p></p> <p></p>
टीभीएसको नयाँ अपाचे आरटीआर २०० फोरभी यूएसडी सार्वजनिक, मूल्य ४ लाख ५९ हजार ९०० रुपैयाँ

Read Complete Original Article
Published originally on आर्थिक न्यूज






